ديـــنـــــا 2005 .. من عنده معلومات يدخل !!
[align=center]شباب / بنات .. مساء / صباح يليق بكم ..
موضوعي سلمكم الله انو عندي عامل بيستأجر مني دينا .. فأنا حاب أعرف كم أسعارها موديل 2005 أو 2004 ، وأي نوع أفضل في الدينات .. وكذلك بالعادة كم يستأجرونها العمال في الشهر ..؟ وبالنسبة للكفرات والأعطال لا سمح الله على من .. أم تكون بالمناصفة .. وكذلك العقود تسجل لدى من ..؟ أنا حاب يكون عندي فكرة .. وهل هي مجدية اقتصادياً .. اتمنى الاجابة ممن لديه الخبرة .. والله يوفقنا وياكم يا أحلى أعضاء .. ،،، [/align] |
الله يوفقك .. وإن شاء الله تلاقي من يفيــدكـ
|
مساءك الله بالخير يالعتيبي
بالنسبه لالاسعار يختلفون من نوع لنوع عندك الأفضل هو ايسوزو وبعدها تجي متسوبيشي الأسعار :2004 تقرياُ تجي بالخمسين بس نصيحة لاتشتري الحين اشتر بعد 4 شهور لأن الحين موسم الحبحب وكل الناس تعرف اسعار الدينات لانهم يدرون ان الناس بتشتري مهما يكون السعر شوف بالنسبه للتأجير على حسب موديلها وممشاها ونظافتها لانهم اذا كانت 2007 وفوق يستأجرونها ب 2500 و2007 إلى 2004 اذا كانت نظيفه يستأجرونها من 1800 الى 2000 بالنسبه لالاعطال قوله اذا تبي الأعطال تكون علي اجرها له ل6000 اما ياخذها ب2000 وتدفع قيمة كفرات تجي سعرها مايقارب ب4900؟؟؟!!!!!! الديزل والزيت عليه وماعليك من شي ابد ابد السياره تعتبر ملك له من يوم يستأجرها لغاية السنه الي بعدها بالنسبه للعقود انا على حسب الي اعرفه ماتتسجل عند احد لكن تأكد منها اخوي لأني مو متأكد عنها ذي أي نعم اخوي مجديه جداً تبي نصيحتي اخوي شغلها انت او جبلك عامل يشغلها يكون باسكتاني يروح عند سوق الحبحب بوادي الدواسر ويشوف الزبائن الي عند السوق ويودي لأي مدينه بالسعوديه وترى فيها خير كثييررر صدقني والله يوفقك ويرزقك أن شاءالله |
مراحب اخوي فيصل
بالنسبه لاسعارالدينات 2004 او 2005 النظيف تحصله مابين ال40 الى 45 الف يزيد ينقص الف الفين افضل الانواع من وجهة نظري الايسوزو في الشهر لاتاجرها للعامل باقل من 3000 ريال صافيه في جيبك وكل شيء عليه .. العقود ماتسجل عند احد... لكن الافضل والاصح ان هذا العامل ينقل كفالته عليك وبالتوفيق |
العقود اعتقد مع الشركات فقط
ماعليك من العامل وخله يسرق الدينه لأنك راح تكون مئمن عليها تأمين شامل واذا سرقها التأمين يدفعون قيمتها وبالتوفيق ان شاء الله |
الافضل اسيزو
الايجار من 3500 الى 1500 حسب موديل السياره الاعطال كل شي عليه الا المكينه والقير بنص والتوقيع اذا هو على كفالتك عندك واذا على كفالة واحد ثاني تسوي انت وكفيله عقد والله الموفق |
بارك الله فيكم .. وبيض الله وجيهكم ..
بس حبيت أسأل عن التأمين الشامل .. كم يكلف في السنة .. عشان نضمن عدم سرقة السيارة .. ولكم فائق مودتي .. ،،، |
ياخوان أنا مستغرب على من تتأجر هذه الدينات ؟؟؟؟ وفيما ماذا يستخدمها المستأجر ؟؟؟؟ وكم يطلع منها ؟؟؟
لأني كل ما أمر موقف الدينات أجد ارتال دينات واقفة جنب بعضها فلو كانت تأجر بهذه المبالغ .... ليش اصاحبها وقفوها ولم يبادروا بتأجيرها مادام أن تأجيرها مجدي .....؟؟؟؟؟ هل من الممكن إنه يكون فيه فرق في تأجيرها بين مدينة وأخرى ؟؟؟؟ |
اقتباس:
هلا والله أخوي عبدالله .. بعدين انا مو فيصل .. هع هع .. بس كم تتوقع يكون ايجار الدينا 2004 .. هل 2000 ريال مجدية .. ؟؟ ولك مودتي .. ،،، |
انا من اقولك شوف لها سواق ودخله في شركه
6000 ريال شهريا وكل شي عليك السواق والبنزين والاعطال ولا تخاف اذا كانت نظفه اعطالها قليله والكفرات ما اعتقد انك تشتريها بدون كفرات يعني اقل شي تمشيك سنه العامل راتبه من 1500 الى 2000 ريال وخلي البنيزن والاعطال 1000 ريال صافي 3000 ريال باذن الله توكل على الله وبالنسبه سعرها النظيف من 40 الف الى 60 الف |
الساعة الآن 05:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين