الراتب والله مو بكثرته وإنما ببركة الله فيه

المرتية السادسة أفضلك ,,
المعلم 24 حصة في الاسبوع +واقف على ارجولك + تعيين في مناطق بعيدة + كرف +اجازات في اوقات محددة + روتين ممل مدى الحياة + مشاكل الطلاب
أما موظف على المرتية السادسة
مكتب + اجازتك تأخذها في الوقت اللي يناسبك + سهولة النقل + الترقيات والمناصب وغيرها كثير

أنا من رأيي اهم شئ الواحد يكون مرتاح بغض النظر عن الراتب ثانيا اللغة العربية تعيينهم صعب جداُ

مجرد رأي

الله يجزاكم خير جميعاً،،،،

الوضع محير الحقيقة والمشكلة أن وزارة الخدمة ما منها أمان ما تدري متى بيعينونك ووش كثر بيعينون،،،،

أنا لو تقديري جيد رحت للمرتبة السادسة وانا مغمض لانه يحتاجلي انتظر سنوات وسنوات عشان التدريس بس قهر تقديري جيد جدا يعني لعل وعسى يكون قريب التعيين،،،،،

الله يكتب اللي فيه خير يارب

اللي ربك كاتبه لك بتأخذه ..

عليك بالإستشارة والإستخارة

وإذا كنت متخرج حديثاً تراك بتطول

وإذا رقمك قريب انتظر التدريس أفضل

اخي الكريم ما خاب من استخار وانت ماشاء الله عليك ايضاً استشرت اخوانك ولعلي اعطيك رأيي
الوظيفة اذا كانت في ديرتك وقريبة ولو على السادسة لاباس صحيح ان راتبها اقل لكن الراحة وانا اخوك
وان كنت ما عندك نية تكمل الدراسات العليا فلعلك تنتظر رقمك وتعمل هالمدة في اهلية ان تيسر لك
ففرق الراتب حقيقة مغري وان اردت راتب مغري لكن مشكلته انه فقط في الجبيل وينبع فيه تقديم على وظائف تعليمية ومن ضمنها لغة عربية ورواتبهم ممتازة وسكن و ميزات اخرى

الله يوفقك

الله يعين

الا على طاري التدريس من يخبر مدرسة أهلية يحتاجون لغة عربية؟

ياشباب اللي فاضي الحين وينتظر الوظائف التعليمية

نصيحة لايجلس عاطل ....... يعمل بمدرسة أهلية ويكمل دبلوم تربوي بجامعة الامام محمد بن سعود (سكان الرياض)

يأخذ دورات ادارة مكتبية -حاسب آلي-....الخ


اخوكم/قحص الروقي

خليك على وظيفة البند الين يجيك التدريس