مرحبا

الله يعافيكم اللي يعرف مدرسه محتاجه مدرسه علم اجتماع أو مرشده طلابيه للسنه الجايه يعلمني
حتى لو راتبها قليل
طفشت من جلست البيت لي سنتين متخرجه مالقيت وظيفه ملل وقسم بالله

قدمت على كم مدرسه عن طريق النت ومحد عطاني وجه

أبي مدرسه شرق الرياض

ومعاي لغه وكمبيوتر

أبي شوية حظ بس

دعواتكم

ارسلولي مدرسة واحة العلم بس طلعو نصابين
يبوني أدفع 500ريال عشان أحضر دوره اا نجحت وظفني واذا رسبت قلعوني
وقدمت على مدارس العليا الأهليه ولاحس ولاخبر
والتربيه النموذجيه يبون خبره
من وين لي خبره وكل مدرسه تبي خبره
الخبره كلها راحت لبيتي

منكو لله ياللي تتعاملون بالواسطه

متحمسه أبي أصير مدرسه ودي أسمع الطالبات يقولون لي استاذه
حتى بالجامعه ماطبقت ولا انبسطت بالتدريس

ياربيه ضايق صدري وبس
أبي أصير أبلى
أبي أفرغ طاقتي وحماسي قبل تنطفي

ياربيه وش الديره كلها واسطات شكلي بهج
والا بصير مذيعه

أو مضيفة طيران


<<انهبلت وقسم

واسوني

شوفي يا اختي
روحي على المدارس واعطيهم السي في خصوصا هالوقت
عشان السنه الجايه
واكتبي الرغبه اداريه او مدرسه
والله يوفقك يارب

حطي في بالك مثلك ملايين
وشدي حيلك وزعي ملفاتك في المدارس الأهلية
ورزقك بإذن الله جايك ماراح ياخذه احد غيرك

الله يرزقك يارب

ربي يوفقك ويرزقك ..

الله يرزقك ويفتح لك ابواب الخير

الله يرزقك الوظيفه الي تتمنينهااااا

بالتوفيق يارب الله يرزقك امين