08-06-2010, 04:50 AM
|
 |
عضو سوبر
|
|
تاريخ التسجيل: Feb 2010
المشاركات: 380
معدل تقييم المستوى: 117842
|
|
|
هزلت .. نتآئج الرياض ماطلعت ...}
السلام عليكم ورحمة الله وبركاته
انا من ضمن 5000 الاف عسكري ينتظرون نتائج الرياض
وننتظر الفرز النهائي
بدخل في الموضوع على طول لأني ضغطي وصل مليون
يعني مكة والمدينه يطلعون النتائج
والرياض للحين ماطلعت النتائج
وهي العاصمه وهي اللي كل الدوائر الرئيسيه فيها
يعني الداخليه مرسله النتائج للمدينه ومكه
وبين الرياض والمدينه ومكه مسافة بالسياره العسكريه الصغيره 5 ساعات
عشانها سيارة عسكريه مافيه نقطه توقفها ولا رادار يقفطه ويصكه قسيمه
يعني وصلت الين هناك
وماوصلت السياره اللي في النتائج من الداخليه في الملك فهد
الين النضيم عند مدينة التدريب
حشى لايكون نقلوا النضيم ودوها ورى تبوك .
لكن يا شباب مابيدنا غير الصبر والدعاء
وكلنا ندعي ذا الدعاء
.....
اللهم اذا سواق نتائجنا انفقع الكفر عنده يارب ترزقه بواحد يفزع له ويصلحون الكفر
اللهم اذا سواق نتائجنا خلص عليه البنزين يارب ترزقه بواحد يفزع له ويجيب له بنزين
اللهم اذا سواق نتائجنا خبطت سيارته إنك ترسل له تاكسي يقول له اطلع اوصلك ببلاش لعيون العاطلين
اللهم عجل بالنتائج واجعلنا من المقبولين يارب وارزق من لم يطلع رقمه أرزقه خير من الأمن العام
عليكم بالدعاء والصبر ...}
|
العرض العادي
