السلام عليكم

كيفكم يالعاطلين الباطلين ان شاء الله انكم بأتم الصحه والعافية

انا لي مدة اتابع منتداكم بس على الصامت ومن دون تسجيل

وكنت كل ماضاقت على الوسيعة ادخل هنا مادري ليه ؟؟ يمكن عشان الموت مع الجماعة رحمة

الله يرزقنا وياكم الوظيفه السنعه المحترمه

الله لايحيجنا الا لوجهه الكريم

المهم

انا لي خمس سنوات من تخرجت وقدمت على كل البنوك وعلى التعليم والى الحين لاحس ولا خبر

الوكاد اني قررت اشتغل بنفسي

مو معقول تنتهي حياتي معقده نفسي بأنتظار وهم 10 بالمية يحصل و 90 بالمية مايحصل

طبعا فكرت مين اسأل ومن مين استفسر قلت اصحاب الخبرة طبعا

وقمت قطيت وجهي على اصحاب وصاحبات المحلات ... بس للاسف الكل بهالزمن بقلبه حسد ماحد يبي لغيره الخير حتى لو كان ماهو بديرته ولا هو حوله هو وتجارته

مشروعي ياطويلين العمر ستوديو تصوير + محل طباعة ((تيشيرتات + كيك + اكواب + كابات + ميدليات + سيراميك + خشب)) وطبعا المشروع نسائي لانه البنات يفتقدون المشاريع اللي زي كذا كل مافكرنا نطبع شي نستصعب الامر لانه بأيدين رجال فنضطر نحط صورة الزوج او الابن

طبعا راح ابدا مشروعي بشكل مبسط وعلى قدي

لقيت محل بسوق نسائي ايجاره الشهري 750 ريال

يعني يابلاش

وشريت كاميرا احترافيه والحمدلله مضبطه اموري واعرف للطباعه وللكميرا وللشغل على الكمبيوتر

اللي عايقني الحين بعض الشغلات

1- لو ابي اطلع رخصة للمحل قالوا لي لازم من وزارة الاعلام ومن البلديه وممكن يطولون مدة سنة لين يجي الترخيص هل هالكلام صحيح ؟؟

2- لو ابي احط معقب يتابع اوراقي كم تكلفته ؟؟

3- لو ابي مكاين الطباعة ياليت اللي عنده خبره يقولي وش افضل ماركة ومن وين اجيبهم من برا ولا من هنا ؟؟ وكم توصل اسعارهم هذا اهم شي

4- اقدر اسمي المحل اسم اجنبي ؟؟

5- اقدر استأجر المحل قبل اطلع الرخصه ؟؟

وعندي استفسارات كثير بمخي لما ارتبهم راح احطهم هنا وخابره انكم ماتقصرون شكرا مقدما

فكررررررره رااااااااااااااااااااااااائعه
بداااااااااااااااايه موووووووووووووفقه اختي

فكررررررررة رائعة واتوقع لكي النجاح ان شاء الله وسويلك دعاية وتسويق يكون احسن وابدي اليوم قبل بكره والترخيص دوري واسطه


تقبلي تحياتي اختك روووووووووووووح الغزال

يماااال العافيه والله

الف الف الف شكر على الدعم والتشجيع

ااااخ بس لو كل اللي حولي كذا يشجعون مايحبطون كان علوووم

بس ياروح الغزال هل موضوع الترخيص يبيله واسطه ؟؟ والله خوفتيني

اتكل علي الله بالاول والاخير اختي

بس المشرووع مرة رائع خاصه اذ تعلمتي فن الخلفيات علي الصور مثل تروحي تصوري بالمناسبات وتزبطيهااا صح
تري مرررررررررررررررررررررررررررررررررررررررة حلوووة

والسوق الي انتي فيه هل شغال فيه زبائن كيف وضع الحركه الي فيه هل الانشطة الاخري متعددة ولا كم اكسسوار وعطور وتجميل وبس

ع العمووووووووووووووووووووم الله يوفقك

فكرتك مرررة حلوة وجديدة وأتوقع إنها بتنجع لكن لازم ثكثفين الدعاية

السوق هذا وينه؟ انتبهي لازم يكون السوق ناجح لأن بنجاحه بتنجحين إن شاء الله

موفقة

لو توضحين هل تبين تطبعين صور نسائيه
اولا
عشان افيدك لاني اشتغلت ف هالشغلة سنة كاملة

هلا بك نوكيا
صدقت الاتكال على الله ثم الاجتهاد بالعمل هو سر النجاح
وناويه بأذن الله اخذ دورة بالفوتوشوب عشان ازيد خبراتي البسيطة بالتصميم واللعب بالصور
السوق ماشي حاله ماعليه زحمه كايده بس انا مضطره له لسببين
اولا لانه السوق النسائي الوحيد عندنا
ثانيا لاني ماراح القى هالسعر الرخيص حق الايجار بمحل نظيف وجديد الا بهالمجمع مخفضين الاسعار لانهم جديدين وما اشتهروا لسى
واذا قصدك المنافسه ... تخيل ولا منافس؟؟ مافيه اي محل مثل فكرة محلي عندنا ... حتى رجالي مافيه !!!

مرحبا سماي عالي

اكيد الدعايه مهمه وناويه اكثف الدعاية بالمدارس لاني اعرف الطالبات يحبون هالشغلات

ومن ناحية نجاح السوق ... ممممم مو ناجح مره بس ماشي حاله لسى جديد وما انعرف واكثر شي فيه المشاغل

والله يوفق الجميع

هلا وغلا المجموعة التجاريه

ايه بأذن الله ناويه اطبع صور نسائية

ياليت تفيدني من خبراتك اكون شاكره وممتنه لك