عليك بالاستغفار
و الله يعوضك خير منها

و لا تيأس :-
انت الحين كسبت خبره كبيرة و تقدر تسوي صحيفه لك خاصة غيره هو الا استعان بسلسلة من شركاء موقفك نفسي اقوه منه باضعاف يكفي انك ما ظلمته يعني عندك الخبره +و اسمك الحركي+تفرغك الكامل بالعكس انا اشجعك ان تحاول تفتح لك صحيفة خاصة بك
والله يوفقك و لاتنسان من دعائك

و الله يوفقك

شهر به هو وصحيفته ولا عليك منه ,,
والله لو اني مكانك كان سيرته منتشره في كل موقع ومنتدى وقروووووووووب

هذه مشكلتنا

اننا نخاف من المجهول !!!

عندنا فوبيا مو طبيعية !!

=================

يارجّال لا تخاف ........شهّر فيه هو وصحيفته

يقولك هي خاربة خاربة ! .......خلينا نعميها !!

صدقني ماراح يسوي شيء

واذا فكر يشتكي عليك خليك اذكى منه وجيب معك للمحكمة اثنين من اصدقائك يشهدوا عليه انه سرق مجهودك وحقوقك

لا تقول لي انه محد يدري انك كنت تشتغل عنده !

اكيد عندك اقارب او اصدقاء يدرون

============

الله يعينك ياخوي

وبعدين ياخوي شهر بأسم الصحيفه حتى نحاربها وتسقط بالحضيض مثل غيرها
والصحيفه ليست رسميه عشان يشتكيك هذا مجرد موقع الكتروني يدار من البيت
لذلك افضح اسمها ولا عليك من هذاك التافه راعيها ..
اذا هو ماقدر حاجتك كيف انت تقدره وتسكت عنه
نحن بأنتظار أسم الصحيفه وإن شاء الله ماحد يقصر بمحاربتها وأسقاطها بالحضيض اكرمكم الله

حسبي الله ونعم الوكيل ماخرج من قلبك وصل لقلوبنا الله على كل ظالم
الله يعطيك خير ماأخذ منك ان نصر المظلوم لقريب الله أكبر منه الله أكبر حسبي الله ونعم الوكيل

حسبي والله ونعم الوكيل على كل ظالم ومنافق
اكثر من الاستغفار اخوي وربي راح ينصرك ان الله على كل شي قدير والله يقومك بالسلامه

لا حول ولا قوة الا بالله

المشكلة ماهي في الرجال النصاب لاوالله ولا الشركات النصابه لاوالله

المشكلة في القوانين الحكومية عندنا الي ماتوفر وظائف للمعاقين

المفروض كل معاق جسدي وعقله سليم يتوفر له وظيفه من الحكومة علشان تكفينا شر هالوحوش

والله العظيم يوظفونا علشان انهم يجيبون بأسمنا اربع او عشر عمال جدد وبعدها يكرشونا ومكتب العمل مثل الاطرش في الزفه

والله لاحكومة ولا قوانين ولا شعب ولا احد يدري عنا احنا المعاقين

تهميش من الحكومة والمجتمع والشركات

انا واخي عندنا نفس المرض وهالمرض يمنعنا من العمل في الحكومة في القطاعات العسكرية بشتى مجالاتها
والوظائف الادارية او المكتبية مافي امل تلاقيها في الحكومة

والشركات توظفنا من اجل الحصول على التأشيرات بأسمنا وبعدها تسلمنا الباب .. نفس ماصار لاخوي

وين الحكومة وين ابو متعب يوفر لنا الراحة ويعوضنا عن الحرمان الي احنا عايشينه !!

والله ياعالم ابي وظيفه احس فيها بالامان الوظيفي والاستقرار علشان اقدر اكون نفسي وانسى اني معاق واعيل نفسي واسرتي واتزوج واحس بكياني

حسبي الله على كل ظالم . حسبي الله على كل من ساعد وعاون هالظلام علشان يستغلون ضعفنا

اخوي وربي لما قريت قصتك تذكرت همي وهم اخوي وانقهرت مثل قهرك واكثر

والله مابيدي شي غير الدعاء لك .. والدعاء على من ظلمنا وظلمك