ياليت كل واحد ولد أو بنت يقول قصة قديمه حصلت له

في المدرسه مع المعلم أو المعلمه

نبغى نفضفض شوي وندردش مع بعض

ابدا بنفسي

كان يا مكان في قديم الازمان


كنت في احد المدارس الثانويه

ايام الاختبارات

ثلاث ايام وانا شاد حيلي في حفظ مادة الفيزياء

المهم لما صار موعد الاختبار

وصل المعلم وقاعد يصفف الطلاب مثل القطار كل واحد معاه كرسي وطاوله

طبعا سوينا قطار في الممر للمدرسه مو داخل الصف

المهم من حظي اللي قدامي طالب فاشل وسمعته سيئة عند الجميع

بدقائق قبل لا يوزع الاستاذ ورقة الاختبار قام يحذر من اللي راح يفكر يغش كعادة أي معلم

المهم انا حليت زين والحمد لله وقبل نهاية الوقت الطالب اللي قدامي قاعد يرفع ورقة اختبارة

عشان احل من عنده ... والله ما حليت من عنده لأني افضل منه فرق السماء عن الارض

بس المدرس الغبي سحب ورقتي وقال ليش تغش

قلت والله ما غشيت

قال انا شفتك تناظر ورقة اللي قدامك

قلت له ها انت قلت قدامك يعني هو رافع ورقته مو انا

ليش حاط هذا قدامي والله ما حليت شي منه

قال المعلم لازم تتلطم لما احد يرفع ورقتة يبغى يغششك

انا عاد ارتفع ضغطي وقلت له كيف الحين تبغى تظلمي وحنى بشهر الصيام

قال المعلم اذا ما تسكت بعطيك صفر

ولعة نار وتعبي ودراستي قلت والله قسم بالله لأخلي عيشتك كلها صفر

قال المعلم نتواجه في الطلعه

قلت استغفر الله توكل بس توكل

راح المعلم اشتكى علي عند المدير

والمدير يصير له وقفني المدير

وما رضى يسمع كلامي الله لا يوفقه دنيا واخرى يارب

عصبت زياده وطلعت برى المدرسه غصباً عليهم

رحت شربت مويه فطرت في شهر رمضان والله انقهرت

ورجعت لقيت المدرس اللي قال لي بالطلعه نتواجه مو موجود مستأذن

مفكر اني طلعت اجمع شباب عشان ندوس على بطنه بالطلعه

ما درى اني اكبر من عقله ولا افكر بهذي الحركات بس بالاخير تبين جبنه وخوفه

بفضفض بروحي

مرة من المرات حدد الأستاذ موعد أختبار مادة الجغرافيا

المهم الأختبار طلع صعب

إلا انا الوحيد جبت الدرجة كامله بجهدي

لأني درست كل المواضيع المحدده ولم يخرج اي سؤال عن الدروس

المهم جميع الطلاب دجووووووووو في الاختبار

اللي قهرني الأستاذ قال راح اعيد الاختبار لأن الطلاب

كلهم درجاتهم ضعيفه

قلت له يا أستاذي انا تعبت والله في الدراسه بس عشان احقق درجه عاليه

يا استاذي تبغى تعيد الاختبار وتكسب اجر الطلاب عيده عليهم ما عندي مشكله

بس انا ليش تعيده لي بأي حق

قال المعلم : كيفي واذا ما تبغى تعيده ما راح اعيده للطلاب

قلت له عيده ما ابغى الطلاب يحقدون علي

ولما عاده نزلت درجه وحده

شفتم كيف عقليات بعض المعلمييين

[align=center]

الله على ايام المدرسه
سويت الهواااااااااااايل من تعهدات من هروب من الحصه
بس مشاغبتي على قدي
بس على ذا كلو خوافه
كنت اعشق اتريق ع البنات
مرا اتريقت على بنت كانت بالمتوسط وانا بالثانوي
الموهم راحت اشتكت عليا قالت لهم اني انا معجبه فيها والحق وراها
تعرفون حركات البزارين كيف يعشقوون الاعجاب الموهم
كلمتني المرشدا بس كانت اخلااااق الله يذكرها بالخير تفهمت الموضوع
وقالت تعالي اكتبي تعهد بس قدامها عشان ماتروح وتكبرها ووووو
الموهم جلست اسبوع البنت ترسللي صاحباتها عاد كلو تهديد
شافت طناش مني عارفين اش سوووت !!! ارسلت لي رساله انها تحبني هههههههههه
من جد سخاااافه ,, تتذكرو عبارة اكتب لك بالاحمر علامة الحب الاكبر وبالرصاص علامة الحب والاخلاص مسويتها < زمان يافن ,, بس لو انا شاطرا كان وديتها للمرشدا ووريتها
بس العقل له دور

