اللحين مدارس التربيه النمودجيه
ومدارس المناهج معهم صور وثيقتي تكفووون اللي تعرف وش يسووون فيها تقولي اقصد اللي عندها خبره فالمدارس الاهليه وش يسووون باوراق المتقدمات ........اتمنى انهم يحدفونها بالزباله او يحرقونها بس ما يستغلونها

دقيت على مدارس المناهج مايردون أبد

بنات انا رحت شرحت عند مدرسة المهم وقالت لي المشرفة انه راح نسوي مفاضلة ونتصل عليك
قلت لها اذا منتوا محتاجيني
او ما عجبكم شرحي علموني وخلاص عادي بس لا تجلسون تماطلون وانتوا ماتبون قالت لا انا صريحة واقول لك اياها خلال الاسبوع الجاي لو ما اتصلنا عليك يعين ما نبيك قلت طيب
اصدقها ولا لا والله العظيم مقهورة ما يقولون لك الصراحة اذا هم ممكن ياخذونك او يبونك فعلا او ما يبونك من الاساس وما عجبهم شرحك لا يخلونك تايهة ما تدرين والله العظظيم شوي اقول لا اتوقع صادقة وشوي اقول لا
يماطلونك وش تشوفون انتم
انا مرة جاني احباط ..

^
هم حتى لو يبونك ماراح يوظفونك على طول عشان ماتحسين انهم محتاجينك وتتشرطين بالراتب

بس باي مدرسة شرحتي؟

^
^
^

توكلي على الله .. واذا هالوظيفة رزقتس فصدقيني محدن ماخذها الا انتي
محد ياخذ رزق احد بهالدنيا .. وانتي حمدلله قدمتي الأسباب وسعيتي عشان تتوظفين
وكل تأخيرة فيها خيرة
الحين كل اللي عليتس انتس تنسينهم وتدورين مدارس ثانية .. يعني لا تعتمدين اعتماد كامل على مدرسة وحدة
انا أول ما قدمت شرحت لمتوسط وقالت لي عجبنا شرحك ونبيك معنا وخلوني أوقع وكلش .. وداومت اليوم الثاني وقلت لأ ما أبي متوسط .. قالت ما عندنا شاغر في ابتدائي لكن اذا صار عندنا بنناديك
انا توقعت انها تصريفة .. لكن فعلاً بعد اسبوعين دقوا علي ورحت وخذت ابتدائي مثل ما أبي ودرست عندهم سنة ونص بعدين عاد استقلت لأسباب خاصة

المهم انك تفائلي يا حبيبتي وسددي اذنيك عن كلام الناس يعني أحسني الظن وتوكلي على الله .. ترى حتى أحسن لنفسيتك .. قولي أبقدم بأكثر من مدرسة وأشوف أيهم أحسن وأدرّس عندهم

الله يوفقك ويوفق هالبنات اللي هنا ويرزقكم كلكم الوظايف الزينة