ان شاء الله بيساعدوك الشباب ماراح يقصروون اخوي

وبالتوووووووفيق يااارب

سبحانه الله وبحمده
سبحان الله العظيم

اخوي هذا سلمك الله تبع بنك التسليف وموقعهم الجديد مقابل مقبرة النسيم من الجهة الغربيه بجانب الجامع

عندهم تمويل مشروع الملك عبدالله وقروض الزواج والقروض الأجتماعية

واي استفسار انا حاضر

والله يوفقك وييسر لك امرك

اهم شرط الكفيل

يطولون؟؟؟؟؟؟؟؟؟ اخوي مقدم من شهرين ودفع الدفعه الأولى والا الأن
لا حس ولا خبر

شوف إذا ودك ماتطول المده عليك تروح برى المدن الكبرى مثل المحافظات

على كلام واحد قابلته مطلع من مشروع الملك عبدالله كابرس من على ما اعتقد فرع المجمعه قبل سنتين هذا الكلام يقول اسرع واريح

وانت أسأل الفروع الخارجية الى تكون برى المدن الكبرى مثلاً,

مشكووووووووووووووووووووورين

هنا شرح كامل لطريقة التقديم والشروط اللازمه للحصول على سيارة اجره عن طريق بنك التسليف

الشروط الرئيسيه :


- العمر لايقل عن 21 ولايزيد عن 60
-المهنه طالب / متسبب / متقاعد
- رخصه عمومي سارية المفعول

طبعا من شروط الحصول على رخصه عمومي العمر فوق 21 واحضار ورقة بصمات من الادله الجنائيه ومكانهم في حي الديره بجوار قصر الحكم والدراسه في دله اذا عندك رخصه سابقه خصوصي مضى عليها اكثر من سنتين تدرس فقط 4 ايام واذا ماعندك رخصه خصوصي او عندك بس اقل من سنتين تدرس اسبوعين كامله

-----

اذا هذي الشروط متوفره وتنطبق عليك تتوجه لوزارة المواصلات ادارة الطرق والنقل بمدينة الرياض وموقعهم حي الصحافه قريب من شرطة الصحافه

اولا تاخذ منهم خطاب موجه لادارة الاحوال المدنيه علشان تطلع برنت بالمهنه واذا عندك كرت عائله يكفي

الاوراق المطلوبه منهم :

-برنت الاحوال او كرت العائله
-صورة من بطاقة الاحوال
-صورة الرخصه العمومي
-برنت من المرور بعدد السيارات المسجل ملكيتها على صاحب الطلب
( تاخذه من مرور الشرق ) قسم الرخص ولا يحتاج خطاب << امورهم سهله
- احضار الاصول للمطابقه

بعدين تاخذ منهم شي اسمه ( رخصة تشغيل اجره - افراد )

-----

تتوجه بعد كذا لبنك التسليف والادخار السعودي ومكانهم بالرياض حي السلام بجوار جامع امام الدعوه مقابل مقبرة النسيم



ومعك الاوراق والمستندات التاليه :

- صورة بطاقة الاحوال
- برنت من الاحوال المدنيه او صورة كرت العائله
- برنت من التأمينات الاجتماعيه << فرع الرياض مقابل المستشفى العسكري تطلب برنت
- برنت من المرور بعدد السيارات المسجله باسمك
- صورة الرخصه العمومي سارية المفعول
- رخصة تشغيل اجره - افراد << شرحت فوق طريقة الحصول عليها

------

بعد كذا تتم دراسة الطلب خلاال مده 10 ايام الى شهرين - ويجيك اتصال منهم بالموافقه من عدمه

------

اذا بالموافقه يطلب منك الاتي :

- كفيل غارم موظف ولايقبل اصحاب السجلات التجاريه في الكفاله
عسكري او مدني المهم راتبه فوق 5 الآف
-تغيير المهنه الى ( سائق اجره ) من الاحوال المدنيه
يعطونك خطاب موجه الى الاحوال المدنيه وتغير المهنه وتجيب البرنت الجديد مكتوب فيه
المهنه سائق اجره )

نجي لسعر السياره والاقساط ومدتها :

يتم تقسيط السياره بنفس سعرها ( بدون فوائد ) ويضاف لها ( التأمين ) يعادل 12 % تقريبا من قيمة السياره مثلا كامري سعرها 71 الف + 8520تأمين = 79520
وتقسط على 48 شهر بمقدار 1656 شهريا

استلام السياره وتوقيع العقد :


بعد تعديل المهنه واكمال اوراقك لديهم وتوقيع الكفيل لورقة الكفاله من عمله
راح يتصلون عليك بظرف اسبوع او 10 ايام ويطلب منك توقيع العقد وفيه الشروط كامله
بعدها يحدد معك الموظف يوم لاستلام السياره في مستودعات الشركه كعبداللطيف جميل او نيسان او غيرها حسب نوع السياره اللي طلبتها ويتم تسليمك اصل الاستماره

طريقة دفع الاقساط :

عن طريق الصراف الالي خدمة سداد او الانترنت ورمز المستفيد 058 ( بنك التسليف ) بعدها تدخل رقم الهويه الوطنيه يظهر المبلغ المستحق عليك وبامكانك تسدد جزء من المبلغ المستحق او اكثر من المبلغ المستحق
يظهر امامك ايضا المبلغ المتبقي كاملا على السياره في كل مره تسدد قسط بحيث لايتطلب حضورك للبنك للاستفسار عن المبالغ المتبقيه او وصول القسط من عدمه
اول ماتستلم السياره يعطونك مهله 60 يوم للتسديد تبدأ من يوم استلامك للسياره

ما شاء الله تبارك الله

يا كثر البرامج التمويلية .. في كل قطاع فيه تمويل وقروض ,, لكن سؤال ,, ما مدى تجاوب تلك الجهات مع الشباب ؟!