السلام عليكم ،، ارجو المساعدة الله يوفقكم ، بصراحه انا قدمت على وظيفة محاسب بديوان المراقبه العامه وقبلت فيها ولله الحمد وكذلك قدمت على وزارة الدفاع ( كلية عسكريه ) والحمدلله تم قبولي مبدئي بس جاني اتصال من ديوان المراقبه العامه قبل ظهور نتائج الدفاع بأسبوع وقالولي لازم تجي توقع اقرار بخصوص الوظيفه قلت لهم طيب ورحت لهم الصباح وقابلت مدير شؤون الموظفين وكلمته قلت له انا مقدم على كليه عسكريه وراح تطلع النتائج احتمال يوم 25 /9 قال وش هي فرد والا ضابط قلت ضابط قال خلاص مافيه مشكله بس اذا طلعت النتائج تجي وتعلمني بس الحين وقع الاقرار وخل امورك تمشي اذا الله كتب لك وانقبلت تعال ومايكون الا الخير قلت اكيد ماراح يعرقل الاجراءات بالكليه قال الى الحين ماصار شي يالله نتصل علي بعد العيد بـ 15 يوم قلت حلو وقمت وقعت الاقرار وطلعت لكن المشكله ان النتائج طلعت والموظفين في اجازه واخاف يخربط علي الوضع لان الدوامات في 9 شوال وخايف يقولون تعال واستلم الوظيفه وش تنصحوني فيه الله يجزاكم خير ( اسف على الإطاله )

انت اللي وقعته اقرار مو خطاب المباشرة وبعدين انت الى اللحين مو عارف انقبلت في الديوان ولا لا

مثل ماقال اخوي بكالوريوس محاسب الورقه اللي وقعتها كانت بس اقرار تنازل عن رقمك في ديوان الخدمه المدنيه يعني ماله علاقه بالتوظيف من عدمه

فيه توقيع ثاني ماادري وش اسمه بالضبط هو للمباشره او التعيين مادامك ماوقعته فأنت حر

بالتوفيق لك اخوي وعقبال ماتعلق النجمه


ياجماعه احد يعرف شيء عن وظايف وزارة الداخليه .. ؟ لانه جني وظيفه هناك في نفس الوزارة في قسم الماليه

هل لهم بدلات اضافيه او شيء ولا اريح وانتظر ديوان المراقبه .. ؟

السلام عليكم ،، الله يعطيكم العافيه اخواني بكالوريوس محاسب و بدراا على التوضيح والله يجعلها في ميزان حسناتكم ،، شف اخوي بدراا وظايف وزارة الداخليه حلوه وخاصة قسم الماليه بس ترا الداخليه قسمين وحده اللي بطريق الملك فهد وهذي الاساسيه والثانيه هي المباحث اللي في شارع الملك عبدالعزيز ( شارع المطار القديم ) بس اذا تبي نصيحتي توكل على الله ترا الداخليه من ناحيه الرواتب لاتشيل هم فيها بدلات يحبها قلبك بس ترا فيها تعب شوي ( بدل طبيعة عمل ، بدل انتداب ، بدل مباحث ، بدل اعاشه ، بدل سمعة ، بدل أرهاب ) 25% ، 35 % ، 15% ، بدل نقل 600 يعني من ناحيه الراتب ارقد وآمن راح يوصل راتبك 8000 بالراحه ،، انا قدمت عليهم عن طريق شخص شغال فيها ودقو علي و قابلوني في المباحث حوالي 4 مقابلات وكلها فلسفه في فلسفه والى الحين ماصار شي علما اني مقدم في شهر 6 فأنا اقولك اذا هالوظيفه مضمونه توكل على الله ( نصيحه اخ لأخو ) الله يوفقك دنيا واخره .....

الله يجزاك خير ويرزقك من واسع فضله واحسانه ياخوي ياعذاب الحب مشقيني

ومشكور وماقصرت على الرد

كل سنة وانتو طيبين

بشرو في اخبار جديدة

وانت طيب والجميع انشاء الله
إذا صار شيء جديد ماراح إنقصر وانا اخوك بس مالنا الا الصبر وبالتوفيق انشاء الله للجميع

to

up

up again

هل من جديد ياشباب