معهد الدراسات الفنية للقوات الجوية

عاطل ومواصل · #**951** (**permalink**) 19-06-2010, 01:39 AM

السلام عليكم

يالنشامى طلبتكم ابي شوركم يالواصل وولد الديمن وآل زهران وفارس المرواني وباقي الشباب الكفو

انا مقبول نهائي في معهد الدراسات الفنية ودورتي تبدأ يوم السبت 14_7

وجاني قبول مبدئي في المباحث العامة وموعدي فيها يوم 17_7

انا صراحة ابي المعهد ونسيت المباحث لانها مو مضمونه

بس اليوم قابلت واحد من جيرانا وهو شغال في المباحث العامة وقالي نصيحة لوجهة الله لا تفوتك المباحث

قالي والله الجندي دورته 4 شهور بس والحين راتبه يوصل 7000 ريال مع البدلات اللي هي بدل سمعه وبدل خطر وبدل مواصلات وبدل نقل عفش و35% من الراتب الأساسي زياده يعين كلها توصل حدود 7000 وجندي

قالي المعهد كرف وقرف 3 سنوات وانت تاخذ 900 وبالنهايه تتخرج وكيل رقيب وراتبك 6200 ريال يعني المباحث احسن

قالي هي مجازفه بس لو نجحت مجازفتك راح ترتاح راحه مابعدها راحة ساكن عند اهلك وراتبك قوي وعزابي بتعيش ملك

وقلت له اني اعرف واحد في ادارة المباحث حق القبول والتسجيل بالطايف وقالي انا بعد بوصيك على واحد هناك يعني صاروا اثنين واسطات بعد الله

قالي اسحب ملفك وتوكل على الله ورح للمباحث

الحين ابي شوركم تكفون يالنشامي والله لي 5 ساعات مخي وقف وانا افكر ببها السالفه اخواني والأهل قالوا شي راجع لك هذا مستقبلك وشوف وش اللي تبيه حيروني زياده تكفون شوفوا لي حل وكلام يريحني انا بإنتظار ردودكم يارجال...

ولد الديمن · #**952** (**permalink**) 19-06-2010, 01:56 AM

^^^
عصفو باليد خير من عشره على الشجره
انت سويت زي الي تجيه النعمه ويرفسها برجله

غير كذا تذكر ان فيه غييرك كثيير يبون مكانك .. يعني صدقني لو ماتجيك المباحث راح تندم طوول حياتك
بالتوفيـق

فارس المرواني · #**953** (**permalink**) 19-06-2010, 02:04 AM

انا اقولكم طبيعه الدوره على حسب ما سمعت تصحون قبل الفجر بشوي وبعدين اللي يلبس واللي يتوضى الخ 00 بعد الفجر يحضركم الرقيب وكل رقيب ياخذ مجموعته وبعدها مشاة عسكريه =هروله وتدريبات ووو=الى الساعه 6 او 7 بعدها على الميز فطور نصف ساعه او ساعه المهم بعد الفطور حصه رياضه او حصه عسكريه والساعه 9 وشوي يجيكم الرقيب ويدربكم الى الساعه 12 بعدها صلاه وبعد الصلاه على الميز =غداء=بعد الغداء يجي العلم 000يجي الظابط ويستلعن- بالعربي يدور الجزوات - وتدريبات- قبل صلاه العصر يصرفونكم اللي يغسل واللي يتوضى لصلاه العصر بعد صلاه العصر يجيكم الرقيب ويدربكم الى قبل المغرب وبعدين تروحون لصلاه المغرب 0اغلب الوقت من المغرب الى العشاء ما عندكم شي او محاضره بالمسجد الى العشاء بعدها تصلون وعلى الميز =عشاء= وبعدها تدريبات الى الساعه 9 ونص او 10 وبعدها نووووووووووم-=على حسب ما سمعت000 اتمنى اني افدتكم

عاطل ومواصل · #**954** (**permalink**) 19-06-2010, 02:05 AM

8 8 8 8 8 8 8 8

والله هذا اللي خايف منه إني اندم

وراح انبسط لو مشيت اموري بالمباحث الله يلعن ابو الحاله ياشيخ

رحال الشمال · #**955** (**permalink**) 19-06-2010, 02:14 AM

لا تصير معايد القريتين وتخسر الثنتين لا سمح الله
لاكن شف اللي يريحك اذا المباحث مضمونة رح واذا هي مو مضمونة خلك على المعهد
هذي وجهت نظري

شميزر العمري · #**956** (**permalink**) 19-06-2010, 02:21 AM

والله العظيم كل مال لحالتي تدهور ولكن ياجماعه افزعوا وشوروا علي في هذا الموضوع
https://www.btalah.com/showthread.*****..30#post2789330

ولد الديمن · #**957** (**permalink**) 19-06-2010, 02:21 AM

اقتباس:

المشاركة الأصلية كتبت بواسطة فارس المرواني

انا اقولكم طبيعه الدوره على حسب ما سمعت تصحون قبل الفجر بشوي وبعدين اللي يلبس واللي يتوضى الخ 00 بعد الفجر يحضركم الرقيب وكل رقيب ياخذ مجموعته وبعدها مشاة عسكريه =هروله وتدريبات ووو=الى الساعه 6 او 7 بعدها على الميز فطور نصف ساعه او ساعه المهم بعد الفطور حصه رياضه او حصه عسكريه والساعه 9 وشوي يجيكم الرقيب ويدربكم الى الساعه 12 بعدها صلاه وبعد الصلاه على الميز =غداء=بعد الغداء يجي العلم 000يجي الظابط ويستلعن- بالعربي يدور الجزوات - وتدريبات- قبل صلاه العصر يصرفونكم اللي يغسل واللي يتوضى لصلاه العصر بعد صلاه العصر يجيكم الرقيب ويدربكم الى قبل المغرب وبعدين تروحون لصلاه المغرب 0اغلب الوقت من المغرب الى العشاء ما عندكم شي او محاضره بالمسجد الى العشاء بعدها تصلون وعلى الميز =عشاء= وبعدها تدريبات الى الساعه 9 ونص او 10 وبعدها نووووووووووم-=على حسب ما سمعت000 اتمنى اني افدتكم

انا عندي اختلاف بسيط معاك

انه بعد الفطور تمرين لين تسعه او 8:30 وبعدها نرووح محاظره بقاعه مكيفه ندرس فيها اشياء عسكريه زي اسامي السلاح واشياء زي كذا

هذا والله اعلم

حلمي جندي · #**958** (**permalink**) 19-06-2010, 02:39 AM

الله يوفقكم والله راح نفتقدك يا ولد الديمن أنت وصورة ضل البنت هههه

ولد الديمن · #**959** (**permalink**) 19-06-2010, 02:47 AM

^^^^^
ههههههههه

الله لايوريك ياجاني سب ودعاء بالخاص
بسبب الصوره ذي
الي يقول عيب
والي يقول بدق على الهيئه
خخخخخخخخخخخ

يقولون حراااااااام
هههههههههههههههههههههه