بسم الله الرحمن الرحيم

افدوني الله يفيدكم انا مقابلتي في الشرطة العسكرية الخاصة يوم الاحد ابي معلومات عن شرطة العسكرية الخاصة . خايف يسالوني وش تعرف عن الشرطة العسكرية !!!!!!!!

الله يوفقــــــك

اتوقـــع اسالــه عـــاديـــه جـــدآ

ويجــي من يفـــيدك

يا رجال الأسلئة كلها سهلة بس انت في الرياض حاول تروح بدري
وبعدين يدخلونك الغرفة ويقيس الطول واحد اسمه مسفر القحطاني وبعدني تروح على مكتب الرائد والله اني نسيت اسمه بس هو ولد شباب
بيقولك وش اسمك كيف حالك وش تسوي الصباح وش اسم امك ليش قدمت في العسكرية وبس بس حالو ترفع صوتك
ويقول بالتوفيق وتروح للعسكري الي جنبه ويقول بكرة تروح مستوصف المروج الساعة 6 صباح
عشان الكشف وكلها سهلات إن شاء الله

مثل ماقال العدواني
أبد مايسألونك عن شئ , وبعد مايقيسك مسفر ويكون طولك كويس تروح للرائد المقبل
يسولف معك شوي ويعطيك ورقة للكشف بموستوصف حي المروج
وبيقولون لك تجي الساعة 6 ونص بالمستوسف, بس لاتجي الا 7 ونص نصاابين مايفتحون الا 8 أصلن بس مدري ليه يحبون يتعبونا .,

والله يوفقك يالغالي , يازميل العمل هههه


خخخخخ مسفر

شكلك يالعدواني بالشرطة العسكرية ههههه

مشكوووووووووورين .
طيب ان شاء الله تجاوزت المقابلة الشخصية والكشف متة الدورة على طول بيدقون على

الظاهر بيقولون لك دوام قبل الدورة
الين تجي دورة ويطلعونك لها

وبتلقى واحد طيب مره , اسمه محمد العثيمين اسأله بيجاوبك على أي شئ ويفيدك
ولا تحرص تسأل مسفر لأنه بيحطمك


موفق خيو

وش شهادتك انت ؟ وعلومك الرتبة أيش يعطونك ؟

ايه والله صح الفيفي بعد محترم , شاب صغير أبيض , يخدمك بأبتسامة , طيييييب مرره

والمطوع اسمه الحمودي طييييييييب مررره

اي سوال لا تتردد والله يفرحون باللي يسأل

مثل ما قالو لك الشباب تداوم بعدين الدورة
بس روح لمسفر القحطاني هو احسن واحد فيهم
بس فيه ناس عند البوابة يرفعون الضغط ما عليك منهم
بذات الخفير الي عند الباب كنت واقف استنى اسمي
يقولونة شوي مادريت إلى والحديدة حقت البوابة طاحت على كتفي يوم جاء ينزلها سلمت ما طاحت على راسي كان رحت فيها خلك بعيد عنه
اضاهر انه خبل ما يشوف