السلام عليكم...........
راح ادخل في الموضوع.........لاني جاي علشانه...........
هذي رسالة من جوالي.........وصلت لي .........وللاسف من انسان عزيز.........
تقول الرسالة...........
(9888308001...........9316048121............987626 6211.......9888854337...........إحذروا من الرد على هذه الارقام......وتاتي على الشاشة باللون الاحمر......وعند الرد عليها تبعث موجات قوية تؤدي الى الوفاة هذا الخبر اكيد من ارامكو السعودية........ساعدوا على نشر هذا الخبر)
انتهت الرسالة..........
اول ما قريتها تذكرت سالفة الشمام اللي قبل اسبوعين.........
تذكرون هذي الصورة.........انا تذكرتها لما قريت الرسالة.............
يعني احنا للاسف صرنا ببغاوات .........بس نثرثر واحنا ماندري وش السالفة...........
تدرون مين اللي في الصورة............
راهبات.................
وللتأكيد...............هذي صورهم...............
متى نترك عادة النسخ واللصق.............ونفهم وش قاعدين نسوي...........
متى نصير اودام................متى نفهم وش قاعدين نكتب...........متى نشغل عقولنا ونميز بين الحقيقة والوهم............
للاسف هذا اللي نكبنا..............
سوق الاسهم اللي دمره الاشاعات اللي مالها مصدر............
قبل الاختبارات النهائية ينقز طالب يقول لك هذي اسئلة تهربت من الوزراة...........
اي سيارة جديدة تنزل عندنا ينقز لك واحد يقول لك ما تجيب لك سعر ولاتعيش (مع انها ما نزلت في سوق من اسواق العالم)
وقبل كم شهر ...........صورة صدام في القمر............
وقبله بكم سنة...........كلمة التوحيد مكتوبة على جهاز تخطيط للقلب...........وطلع يهودي اللي مسوي الحركة..........
وكل يوم........نقرا ..........مشعوذ يوهم دكتور بمضاعفة امواله...........
افريقي يوهم مريض جنسيا بالعلاج..........
محلات العطارة توهم المرضى بعلاج اصعب الامراض وبارخص الاسعار وفي اقل وقت...........والنتيجة...........معروفة...........
طفشنا ..............خلاص .............ملينا..............حياتنا ما تمشي الا باشاعات..........
كل يوم ...........يقولون .............ويقولون................
يقولون انهم بيوظفون العاطلين............يقولون بيصرفون رواتب للعاطلين...........يقولون امريكا بتضرب ايران...........يقولون اسرائيل بتضرب السعودية...........يقولون اني علماني وزنديق.........(الله يسامحه بس)....يقولون الملك بيشتري كل اسهم الشكرة الفلانية بمبلغ 150 ريال (وقميمته في السوق وقتها 10 ريال)..........كل واحد يجي يرمي كلمة ولاعاد نشوفه واذا قلت وش مصدرك قال (يقولون).............للاسف اصبحنا بيئة خصبة لنشر الاشاعات..............
موقف حصل لي في العمل..........
احد العمال دخل يده في مكينة وهي شغالة.........وقام يصيح........جيت انا وكم واحد طلعناه ووديناه المستشفى..........لما رجعنا...........اسمع واحد يقول لخويه.......تصدق يده انقطعت وللحين داخل المكينة.........ويقول له انا شايفها............
اصحوا ياعالم.................والله العظيم لو صارت حرب.........راح نخسرها من اول يوم.........بسبب الاشاعات..............
اخر كلمة..........(بئس قول الرجل زعموا)......................
09-08-2007, 07:52 AM
العرض الشجري
