شوف كم عمرك وكم لك متخرج

لو كنت توك طازج وخريج جديد انتظر التعليمية لأن العمر قدامك وكما يقال في العمر متسع

أما لو كان لك فتره 8 - 10 سنين وتنتظر وجاك قبول في العدل والمباشره بعد اسبوعين فتوجه للعدل ولا تنظر إلى الوراء

لأن العمر هنا مايسعفك لإنتظار مابقى شيء على التقاعد

عرفت يحدد هذا الشيء عمرك ياأخوي

وترى حنا كلنا في هذي الدنيا ودنا بالزين والأفضل لكن لابد من القناعة والحمد والشكر على إختيار الله لنا

بصراحة انصحك باللعب على المضمون لان التعليمية غير مضمونة لانك لاتعلم هل يوجد من هو اعلى منك نقاط و اقدمية و معدل و اشياء كثيرة ام العدل لم يتبقى عليك الا القرار وتداوم
و بصراحة كل و احد غير مرتاح في عمله أسئل المعلمين من كرف الطلاب و القرارات التي صارت ضد المعلم
هذا كلام الوالد حفظه الله لي لأنه معلم
و العدل فيها ناس نعرفهم و يقولون تعب وم شاكل مرجعين
و العسكر برضوا يقولوا كرف دوام
و هكذا حتى الطبيب يكرف ليل و نهار
وبصراحة التعليم مسؤلية أكثر من العدل وأمانته اكثر أما العدل فأنت تكتب ماقال القاضي فلا تتحمل شي فيالتعليم لا بد من النص للطلاب و توعيتهم وشرح الدرس صحيح واعطاء الواجبات كما هي و اشياء كثيرة
واستخير قبل كل شي و اكثر من الاستخارة حتى تجد مانفسك ارتاحت له

أخوي عيسى الله يوفقك والله يكتب لك اللي فيه الخير .

مع العلم إني أنتظر وظيفة كاتب ضبط والتعليم .

لكن أنا أول شيء أنصحك بالإكثار من الإستخاره وإعزم على إكمال الإجراءات .

وأحب أنبه أن نتائج الإستخاره ماهو إنك ترتاح أو لم ترتاح .. هذه معلومه خاطئة

ولكن الصحيح إنك تعزم على الشيء وإذا كتب الله لك الخير يتم .. وكذلك العكس .



ثانياً : وظيفة العدل تعتبر مضمونه بيدك ماهو زي وظيفة ماتدري عنها وأنت عارف الأنظمة في أي وقت يمكن تتغير .


ثالثاً : بقولك والله مافيه عمل إلا وفيه مشقه للمخلص .

رابعاً : الإداري من وجهة نظري أنا مع التعب اللي يتعب فيه بعمله أفضل من المعلم .

الإداري : يجي لعمله مربوط بالمعاملات التي عنه وإذا أنتهى دوامه خرج ولا يشيل هم إلا إذا رجع من البكره ويكمل .

المعلم : تحصل همه التحضير والمشرف لايجي وأنا ماحضرت ولازم تحضر الدرس أو الدروس إذا عندك مواد متعددة وصفوف . وأسال المعلمين .

خامساً :الواحد يرضى بما قسم الله له والقناعة ما مثلها تذكر إن معك زملاء قدمو معك في العدل ولا إنقبلو وفيه

أصحاب لي أعرفهم لهم سنين والله والله ماخلو باب ماطرقوه وماكتب الله لهم نصيب.

سادساً : التعليم ماتدري وين التعيين .. بعكس العدل معروف محلك .

أخيراً الله يكتب لك مافيه الخير .. ونصيحتي لك لاتترد لا تترد أول شيء يجيك أعزم وتوكل على الله .

بالتوفيق أنشاء الله للجميع

كاتبة عدل افضل حتى لو صار فيها نوعا من الكرف والتعب بالنسبة للراتب راتبها 5120 + 600 بدل نقل = 5720
واول تعديله لك مع ال5% راح تكون والله اعلم 300 ريال في السنه الاول يعني الراتب بداية شهر 1 رايكون 6020 طبعا تراي خاصم حق التقاعد وفي السنه الثانيه 6300 وفي الثالثه 6600 هذا من غير اذا صار فيه بدلات اخرى
هذا الحسبة اجتهاد مني يمكن اني اصيب فيها واخطي

