السلام عليكم

ياجماعه الخير اللي عنده معلومات دقيقه عن مدة التزكيه الامنيه يعلمنا بها لاني بصراحه لفيت اكثر من موقع وكل واحد يقول لي عن مده غير عن الثاني

واذا كان فيه طريقه اعرف كم باقي على التزكيه حقتي فياليت تدلوني لاني تعبت من كثر الانتظار

والله يوفق الجميع

هلابك ومرحبا

حسب معرفتي المتواضعه جدا مافيه احد يقدر يعطيك كم مدة التزكية الامنيه
لانها هلى حسب الجهه الي ارسلت لها ومن اي جهه ارسلتها

يعني يمكن اسبوع اذا طاحت بموظف الله مبارك فيه ويمكن 6 شهور اذا طاحت بيد موظف راعي سوالف وضحك في العمل
وطبعا الجهه الي تبي توظفك لها دور كبير في تعجيل التزكية عن طريق ارسال خطابات الحاقيه تعقيبا على كشف الاسماء

وشكرا

يااااااااااااااااااااااارب

ياليت اللي عنده معلومات اكثر يفيدنا
وخاصه كيف اقدر انا اراجع معاملتي

للرفع..........

والله ياخوي على حسب الجهه اللي بتوظفك

الله اعلم اتوقع انك مقدم على شركة السلام (صح ولا انا غلطان )

ايه والله بس لمشكله اني طفشت من كثر الانتظار
واللي مطفشني اكثر انه مافيه مكان تقدر تسال فيه عن تزكيتك
واذا سالت السلام قالو لي والله ماندري بس ان شاء الله قريب ولا شفنا شي
اذا كنت تعرف طريقه اقدر اسال فيها عن تزكيتي دلني الله يوفقك

ان شاء الله يجي من يفيدك

والله يوفقك

اخوي التزكية الامنية تاخذ من ايام الى اسبوع وتصل الى 6 شهور ..
يعني اذا عندك معارف او واسطه ماراح تطول و تطلع ..
واذا كنت من اللي مقدمين على شركة السلام او اي شركة تشتغل مع القاعدة الجوية ..
فإن تزكيتك تكون عند ( مكتب المشاريع ) بالقوات الجوية الملكية بالرياض ..
تقدر تروح عندهم و تسألهم ..
وإذا تبي راي اخوك لا تستعجل و التزكيه هذه روتين ماشين عليه من زماااااااان ..
و انت ان شاء الله ماعليك شي عشان يرفضونك ..
فـ خلي الاوراق تاخذ مجراها ..