السلام عليكم ورحمة الله وبركاته
ثلاث اسنين وخمسة اشهور وثلاث ايام طيش ...... اعيش وسط المجتمع مدري وشنهي خانتي
اسعى على فرصة عمل لكن يا الأيام ويش ......... حدك على تطنيشي وعذابي واهانتي
في الصبح من بعد السهر افطر على تونه وعيش ......وفي الليل اعد انجوم في سماء ديانتي
مدري وش اسوي مدري وين اروح وكيف اعيش......وانا ما عندي غير ثوبي في دورج اخزانتي
كل ما رحت ادور لي وضيفة غير قالو معليش ....... باقي على الطول المناسب لك اثنين صانتي
يعني اثني صانتي في الطول بتهز لك جيش.............ولا تبي تنقص على مر السنين امانتي
شهادتي شابت وانا على وشك والوضع شيش..........وابا اتزوج واتذرى في ذرى حصانتي
اطير في الدنيا لكن كيف اطير بدون ريش.............نتف جناحي وقتي وضاعت كذا مكانتي
يا ليتني لعب كرة يا ناس مثل احمد خريش............في كل قول الفين والف ريال في البلنتي
ما كان هاذا حالي المزري ولا بقول ليش ............واكثر ما افكر فيه كيف احترف في نانتي
ارزاق والدنيا حضوض نعيش مدري ما نعيش .....ورزقي على ضمانت الله ما هي على ضمانتي
يالله يا ربي وظيفة لو تجي في ابو عريش...........ولا تزودني على طولي اثنين صانتي