السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

كيف حالكم إن شاء الله دائما بخير ؟

ياعيال

مادري كيف ابدي موضوعي المهم جداجدا

موضوعي يقولكم

انا عمري 22 تقريبأ او 23

المهمم انا حلمي اني اكون ضاابط

بس فيه مشكله وهي اني لزم اكمل جامعه 4 سنوات عشان ادخل للكليه الامنيه

يعني لو نقول 4 سنوات+3 سنوات الكليه الامنتيه =7 سنوات
يعني عمري 23 ونزود 7 سنوات30 وصل عمري واعلق النجمه

والحين انا مقبول جندي بالامن العام

ابيكم تفيدوني انا جايكم ابي نصيحتكم لي

وفيكم الخير انتم ماتقصرون

اكمل جامعه والكليه الامنيه

او ادخل الحين جندي واكمل جامعه

لأني جالس افكر ومحتاار والله

ههههههههههههه والله يالذيب سبع سنوات صعبه

افلح جندي وبعد سبع سنوات تكون قد اعرست وعندك ولد أموور يشيل اسمك

الله يسمع منك ياكيلو هم

اقول جندي احسن لك ماني محطمك يمكن ماتنقبل بالضباط اخوي قدم العام وماقبلوه والحين مدرس يعني بالله عليك يبون يفضلون الي عمره 25 او 30 قسها بالعقل

والله انا ودي تروح ظااااااااااااااابط


بس روح جندي يا رجال وتوظف وتزوج اريح لك من 7 سنوات والله يوفقك

اخوي ترا من شروطهم انه مايتعدى الـ30
لكن ادخل جندي + كمل دراستك وان خلصت دراستك شوف اللي تبيه وبالتوفيق

يعطيكم العافيه على الردود

طيب فرضأ أني كملت جامعه 4 سنوأت

اقدر اكون وكيل رقيب على الاقلللللل

اقول اول شي انت منت ضامن الأمن العام مابين شي الى الحين ولكن اذا مانقبلت بالأمن العام سجل بجامعه وكمل دراسه

شوف العلم زين والعلم ماله عمر محدد وأنت تقول تتخرج وعممرك 27 من الجامعه


ويمكن يقبلونك الامنيه ويمكن لا الله وأعلم


والحين في وقتنا هذا الوظايف قليله جدآهو صحيح كلن يبي يأخذ رزقه


وأنت تأكد أن كل انسان ماراح يآخذ الا الي كان مكتوب له


فيه شباب دارسين الجامعه وقدمو على الامنيه ومالله كتب لهم فيها شي وشوفهم الحين يقدمون على جندي في المباحث


طبعآ الله سبحانه كاتب رزقك والانسان يسعى ويجتهد في كل شي والله يتكب الي فيه الخير




ونصيحتي لك شوف وش المتيسر الحين وأدخل فيه إذا قبلوك الامن العام قبول نهآئي رح لهم وهذا رزقك يارجال



وكمل الجامعه انتساب


هذا رايي وقبل لا تأخذ الاراء استخير ربك والله يكتب لك الي فيه الخير ،

إن جات الجندي أدخلها وكمل جامعه وبتآخذ ترقيات حلوه أو قدم على المدنيه وانت جندي ومتى ماجات أسحب على العسكريه كلها ~
لأنك تعرف الوظائف تقل كل سنه يعني بعد كم سنه الجامعي ماعاد يلقى شيء انت لاحظت كيف الجامعيين يقدمون على جندي !!
والكليه الأمنيه ماهو على كل حال تجي ~
وفي النهائه اذا انك تحب الدراسه وتقدر تجيب معدلات حلوه من الآن ادرس جامعه والله يوفقك ~
اعذرني لو شت شت شتتك < ههههههه مابغت تطلع