المباحث بالرياض يوم الاثنين 24/6 .. ولكن !!!!!

سعودي ذرب · #1 (**permalink**) 07-06-2010, 11:05 AM

يسعد صباحكم جميعاً

كيفكم انشاء الله بخير ..

في البداية موعدي اليوم الأثنين 24/6 بالرياض

صليت الفجر وتروشت عشان اصحصح شوي من النوم

لبست الثوم وتكشخت وطلعت من البيت بحمي السيارة واشوف الساعه 4:37

الموهيم مشيت على مهلي ورحت للبقاله اخذت لي مويه وعصير يعني مو معقوله

أروح للموعد وريقي ناشف الموهيم .. وصلت للموقع الساعه 5:15

اشوف ناس متجمعين يستعدون الدخول.. قاعد اقول في بالي شكل الشباب مصلين الفجر هنا

الموهيم وقفت السيارة وطلعت وبلحق الشباب اللي بيدخلون المهم دخلنا وصفينا طابور

في الساحه و جاء الرقيب وينادي بالأسماء .. طبعاً اللي يسمع اسمه يصف طابور

إلى حد 17 شخص وبعدين صف ثانيه يتكون 17 شخص المهم مجموعتنا 5 صفوف

مالكم بالطويله جاء الباص واخذنا ورحنا لصالة التدقيق على المعلومات اللي كتبته بالموعد

وهنا بدات المشكله عندي .. المهم انتظرت لين جاء دوري وجيت عند الجندي واعطيه ملفي

يقولي ياحبيبي انت مسجل بالموقع ع ان الشهادة اللي معك ثانوية والجامعة .. انا اللي اشوف

الشهادة الثانوية .. الشهادة الجامعية وين ..؟ قلت اسمع مني هي الأمور سهلالات الترم

هذا اخر ترم والترم الجاي تطبيق .. قال روح هناك وكلم وكيل الرقيب

رحت عند وكيل الرقيب

وبكلمه وبفهمه بس مقفل مخه ..( قلت تيس قال أحلبه ) ..

المهم قفلت معي واخذت جوال وطلعت ..

بس صراحه ياشباب اليوم مالقيت واحد وسيم مثلي كلهم دروج ههه امزح

-*-*المـلاحـظه*-*-*-

شوف بياناتك على الموقع لازم تكون متأكد منها قبل ماتجي
-*-*-*-*-*-*-*-*-*-*-*-*-*-*-*-*-*-*-*
عندك واسطه تمشي
-*-*-*-*-*-*-*-*-*-*-*-*-*-*-*-*-*-*-

اليوم في واحد جاء الساعه 7 واحنا يالمساكين من الساعه 5 موجودين

المهم دخل وقعد شوي ألا الرقيب ينادي بأسمه يجي عند ويخلص اورقه ويدخل للأختبار

تخيلوا ياشباب وانا طالع يعني خلاص ماعندي أمل في المباحث وانا طالع رايح لسيارة

ألا الولد معي في الباص اصدق اكذب .. قلت له انت بعد طردوك قال لا خلصت أوراقي

وبروح انام ( تنام وغير منغبن يبغا المباحث ) .. قلت بالتوفيق قال الجميع

المهم وانا طالع رايح لسيارة قلت والله يمكن خيره والله بيعوضي غيرها انشاء الله

وأملي بالله كبير اني بالتخرج وبتوظف على طول يعني من باب التفاؤل بس لا أكثر

وجيت الحين طاير بالمنتدى قلت اكيد شباب ينتظرون واحد يفيدهم وش حصل اليوم

وهذا اللي حصل معي اليوم مع ان الفائده قليله ..

في أي سؤال انا حاضر