والمثل يقول عصفور باليد ولاعشرة فوق الشجرة

السلام عليكم ورحمة الله وبركاتة
مساء الخير للجميع
اشكر كل من اعطاني رئية وثقوا كل الثقة انه لفخر لي ان اتشرف بقرائة افكاركم
أشكر
بناسونيك
الرااااااايق
دنيا ولاتسوي
ناعم العود
المتطلع
الوفا طبعي
نور الغربية
مشاوير
لحظة وفاء
الدوردي جدة
المنطقة الغربية
عسكري بالجوزات
عمليات
أشكركم من أعماق قلبي علي اخوتكم
ولاتحسبني نسيتك يا مراد علمدار انت لو منت غالي كان عتبت عليك تدري ليش ؟؟؟
علشان الغيبة عن الصفحة حق كتاب الضبط والله فقدناك
ورايك ورائي الأخوان كله في محله والصراحة للجميع انني لن أخاطر بالعدل بعد كلام الأخوان ولاكني سوف أحاول ان أوازن يعني اذا طلع اعلان ثاني يظمن الترشيح للتعليم انتضرت التعليم وذا كان غير ذالك توكلت علي الله والحمد لله لأن بصراحة انا متزوج وعلى من الدين ما يتعدي مئة ألف رايال لابد من دفعها عندما استلم الوظيفة مباشرة والوالد الله يحفظة حاجز لي شقة في العمارة حقة يحتاج لها تشطيب بما لايقل عن خمسين ألف ريال والسيارة الي معي من كثر الكرف صار كل قطعة فيها تصيح يعني لازم تغيير جذري في حياتي مع الوظيفة علشان هذي المبالغ كلها احتاج لوظيفة راتبها يتحمل وعلي كل حال الي يكتبة ربي الحمد لله عليه بأخذة وعسي الله يطرح فية البركه
آسف علي الإطالة

اللي فهمته من ردك الأخير أنت متزوج والشقة هدية من الوالد الله يحفظه

خلاص قول الحمد لله أجار الشقة طاح وراح همه

ترى السكن هو اللي يقص الظهر

شكلك دخلت في نفس الدوامة والشتات اللي كنت فيه قبل مايصدر قرار تعييني بالمحكمة حتى شعرت بالتوهان
ولكن أحب أقول لك عدة نقاط حول ما يُـقال عن " الكرف " في كتابة الضبط بما أني أعمل بها حالياً وسبق أن عملت بالتدريس
1/ أغلب الشعب السعودي ما يبي يشتغل ويتحرك وكثير التذمر وغير قنوع
2/ تعب كاتب الضبط أقل بكثير من تعب المعلم المخلص..أما المعلم اللي ممشي حاله وماهو مستشعر الأمانة اللي كُـلف بها فلا شك أنه مرتاح ولكن النتيجة أنه خان الأمانة ونُزعت البركة من راتبه ورزقه..وأكيد أن الشيء هذا مُــلاحظ في كثير من المعلمين هداهم الله. وسبب ذلك أن أمانة التعليم صعبة جداً لايستطيع أدائها أي واحد
3/ كاتب الضبط تتعب يده ويحتاج الى زيادة تركيز،أما المعلم المخلص يتعب جسده بالكامل من الوقوف والصراخ والمشاكل والحالة النفسية أحياناً .....الخ
4/ كاتب الضبط يتعامل مع القاضي ومع أوراق ومع رجال كبار فقط لاغير، أما المعلم فيكون تعامله مع مراهقين من جميع الطبقات ومشرفين وأولياء أمور مما هب ودب .. وقد يضطر الى استخدام القوة أحياناً.

هذا اللي أردت أن أنبهك عليه .. أما بالنسبة للراتب فالكلام فيه على البركة وليس على الكم..ولا تنسى ان العادة جرت بأن التعيين يكون في قرى أو مناطق بعيدة أو حدودية يعني الزيادة اللي في الراتب تروح في تكاليف السفر والاجارات والنقل..خاصة وانك متزوج وتقول أن سيارتك تصايح من الكرف..ويبقى القرار في الأول والأخير لك ولا تنسى الاستخارة
أما الاكتئاب اللي شعرت به أنا أول ما بدأت في العمل لأني كنت في مدرسه أهلية ابتدائية وأعدادهم قليله والطلاب عيال ناس راقين ومثقفين وادارة ممتازة ومتعاونة.. لكن هذا الميزات مستحيل انك تجدها في المدارس الحكومية الا من رحم الله.. ولما انتقلت الى المحكمة اختلف الجو لكن ابشرك أن الامور تعدلت.
هذا ما لدي وأتمنى لك التوفيق..

بالتوفيق للجميع