بسم الله الرحمن الرحيم

السلام عليكم ورحمة الله وبركاته

شباب ابي احد يعطيني اي معلومه تفكى الرساله اللي جتني تقول كالأتي

الاخ00000

يرجى التكرم بمراجعة معهد "دايركت انجلش"بين مخرج 10و11 في طريق الدائري الشرقي في الرياض يوم الاربعاء 9 يونيو 2010م الساعه 10 صباحا وذلك لتحديد مستوى اللغة الانجليزية ..مع ضرورة احضار بطاقة الاحوال الشخصيه.

مع تمنياتنا لك بالتوفيق والسداد،،
ادارة الموارد البشرية بالخطوط السعودية-الخدمات الارضية/الرياض


ارجوووكم اللي يعرف كيف تحديد المستوى يعني هل هو اختبار الله لايهينكم يالربع

يعني يشوفون كيف لغتك عاد حلو رح بالتوفيق

اكيداختبار مولازم ورقة وقلم ممكن يسووون مقابلة بالانجليزي لانهم محولينك على معهد لغة
يعني احفظ سيرتك الذاتية بالانجليزي ربما تكون الاسئلة عنها
موفق اخوي

بس كيف قدمت ممكن نعرف الطريقة هل حصل هناك تقديم قريب بالخدمات الارضية وما هي شهادتك؟؟

دايركت انقلش رحتلهم عشان اسجل عندهم سولي اختبار تحديد مستوى
وهو عباره عن اسئله بالكمبيوتر قرامر مفردات كلمات مصطلحات وكذا بالكمبيوتر

وعلى فكره نصيحه من ذهب اقدمها لك

رح لهم اليوم على انك تبي تسجل عنده بدورة انقلش هم بيسون لك اختبار تحديد مستى ومجانا عاد انت يالذكي احفظ الاسئله وافهمها وحلل ابوها ثم اذا خلصت قلهم انشاء الله بمركم قريب لانه اختبار مجانا وبكره رحلهم تكون عارف كيف الاسئله او رح فرع ثاني بالرياض

اخوي بارك الله فيك ... هذا الاختبار تابع للخطوط السعوديه .. تحديد مستوى لغتك بالانجليزي

الله يوفقك ... وان شاء الله تجتاز الاختبار .. وتتوضف بالسعوديه ..

طيب انت مقدم متى عليها ..
ليكون رواد المستقبل ؟؟

الله لايهينكم

اخوي مؤسس الله يوفقك انا مؤهلاتي ثانوي وخبرة 2 عطاله
التقديم مدري بس اظن اول ماتخرجت من الثانويه سجلت بالخطوط
توهم يرسلولي الله يوفق الجميع لما يحبه ويرضاه

اخوي ساكورا يعطيك الف عافيه

اخوي محمد الله يعطيك الف عافيه

كفيتو ووفيتو

ادعو لي بالتوفيق وانا راح ادعيلكم

الله يوفقك بس لا تفوتها نصيحه ..