19-09-2008, 03:49 AM
|
|
Guest
|
|
تاريخ التسجيل: Jan 2007
المشاركات: 18,846
معدل تقييم المستوى: 0
|
|
هات القلم ناخذ مع الربـع مشـوار*نفزع مفازيـع الرجـال الشجيعـه
يوم ان ابن عسـاف فدابهـم كـار*خله يذوق المس واسمـع جضيعـه
الله جاب الشاه في ايديـن جـزار*يرمـي لحمهـا للسبـاع المجيعـه
مـن لا يخـاف الله ويولـع النـار*يجعل حطبها ليـن فكـره يضيعـه
ومن بدا بالشـر يبشـر بالاشـرار*يرسل عليه من السهـوم السريعـه
ترى عدو الناس في سر واجهـار*تجيه حرب مثـل حـرب الوديعـه
اخس من الثعلب وانجس من الفـار*من عقب كب الديد يرجع رضيعـه
الرجل وسط النار والراس فالغـار*وباب الصداقه عنه سكـر مريعـه
ماهمناالنـجـار يـفـزع لنـجـار*تضيق به الارض لو هـي وسيعـه
واللي فتح لـه بـاب جينـاه زوار*غصـب عليـه بشـي مايستطيعـه
حتى يقـول اعـوذبالله وش صـار*انا سبب روحـي وعقلـه يضيعـه
حرب هل الطالات في بر وابحـار*تشهد لهـم صـم الجبـال المنيعـه
والكل يعرف بالمواقـف والاخبـار*ومن صك عنهم باب نجـم وسيعـه
من حرب جاك الشعر ورد واصدار*من عقب مانت فـي متـاق منيعـه
حرب اليا ركبو على قحص الامهار*تشهد لهـم كـل القلـوب السنيعـه
يشهد لهم بالطيب الضيف والجـار*ويشهد لهـم خـلاق سبـع رفيعـه
جاتك من الصندوق صف واعبـار*واللي وصل قبل امس واللي تبيعـه
خلك تعرف الناس يـاراس غـوار*راس الجبل ماقـط همـه شريعـه
الصقرفوق الكف وبعـال الاوكـار*واليا كشفنـا برقعـه هـو ربيعـه
حنا طرحنا السمـا جـول الطيـار*ماهـي دجاجـه عندنـا للمبيـعـه
يصيدها الرماي مـن دون معيـار*وعنده حطبها في جـوار السريعـه
حنا قبايل حرب فرسـان واحـرار*واللـي غزانـا بشـره بالقطيعـه
له ضربة مناعلى الـزار والـزار*بسلاحنا الفـولاذ ضربـه مجيعـه
يالله ياعالـم خفـيـات الاســرار*تجعل لنـا عنـدك منـازل رفيعـه
باوقات ماينفع بهـا كثـر الاعـذار*وكل علـى ماقيـل قدمـه شفيعـه
تمت وصلى الله على سيد الاخيـار*نبينـا اللـي بـالاوامـر نطيـعـه
هـ
|
العرض العادي
