الى الاخت لمساتي ما دام انهم اتصلوا عليك و ظهرت عندك ارقام زي ما قلت انتظري شوي علشان لسى ما انتهوا من مقابلات الرجال و ان شاء الله راح يتصلون عليك قريب و خليك في المقابله واثقه من نفسك و احفظي كم كلمة انجليزي يعني كيف تتكلمي عن نفسك بالانجلش. و بالتوفيق للجميع................

السلام عليكم..
انا اختبرت اول يوم ورجعو كلموني قالولي مانجحتي بس تعالي اختبري تاني عشان كانو مرررره محتاجين بنات تخصصهم محاسبة بس لحد اليوم محد كلمني وقالي خلاص لا مقابله شخصية ولا نجحتي ولا شي 
وطبعا الجوال ااي اتصلو منو دايماً مقفل ...
ايش رايكم اكون خلاص مانجحت تاني والله طفشت وانا استنا*

مافي احد يقدر يفيدني

امجاد انتي زي هلكوني بس لاتخافي الي كلمتني تقول مررررررره محتاجين حتي الراسبين طلبو يختبروهم تاني لاتخافي ياقلبي راح يتصلو عليكي خصوصا انهم يبو محاسبه وراح ينجحوكي عرفتي

بس خلي جوالك جنبك فين ماتروحي

وانا راح اخلي جوالي عام عشان مايكون عندهم عذر
ام ضيا لاتخافي راح اعرفك وبيننا رساله خاصه لو تم قبولي ان شاء الله

رووونا يعني قصدك عشان المقابله الشخصيه طيب انا الي قالو ليا غير قالو الاسبوع الجاي عشان دا الاسبوع بيعيدو الاختبارات للراسبين عرفتي يمكن الاسبوع الجاي بس ياليت الاسبوع دا اناعلي اعصابي

مساء الخير
لمساتي وام ضيا ان شاء الله اول ماتاكد من الخبر راح ارسلكم لان الشخص الي سالته قال بيتاكد وبيعطيني خبر
وان شاءالله زي ماقالت لمساتي بيكون بيننا رساله خاصه.
عشان غربي كيوت لا يقولنا حولناها مجلس سوالف ههههههههههههه

ربي يسعيدك شكرا ياقلبي.. طيب ممكن تعطيني الرقم الي كلمتيهم منو؟؟

هههههههههههههههههههههه

لازم يتحمل من ذحين ربي لو كتب له وظيفه احنا فيها بنطلع قرونه بالسواليف

اوكي اتأكدي وبيننا رساله خاصه عشان غربي لايقول قلبناها سواليف نسائيه

روونا حاولي بدري عشان نجهز نفسنا ويارب يكون المقابله يومها مع بعض

المقابله الشخصيه فين راح تكون مكانها شوفي لاني الي سئلتهم قالو ممكن فنفس المكان او قاعه

امجاد الجوال مقفول علي طول مره يعني مراح تستفيدي بس راح اعطيكي الرقم هو نفس الرقم الي اتصلت عليه الحرمه اول مره وبعدين مقفل واتصلو من ارقام ثانيه ازعاج يعني وام ضيا اعطتني رقم جربته ومقفول مره بس لقيته مفتوح وكلمتهم

يابنات الاولاد ماشاء الله خلصو اتصلو عليهم وانتهو الا البنات ماني شايفه بنت اتصلو عليها وحددو معاها موعد ولا اي حاجه

بنات مو دحين احنا اختبرنا المقابلة الشخصية وعرفنا عن نفسنا بالانجليزي وحددو لكل وحدة باي مجال يناسبها وبعدين اختبرنا علكمبيوتر يعني كدة احنا خلصنا وحتى لما اتصلت عليا ماقلتلي غير انهم يبو يطابقو الاوراق وبس
يعني ما اعتقد انو مقابلتنا على دفعتين زي الشباب
ماروكو يعني قصدك الشباب وقعو على العقود ولا ايش؟