عاد انا غير اولا السلام عليكم ورحمة الله وبركاته كنت اولى ثانوي وكانت امي دايم تقولي اولى مربط الجحش وكنت خايفه موت اني ارسب وكان عندنا مادتين في الاختبار الادب والفقه فذاكرة الادب ومامداني اذاكر الفقه وفي الفتره الثانيه جالسه اذاكر الفقه وابكي الاوحده من بنات عمي كانت معي باالمدرسه لاكنها كانت ثانيه وجاتني وقالت وش يبكيك قلت ماذاكرت الفقه قالتلى من يدرسك باالماده قلت لها ابله حياة قالتلي حظك من السماء قلت لها ليش قالت حياة تعيد نفس الاسئله كل سنه روحي دوري على اسئلتها مع البنات حقت العام وبرشميها المهم اني لقيت اسئلتها لسنوات مضت نفس الاسئله والله عاد جات الشطاره واروح واحل كل الاسئله واحط الاجوبه خلف الورقه ودخلتها في جيبي المهم توزعت الاوراق واقراء الاسئله يمين باالله انها نفس اسئلة العام لكن مغيره الزخرفه اللى باالورقه واطلع ورقة العام واحل كل الاسئلة وثواني والمراقبه اللي تدور باالصف الا هي على راسي تدرون عاد وش سويت

^
^^
^^^
^^^^^
ههههههههههههههههه

راعية براشيم خخخخخ

وانا راعي تهريب لا احد يفهم غلط تهريب يعني النحشه من المدرسه

كنت بثاني متسوط وعندنا مدرس لغة عربية يغث ما عنده رحمه ويتفنن بالتعقيد والتصعيب والتطفيش والضرب والتوقيف قال لنا بكره في تسميع قصيدة ابياتها اكثر من 15 صعبه
عاد كانت ايام البرد مو فاضي اروح وانضرب في البرد ولا اقدر اغيب من المدرسه ابوي افهموها عاد ههههههه
قررت ما ادخل للمدرسه ورحت اتمشى في الشوارع بعدين قلت بروح للبوفيه لطلب كبده
جلست اكل وإلا شوي هذا مدرسي جاي معاه مدرس ثاني للبوفيه اول ما شافني قام يضحك الضحكه الخبيثه كأنه صايد له شي عاد طلعت مسرع قالي وين وين تعال قلت هلا قال ليش منحاش من المدرسه قلت والله مو منحاش البوفيه طلبت كبده وأخرني كان عنده زحمه
مات ضحك هو وخويه وقال ما تعرف تكذب روح بيتكم وبكره داوم
المهم مشت الايام وصار المدرس كل ما يبغى يقول للطلاب عليكم حفظ قصيدة يموت ضحك ويناظر فيني جاب لي الشبه قدام الطلاب

ـأذكـــــر لكــم قصــه لاـوألاد عمي كان وـأحد بســـأدس وــأخوه بصـــــف ـأولــى ـألمهم كانو ببداية السنه الدراسيه واخوه الي بصف اولـى ما يعرف شي عن هــا المدرسه تشوف مشاغب ولا همه احد يضرب هذا ويتكلم على ذا شقاوة مبزرهـ
ـألمهم مره من المرـأت بزر من بزرـأن صف ـأولى بنفس فصل ولد عمي الصغير تضاربو هو وياه قدـأم المدير بنص الساحه وقدام خلق الله ولد عمي ما يعرف ان التربيه قبل التعليم ههههه المهم تفلت الولد وقام يسب ويلعن ويشتم والمدير يناضر هو شاف المدير نادهـ ةقاله تعال يا ولد الا ما ردهـ الازبنه من بين الطلاب ضيع في المدير والنضام ورـأه طــردي ولا احد طرحهـ
ـألمهم مسكو اخوه الكبير الي بصف سادس وقال رح يا الداشر جب اخوك راعي المضاربه والكلام الحلو قالهم وش سالفه قالو رح وبس قالهم ابشر ويروح الم****ن ما يدري وش سالفه ويناديه وهم رايحين لمدير يساله وش سويت البزر يقول ما سويت شي ناويه جحيد ههههههه المهم وصو عند المدير قال المدير ـأطلع انت يقصد الكبير العاقل الي بثف سادس قاله اطلع شوي واناديك
قعد يستنضر شوي لقى ـأخوه طالع وهو يضحك ومبتسم ورايح للفصل مع بطاطس وعصير وكاكو شوي وطلع المدير مع عصــــــا يا كبرهــا ويسدحـ الكبير العاقل ويطيح فيه فلكه وضرب وكلام شين وهو باقي مندهش
رجع للبيت وسال اخوه وش قلت لمدير وبعد تحقيق تبين ان المدير اغر البزر با البطاطس وقال من الي حرشك قاله اخوي قالي اضرب الولد وصدقه بحكم صغر سنه
ههههههههههه
ـأسف علـــى الاطـــــــــــالـــــــــــه

ههههههههههههه يؤؤؤؤؤؤؤؤؤ
ينكب اخوه الكبير على شي ماسواه عشان البطاس يؤؤؤؤؤؤؤؤ
اجل لو اخوه مسويها جد يمكن عشان علكه بسيطه يجيب خبره ههههههههههههه

عادالله يهديكم ولاواحد فيكم قال كملي القصه الا والابله اللي تدور واقفه على راسي ثم قامت يدي ترتعش والله ولاكنها رقاصه عاد امسك يدي واحاول انها ماترتعش حتى مااشكك الابله فيني ولكن يدي ابت الا ان تكون فيفي عبده والله لودققت شوي كان عرفت ان الورقه اللى في يدي مهي ورقة الامتحان عاد تصدقون ليش واقفه على راسي تقولى ماشاء الله خطك جدا جميل اسفه اني اربكتك لكن شدني خطك وماقدرت ابعد عاد راحت وبعدها وانا ادخل الورقه في جيبي واقول الله ستر وبعدها حلفت معاد اغش