09-08-2007, 10:08 PM
|
 |
مشرف سابق
|
|
تاريخ التسجيل: Sep 2006
الدولة: ارمله البحر الاحمر
المشاركات: 1,935
معدل تقييم المستوى: 5721
|
|
اقتباس:
المشاركة الأصلية كتبت بواسطة رايق ولكن
يااخوان باختصار أنا موظف حكومي لي ثمانية سنوات أخدم، أنا كنت موظف باحدى الجامعات على بند الساعات وجا المرسوم الملكي في عام 1421 الي ينص على أن كل موظف على بند الساعات حينها يترسم على نفس المرتبة والمسمى الوظيفي المتعاقد عليها في عقد الساعات حينها مهما كانت مؤهلاته.. وكنت متعاقد مع الجامعة على المرتبة الثانية وجاء ترسيمي على الثانية بمسمى كاتب بالدرجة الاولى بعد خدمة سنة على بند الساعات بنفس المسمى وتمسكت فيها وكنت راسم لنفسي طريق هو الدراسة والزواج والا عتماد على نفسي وانا على رأس العمل، رغم ان فيه ناس كانو معي ولايحملون حتى مؤهل الثانوي ولا دورات ورسموهم على المرتبة الرابعة وقتها والخامسة وقلت كلن ياخذ نصيبه بهالدنيا والحمد لله على كل حال وان شاء الله يتحسن وضعي مع الدراسة انتساب للبكالوريس بالمستقبل ومع الترقيات وانا بالخدمة ، نسيت أقولكم انا شهادتي الثانوية العامة+ دورة لغة انجليزية ستة شهور+ دورة ادخال بيانات 6 شهور+ دورة احتراف الاعمال المكتبية والانترنت لمدة سنة+ عدة دورات متفرقة بالحاسب+ عدة دورات في مهارات الطباعة+عدة دورات في معهد الادارة رشحت لها من قبل الجامعة الي كنت أعمل فيها.
بعد ما استمريت مايقارب سبع سنوات وانا موظف بالجامعة على المرتبة الثانية بمسمى كاتب، مع العلم ان العمل الي أزاوله حينها هو عمل انسان متخصص بمعنى ( جامعي ) ولكن مسماي كاتب على الورق، ولا جتني ترقية ولا شملني تحسين وضع وضيفي وكنت من أكثر الناس انضباطية وأدي عملي وزيادة ومحبوب من الكل و تقاريري الوظيفية خلال سنوات خدمتي كلها ممتاز، ورغم محاولاتي المتكررة مع ادارة الجامعة ومع ديوان الخدمة انهم ينصفوني وينصفون مؤهلي الثانوي وسنوات الخدمة على الاقل ويحطوني بمرتبة أفضل يالرابعة أو الخامسة أسوة بزملائي والموظفين الي يحملون نفس مؤهلي وخدمتي المدنية بالدولة، ويعطوني دافع لاكمل دراستي انتساب، واتفرغ نهاية كل ترم للمذاكرة،ولا حياة لمن تنادي، كنت أبي أكمل البكالوريس في ذاك الوقت انتساب وكل سنة تضيع أقول ان شاء الله السنة الجاية أسجل ولكن كان الملاحق ورى المسابقات الوظيفية والمطاردة بخطاباتي للمسؤلين بالجامعة وبالديوان للتحسين وضغط العمل ماخذ كل وقتي ماقدرت، قررت بعدها أشوفلي حل وأحسن وظعي الوظيفي وراتبي بأي طريقة كانت وقررت أني أبحث على أقرب مسابقة وظيفية يعلنون عنها بأي جهة أو ادارة حكومية أخرى وتابعت الجرايد وكل مسابقة وظيفية ادخل لها ومااأترشح مره بوزارة ومرة بهيئة المقاييس ومره بجامعة أخرى ومرة بمحكمة ومرة بقطاع أمني .... الخ ولم أرشح ولا بمسابقة وظيفية، بعدها قررت اني اكمل البكالوريس انتساب ويكفي الوقت الي ضاع وفعلاً انتسبت بالجامعة وتدرجت منتسب ومعدلي مرتفع ولله الحمد وانا على رأس العمل، وسبحان الله في احدى الايام وانا بالدوام انفتح لي طريق مغلق وجتني فرصة نقل خدماتي من ملاك الجامعة الى احدى الوزارات لانهم كانو حينها محتاجين موظفين، وقلت في نفسي عل وعسى جاء الفرج وهناك أحس ان فيه ناس بتقدر وضعي وبتحسنه، وكان هالكلام تحديداً في عام 1426هـ وانتهزت الفرصة ونقلت خدماتي على المرتبة الثانية وبنفس المسمى كاتب وحطوني في مكتب أحد المسؤولين بالوزارة والعمل الي أزاوله هو ناسخ، وعمل جداً ضغط، أحياناً ماأرجع بيتنا الا أذان العشاء وأكون من الصباح طالع وصابر، غير الذل بالعمل والكرف الي اشوفه من بعض ذوي المراتب العليا من مدراء الادارات وساكت ومن جهة اخرى جدية مدير مكتبنا اللامحدودة وغير المبررة في كثير من الاحيان والتضييق علي بالصغيرة والكبيرة وصابر رغم ان حقي