التميلح ~~من شخابيط مبرمج زمانه

راعي العليا20 · #1 (**permalink**) 29-05-2010, 02:54 PM

~مدخل~

ما انت اول ولا آخر خســـاراتي
واللي خسرته وربي لاخذ ارباحه

تعريف التميلح :

لغة مدح النفس

واصطلاحا هو محاولة تلميع النفس امام الاشخاص بغرض مصالح دنيويه

>>متعوب على الجمله

بدايات التميلح

ظهر لأول مره في موقع الفيس بوك في بدايات عام الالفين وثلاثه وكان ظاهره دخيله على المجتمع لان الناس متعودين يرقمون في الاسواق

وبعدها تطور التميلح مع بعض الظواهر الغريبه مثل البلوتوث والبلاك بيري وغيرها من الوسائل المساعده على الموضوع

ومع نهاية عام 2009 وبداية 2010 بدأ التميلح يغزو منتديات البطاله

من خلال مواضيع لاتخفى عليكم وصار كل واحد يحاول يفهم الاعضاء ان دمه خفيف وانه راعي نكته

وهو في الحقيقه بزر ماوصل عمره 17 وباقي ماحذفوه من كرت العائله

ويمكن يكون السبب في بداية الظاهره هذي مايجده الاعضاء من الكبت النفسي في الشوارع من اسود الهيئه

عشان كذا صاروا يدخلون للمنتدى وكل واحد يجيب معاه اربعه ولا خمسه اعضاء من نفس شاكلته ويسوون شلليه

وكل واحد يرد على موضوع خويه ويمدحه ويصكه تقييم لين تشوف الواحد وصلت سمعته مليون ومشاركاته 20

والعجيب في الموضوع انه ياخذ باند ويرجع للمنتدى بنفس اسمه مع بعض التغيير في الزخرفه والصوره

ويدخل للواحه ويقول اشكر كل من سال عني وهو مايدري ان بعض الاعضاء ذبحوا ذبيحه يوم اخذ باند

ولا فيه نوع ثاني من الاعضاء يكتب له اربعه ولا خمسه مواضيع وكلها منقوله وقديمه وينسبها لنفسه

وبعدين يكتب موضوع الوداع فاني مغادر >>في قريح

والمشكله انه يرجع بعد اسبوع وماكانه كتب شي >>اتوقع انه يبي يشوف غلاته عندنا

اتمنى من اللي ماعجبه موضوعي لايرد عليه >>لانه هو المقصود بكلامي واللي في بطنه لحمه نيه تمغصه

ماادري ليه كتبت موضوعي هذا بس اكيد هذي اثار السخونه والمرض >>لاتقولون اني قاعد اتميلح

~مخرج~

خسران ربحان ما أراجع حساباتـــي
يا آخي انا مشتري من دنيتي الراحه

وكاني خسرت الغلا بأسباب غلطاتـــي
آدم خسر جنته بأسباب تفاحه

من شخبطاتي ومايدور في نفسي

تحياتي

إستراحة الأعضـاء