اليوم السبت

هل من جديد ؟

وبالنسبة للصبر عادي نصبر

لكن لو سكتنا بيختفي الموضوع

فخلونا نتسلى لين يطلع الخبر

وفالنا التعيين إن شاء الله

يقولوا لي صبر وانا قلبي قهر يريدوني .... الخ

اليوم رحت لديوان الخدمه

و كلمت الموظف عن موعد اعلان الاسماء قال لي 5-8

قلت طيب الكشف الطبي قال بعدين ........قلت له طيب بعض التخصصات عملوا كشف ...قال التخصصات هذه المتقدمين اقل من المطلوب ... بعدين قال لي ايش تخصصك قلت له رياضيات قام طلع ورقه من مكتبه و طالع فيها قال عطني بياناتك ثم عطاني ورقه و قال روح سوي كشف

قلت له طيب انتم من اول قلتوا الكشف بعد ما تيجي رساله جوال على جوالي ........قال فيه تعميم بعد ذلك خاص بالرياضيات يطلب منهم كشف

و ذكر لي الجغرافيا و الكيميا و الفيرزياء و الرياضيات اعداد المتقدمين اقل من الاحتياج

فيا شباب الي في هذه التخصصات و ما عمل كشف يروح يعمل كشف

دمتم بود

ماسالته على التربيه الخاصه مسار تخلف عقلي

وعندي احساس الاسامي في 1-8 يوم الربوع الجاي

انا ناقل لكم كلام واحد من الشباب
مساكم الله بالخير جميعاً

اليوم الساعة 11 الظهر رحت لفرع وزارة الخدمة المدنية وألقاك الشارع مقفل من الزحمة علشان مطابقة المعلمات قلت والله الظاهر ماراح نحصل خبر كالعادة

الهم نزلت ودخلت الديوان وألقاك خلق الله جالسين يتهاوشون مع الموظفين اللي يقول ياخي حرام عليكم بنتي لها 10 سنوات والله يقول زوجتي لها عشر سنوات وتقديرها ممتاز من وين نجيبلكم واسطه

أنا قلت بنفسي من شاف مصيبة غيره هانت عليه مصيبته المهم وأدخل على قسم المفاضلات وإلا إثنين حاشرين موظف حرام عليكم ومن هالكلام قلت للموظف أنا موضوعي غير قال وش بغيت طبعاً بدون نفس قالها

قلت أبي أعرف الاحتياج للمعلمين قال الجهاز عطلان عندي والسستم مايشتغل قلت والحل قال روح انت وهالشباب للصالة تلقى موظف هناك أساله هو الوحيد اللي يوزره شغال

المهم وأروح للصالة الكبيرة وإلا مافيها إلا موظف واحد على الجهاز وعنده أربع يبيون يعرفون نقاط بناتهم وجالسيت يتهاوشون معاه

طبعا انا صامت جداً قالي وش عندك قلت خلص الشباب اللي قدامي والله انا ماودي الهوشه تخلص لاني غاسل يدي أنه بيعطيني معلومة

المهم شوي وإلا دخل موظف عليه ومعاه ورقتين قاله اتفضل قال إيش قال الاحتياج

يوم قال الاحتياج وقف قلبي من مكانه إلا فيه شايب ومعاه اثنين يقول للموظف ياخي حرام عليكم لنا 10 سنوات ننتظر تعيين البنت شوفلنا بالجهاز كم ترتيبها ليه ماتعينت قاله الموظف ياجماعة والله ماقدر اخدمكم ولا أقدر

ادخل على بياناتها كل اللي عندي احتياج المعلمين وهالحين قدامكم جت الورقه مالي علاقة بالترتيب اقدر اعطيك نقاطها

قلتله روحوا لوزارة الخدمة المدنية عند مدير الترشيح المهم الموظف أنبسط اني قلتلهم روحوا للوزارة قالهم مثل ماقالكم الرجال روحوا للوزارة المهم وراحوا

قلتله الله يعينكم الناس تحسب انكم انتم اللي توظفون وتختارون مايدرون أنه جهاز قال إي والله والله تبهذلنا من الصباح قالي آمر وش بغيت لايكون موضوعك عن المعلمات قلت لا انا موضوعي بسيط ودي

اعرف احتياج الاجتماعيات

قالي اي تخصص قلت تاريخ

قال التاريخ متوسط وثانوي 349 قلت والابتدائي كم قال 84

قلت واللغة العربية قالي 656

قلت والاسلامية كم 2380 قال وهذا اكثر تخصص فيه احتياج

قلت والجغرافيا قال الجغرافيا 221

قلت يابن الحلال متأكد أنت قال والله هالعظيم هذي الورقه أقراها قدامك توها جايه من وزارة التربية والتعليم

وأشوف الورقه وإلا تعميم مكون من جدولين الجدول الأول مكتوب فيه احتياج الابتدائي

مافيه إلا 3 تخصصات

التاريخ والتربية الاسلامية والثالث ماقريته

والجدول الثاني احتياج المتوسط والثانوي ومقسم قسمين القسم الأول الاحتياج قبل التعديل والثاني بعد التعديل

وانا جالس أقرى أخذ الورقة مني قالي تأكدت أنه الاحتياج قلته تكفى تأكد من التاريخ مره ثانيه قالي يابن الحلال

التاريخ ابتدائي 84

التاريخ المتوسط والثانوي 349

واللغة العربية 656

والجغرافيا 221

والتربية الإسلامية 2380

وقالي هالورقة راح ننزلها بالموقع

ابارك لاخواني تخصص التاريخ الاخ بكالوريوس تاريخ والاخ حسون والاخ ابو عبدالعزيز والاخ ضايفة وباقي الاخوان على احتياج الخير هالسنة

ولو أن فرحتنا ناقصة بسبب اخواننا في اللغة العربية فالفرحة لن تكتمل حتى يتعينون جميعهم

بالتوفيق وفالكم التعيين جميعاً

لكن نبغى خبر اكيد عن عدد المتقدمين من التربية الاسلامية كم ؟؟؟؟؟؟؟؟؟؟؟؟؟؟؟؟


انا سمعت 3202

التاريخ المتقدمين 451

والاحتياج 433