مهضوم، والى الان أنا اخدم في هذا المكان، طبعاً بعد ماكملت سنة وانا معهم في الوزارة رفعت خطاب للمسؤول الكبير الي اشتغل عنده عن طريق مدير مكتبه وماقصر قدر وضعي وقدر المدة الي قضيتها بدون ترقية الله يجزاه خير ويسدد خطاه يكفي ابتسامته ومعاملته الراقية وتواضعه معي ومع غيري من الموظفين، ورفع لي خطاب أخر مشكوراً لشؤون الموظفين بتحسين وضعي الوظيفي اسوة بالموظفين الحاملين نفس مؤهلاتي سواء على المرتبة الرابعة أو الخامسة وقلت حمد لله (( الصبر مفتاح الفرج )) بتجيني المرتبة الخامسة وباخذ البكالوريس وخلال فترة دراستي بترقى على السادسة وبعد مااستلم وثيقة التخرج بيرقوني على السابعة وكنت طاير من الفرحة، ولكن كان نظام الترقيات بوزارة الخدمة المدنية لي بالمرصاد حيث لايسمح النظام انك تنقز ثلاث مراتب حتى لو تستحق.. وتختصر من عمرك 12 سنة بموجب كل اربع سنوات ترقية وحده، وصابني احباط ونفسيتي تدمرت وقلت وش يفيد ادرس بالجامعة وهم مو مرقيني والنظام يقول ياموظف لازم عليك تتدرج درجة درجة ومرتبة مرتبة حتى لو تحمل مؤهلات عليا، وسحبت ملفي من الجامعة الترم الماضي من ضيق الخاطر والنكد وأطوي قيدي كطالب وأقدم على اجازة 61 يوم من عملي لان عندي رصيد، ورجعت في شهر 4/1428هـ ورفعت اسمي بمحضر ترقيات هذي السنة وتخيلو توني أترقى في شهر 7/ 1428هـ على المرتبة الثالثة بالدرجة الاولى بنفس المسمى وهو كاتب >>> صابني كره شديد من العمل وكرهت نفسي الى متى أخدم وأكرف وراتبي رافض يزيد عن 2660 ريال ويتخطى حاجز الثلاثه الاف ريال حتى النظام الان ينص على اني ما أسابق على أي مسابقة وظيفية باي جهة حكومية كانت الى ان أكمل سنتين خدمة على المرتبة المرقى عليها، يعني بعد سنتين من الان أقدر أقدم للمسابقات الوظيفية لتحسين وظعي الوظيفي وياحظك تترشح أو لا والا مالي حل آخر..آآه لو انا بشركة أو موظف بنك كان راتبي الان تعدى ثمانية الاف ريال إلى متى؟، اهلي كلهم كملو دراستهم دراسات عليا الي معيد والي دكتور حتى اختي الصغيرة معيدة بالجامعة، وانا ناسخ على المرتبة الثالثة >> يعني بعد 12 سنة ان الله احيانا واذا أترقيت بشكل نظامي بعد كل أربع سنوات بدون أي تأخير بالترقية راح أصير بالمرتبة السادسة وأتعدى مرحلة الدخل المحدود أو بمعنى أخر خط الفقر ويصير راتبي 4600 ريال وأقدر أفتح بيت وأتزوج، مع العلم اني مو صغير وبدخل العقد الثالث من عمري.. الى متى أصبر؟؟ والله عندي من زمان طموح وصبر واحاول اطور نفسي بالي أقدر عليه لكن الصبر نفذ مني ولازم أتخذ قرار حازم .. وقررت الان اني أقدم استقالتي من الوظيفة الي انا فيها وبسافر أدرس على حسابي الخاص لان ماتشملني البعثات الحكومية والسبب متخرج من عشر سنوات من الثانوية وبروح أي دولة أكمل البكالوريس وان شاء الله ماجستير ولا راح أيأس وأتعب بس أهم شى أرجع أكون ذي شأن وأكون أنا الآمر لا المأمور ( يارب ) ولابي أتزوج ولاشى .. اهم شى اني أرجع أكون شى .. أرجع أكون بمنصب .. ..يكفي أحلامي الكثيرة الي المفروض يحلم فيها أي شاب كلها تبخرت من استقرار وظيفي وأن أتفضى لنفسي وأتزوج بعد أن يتحسن راتبي وأقدر أفتح بيت.. لذلك قررت أقدم استقالتي الان وبأسرع وقت ممكن.. وأهاجر للدراسة وطلب العلم عزوبي وعلى حسابي الخاص وبمساعدة والدي الله يطول بعمره ، وانا الان في صدد مراسلات الجامعات بالخارج وببداية اجراءات وزارة التعليم العالي لأخذ الموافقة وشرطهم انك ماتكون موظف حكومي ومتفرغ للدراسة... بقدم استقالتي وبأبدأ من الصفر.. ارشدوني هل أنا على صووواب أو على خطأأأأأأأأأأأأأأأأأ فكري مشتت؟؟
|
فعلا شي مؤثر وحاصل للكثير من الشباب في البلد
كم عمرك ؟؟
عام كم تخرجت من الثانويه؟؟
لماذا الان فقت من النوم ؟؟؟؟
ارجوا الاجابه
|
تعبت نفسياً وارهقت عقلياً..أبقدم استقالتي من الوزارة الي انا فيها
العرض العادي
