السلام عليكم ورحمة الله وبركاته

مسسآء آلخييير على الجمييييع ..

كيفكم جميعاً ان شششاء الله بخير ؟

يااخوان حاب أسأل كيف نظام الدوره بالمباحث ؟ وعدد السريه وهل التدريبات لكل سرية منفصله او للجميع ومدري ايش ولامور هذي لاني صراحه جاهل بالامور هذي ولا اعرفها

ونظام التدريب والدراسه ... وإلخ

من الـ أ إلى الـ ي

آنتضر...

يجي من يفيدك

المباحث = عسكرية

اخوي العسكرية واحده المباحث او غيرها
العدد على حسب المقبولين يمكن يكون قليل يومكن يكون كثير
بالنسبة للنظام فيها انا باقولها لك من الحين اذا بتأخذها انت فله ووناسه وتكون قد المسؤليه ماراح تحس بتعبها وبشقاها معروفه الدورات العسكرية انها شقى وتعب لكن اهم شيء ان معنوياتك تكون عاليه وتتقبل اي شيء بصدر رحب لأن الموضوع مجرد نفسيه
واي وقت يضيق صدرك تذكر الرجال اللي تخرجوا من الدورات العسكرية كيف صبروا عليها وانها ايام وتروح وتنساها وترتاح باقي عمرك
باقول لك كلمة قالها لنا قائد المركز في البحرية عميد رتبته
يقول تعب العسكرية ياشباب هي فترة الدورة بعدها راح ترتاح وبالفعل كلامه صحيح
التعب بس ايام الدورة ولاواحد هو يوهم نفسه بالتعب والنفسيه
والله مااحد يندم الا بعد مايطلع ويجلس ف البيت نايم واخوياه اللي صبروا تخرجوا واشتروا لهم سياره وتزوجوا واستقروا وهو بملفه من ديره للثانيه
آسف على الاطاله بس اعتبرها نصيحة اخ لك لان انت الحين مقبل على دورة عسكرية والعالم بيجون لك بكلام يكرهونك بها وحتى بعد اخوياك في الدورة راح اول اسبوع تكون نفسياتهم صعبه لكن تحمل
والله يوفقك