السلام عليكم ورحمة الله وبركاته /
حبيت افيدكم يا اخواني عن تجربتي في صندوق المؤية بعدما تعثر المشروع :

تعثر المشروع تقريبا في بداية شهر 5 هجري وقت العواصف والأمطار
عندي بيوت محمية وكلفني المشروع بضبط مع الفوائد او مايسمونه اشراف ومتابعة
299000 مئتين وتسعه وتسعين الف ريال

طبعا ركبت البيوت المحمية وجتها رياح شديدة وقلبت البيوت المحمية فوق تحت ..
وانا مابعد بديت لاحول ولاقوة الا بالله
كلمتهم وعلمتهم السالفه وقالوا لي جب تقرير من الدفاع المدني عشان تخلي مسؤليتك
والحمد لله جبت تقرير واعطيتهم اياه وارتحت ..

المهم الكلام هذا قبل تقريبا شهر وزياده ودقوا علي وخيروني ..
1 اما الإنسحاب وعدم مطالبتك بأي مبلغ
2 تعويضك ببيوت محمية اخرى بدون حسابها عليك والبدء من جديد

والحقيقة اني محتار ما ادري وش اسوي


نقاط مهمة في المؤية /
كل مابين دفعه ودفعه تنتظر من 20 الى 30 يوم .. واحيانا يقولون
الصندوق مافيه فلوس وتنتضر 50 يوم تقريبا

العقد .. فيه جملة تقول انه سيتم مطالبتك بسداد المبلغ في حال المرض او الوفاة او حتى السجن
ولن تسقط ابدا وبيسحبونك على خشتك اذا ماسددت
لسبب ان الجدوى الإقتصادية فيها تلاعب

اهم شئ قبل توقيع العقد او بعده مباشرة تقوم بتجهيز العروض الخاصة بالمشروع
اذا كان المبلغ من 3000 الآف واقل ( عرض واحد)
اذا كان المبلغ اكثر من 3000 الآف ( عرضين )
اذا كان المبلغ يزيد عن 10000 الآف (3 عروض )
والقصد من هذا عشان ماتعطل نفسك في البحث عن العروض ويصبح هناك تأخير بلإضافة لتأخيرهم

اذا كان المشروع يحتاج سيارة او مركبة فتشتريها جديدة افضل بكثير (من باب تجربة)

وعلى فكرة وهذي النضرية مهمة جدا ..
طبعا انت بتوقع العقد في صندوق المؤية وتستلم شيكاتك من بنك التسليف لأن بينهم تعاون ..
في عقد صندوق المؤية يعطونك فترة سماح 6 اشهر يعني مايخلونك تسدد الا بعد 6 شهور من بداية المشروع ..
واذا شفت التأخير من بنك التسليف في تسليم الشيكات تخاف انه يحل عليك افترة المحددة في العقد ولا تقدر تسدد .
. فهذي لها حل وهو انه اذا كانت الشيكات من بنك التسليف فما عليك خوف لأن بنك التسليف اعطاك الدفعات المالية
(الشيكات) ولن يتم حساب اي مده الا بعد استلام آخر دفعة وبعدها بـ 6 شهور تبدأ في السداد لذلك آخر دفعه
اتركها لا تاخذها بعدين هم يدقون عليك ويقولون لك تعال استلمها ولا تنازل عنها .. عشان تبدأ فترة السداد


ونصيحة أخرى يجب الأخذ بها .. وهي طلب الحد الأعلى من النثريات في المشروع وهي 30000 الف ريال عشان مايطلع عليك شي ما حسبت حسابه وتتوهق ..

وسلامتكم .
الي يبي يسأل او يستفسر انا حاضر وممنون

الله يعطيك العافيه يا مشعل نجد
بخصوص موضوعك معهم والله انا اشوف انهم قدمو لك عرض حلو كثير
انا مستغرب انهم قالو لك الانساب وعدم مطالبتك بأي مبلغ
المهم
اذا الى الان في نفسك الجديه و العزيمه على مشروعك فلا تردد كمل مشوارك في المشروع
وابداء من جديد
والله يوفقك ان شالله

وآلله آنآ آقول مثل مآ قآل إخوي
بو قآسم
وآلله آنآ مآ دخلت في رآسي آلمؤئه
يوم جهزت آورآقي ورحتلهم
يوم قال مقابله شخصية
نجحت في آلمقابله الاولى
ويوم جآه آلثآنيه وسالني كم سؤال عن المشروع
بعدها قآل خلاص نبي ندق عليك وسيفون

الله يجزااك خيير ..

مشعل نجد
اذا ماعندك دخل غير هذا المشروع فأقبل عرضهم فرصة
واذا تقدر تستغني عن هذا العرض وتعيد مشروعك من موول ثاني فقول يافكييك

الله يجزاك خير على النصايح الي قدمتها

موفق الله يعوضك خير

اخوي الحمدلله على كل حال

وكويس انه عطوك خيارين كلهم حلوين ،، انت استخير ربك وتوكل على الله

بس بسالك عن النثريات ؟؟ يعني ايش ؟؟

تقصد العهدات؟ ياليت تفسر اكثر