[align=center]

[/align]

قصتي قصة وتوجع القلب

انا معاق
لا استطيع الخروج من المنزل للعمل والاعانه يدوب تكفي مصاريف الحياه

المهم دخلت نت بالتقسيط وقلت اعمل من النت

بحثت في الاعمال لقيت اغلبها نصب واحتيال

حتى الله هداني للعمل في الصحف الالكترونية

وجدت اعلان عن حاجتهم لمراسلين ومتفرغين
المهم ارسلت لرئيس التحرير ( خاصة ان عندي خلفيه في الصحف والاعلام )

المهم كلمت المدير وقال الصحيفة جديدة ومافي غيري وبعض الشركاء الغير منتظمين
واريد منك وتزودني بالاخبار وتابع الاخبار أول بأول من مصادرها ( حسسني اني انا مهم بالنسبه لصحيفه )
واتفقت معه على مبلغ و 500 ريال مكافاة شهرية لمرابطتي على الجهاز 24 على 24

ومقابل اتخشب قدام الكميوتر واتباع الوكالات والاخبار واحدث بها الصحيفة

هذا غير الوعود بالمراكز المهمه الي راح اخذها لو كبرت الصحيفة

والله تحمست
واعتزلت الاهل والناس والاكل الا من قليل وانام واصحى على النت خبر كروي هلال العيد مستحيل تنزل في أي وكاله وما تكون في الثواني الاولى في صحيفتنا
وهكذا استمريت مو شهر شهور

وكل ما قلت لرئيس التحرير المكافأه قال انا الحين مسافر بعد شهر قال عندي عزاء الشهر الي بعده
ما يرد الي بعده اصبر لين نحط جوال لصحيفة بقيمة 12 رياال بالشهر
الشهر الي بده قال انت اعرف بحال الصحيفة الجديده وهي تحتاج لجهود لتكبر ويكثر فيها الاعلان
وحلف بالله ان حقي ما يضيع ووعدني ومناني بالحلف بالله وانا انسان اصدق لما أحد يحلف بالله

مره حب يسوي خط لصحيفة وراح وسألني
قلت له تابع اخبار الوظائف ترى هم العاطلين كبير بالشارع
واكيد راح يزيد عدد القراء
وما صدق خبر الرجال وراح وجعل هم الصحيفة الالكترونية محاربه البطاله والمطالبه بحقوق المعلمين والمعلمات وكل مضطهد وانزال الوظائف الجديده
ورفع شعار محاربه البطاله

وأنا ما عطاني حقوقي الماليه

( تناقض ما )
وأنا صابر لانه كان رجل على دين وقلبي يقولي المؤمن ما يخونك
ويوم كملت سنه وصار اسم الصحيفة معروف وروادها تجاوز المليون ومافيها مراسل نشيط غيري
( ناهيكم عن حالتي النفسيه والجسدية الي تعبت من الجلوس على النت .
طالبته بحقوقي الماليه ( خلااااااااص الفواتير والديون حاصرتني )
وانا لي عنده احسبوا 500 ريال في 12 شهر =

خلع الرجال جه الوقارالي لابسه وصاريه يهددني ويقول ما عندك اثبات وانا الحين ما عندي فلوس تبي تكمل والا رح
قلت خاف الله
على فكره هو موظف وعنده من خير الله بس

قام يضحك وهددني ووصفني بوصف حيواني
استحي اكتبه هنا
وانا معاق مالي الا الله

كل صبح اذا سمعت الاذان دعيت عليه

المهم حبيت انقل لكم تجربتي مع العمل بالصحف الالكترونية علشان تأخذون حذركم
المصيبة شاركت بعض الاصدقاء بالنت الي عملوا في صحف الالكترونية خبروني انهم تعرضوا لنفس الاذلال والاستغلال
من باب الامانه
حبينا نوضح حتى لا تستغل جهودكم وخاصة المعاقين

لا حول ولا قوة الى بالله ياخي فية ناس واطية لدرجة ذي حسبنا الله ونعم الوكيل الله يوفقك ياخوي أدعيله بالهداية لاتدعي عليه

حقك عند الله ما يضيع والله يوفقكك ويعينك

شهر باسم الصحيفة عشان تطيح

^^^^

وانا مع الآخ اللي فوق شهر باسم الصحيفه

وراح نعينك ونذكر قصتك ونرسلها بالاميلات عشان تأثر على صاحب الصحيفه

صدقني اذا وصلت له قصتك وفضيحته رااح يجيك لحد عندك

حسبي الله عليه

ياليت تفيدنا بأسم الصحيفة عشان نحاربها

قول حسبنا الله ونعم الوكيل

مادري كيف ينام وهو يآكل حقوق المسلمين