مناقشة وظائف المدارس الاهلية في الوسطى للبنات فقط

تخرجنا وماتوظفنا · #**181** (**permalink**) 26-06-2010, 07:18 PM

بنات
انا عندي مقابله بكرة بمدارس المملكة ..

من درس عندهم او يعرف عنهم شي
مرررره خايفة

أحلى إشراقه · #**182** (**permalink**) 26-06-2010, 07:39 PM

اقتباس:

المشاركة الأصلية كتبت بواسطة أحلى إشراقه

بنات كيف تعامل مدارس التربيه النموذجيه ؟؟؟
جاوبوني الله يعافيكم
وحبيت اسالكم اللي تتوظف في مدارس اهليه يمشي لها راتب في الاجازات
ولا ...... ؟؟؟

بناااات ردوا علي الله يعافيكم
الله يجزاها خير ويرزقها ويوفقها اللي ترد علي
لاني محتاجه احد يفيدني بعد الله

السنعه · #**183** (**permalink**) 26-06-2010, 08:00 PM

اقتباس:

المشاركة الأصلية كتبت بواسطة أحلى إشراقه

بناااات ردوا علي الله يعافيكم
الله يجزاها خير ويرزقها ويوفقها اللي ترد علي
لاني محتاجه احد يفيدني بعد الله

شوفي ياعيني مدارس التربية النموذجية والله مااعرف عنها شئ ولو اعرف كان قلت لك ...
ورواتب المدارس الاهلية مايعطون رواتب بالأجازة هم ليتهم يعطونها كاملة علشان يصرفون لنا بالأجازات ...
يالله عاد دعواتك ...

أرجوانة · #**184** (**permalink**) 26-06-2010, 08:29 PM

السلام عليكم ..

بغيت أسأل عن المقصف كيف استأجره؟

أبغى أعرف الطريقة بالظبط ووين اروح؟

الله يعطيكم العافية

كابتشينو جامعي · #**185** (**permalink**) 26-06-2010, 08:31 PM

السلام عليكم ,,

بنات لو سمحتو من تعرف عن مدارس الفهد بحي السليمانيه عند شارع العروبه ولا عليكم أمر بغيت عنها
معلومات المقابله كيف والشرح ونفس المدرسة !!!!؟؟؟؟؟

تخيلو اقول للموظفة احضر عرض بروجكتر ولا شرح عادي قالت ايه وش ايه اعيد السؤال تقول تعالي وهي مستعجله واضح من كلامها وارجع اسألها بشوف وش اسوي ورطه تقول اهلا وسهلا تعالي ...

بصراحه محتارررررره ,,,

و اخاف اتوهق اطق مشوار ع الفاضي تكفون ياخواتي فزعتكم طالبتكم لاتخيبون ظني فيكم ’’’

ويبون تخصصات غير سألتها وش مطلوب علشان اعطيكم خبر بس تقول بالاول تعالي وبعدين نقولك ,,,
مشكلتي ماعندي احد فاضي يفرفر بي يعني بس يوم واحد بيفضي اخوي لي ,,,

هاه اشد الظهر فيكم,,,

تذكرو من فرج عن مسلم كربه ,,,وماراح انساها من دعائي بظهر الغيب ,,,

جود بدويه · #**186** (**permalink**) 26-06-2010, 08:38 PM

يعطيكم ربي الف عافيه بنات
ممكن اسال عن مكان مدارس الفهد
انا اعرف انها في السليمانيه
بس وين بضبط ماعرف
ليت تفيدوني
لان الوالد بيوديني لها وانا مابي اتعبه بحوسه الشوارع
تعرفون الاجواء هالايام وكيف الحر..

كابتشينو جامعي · #**187** (**permalink**) 26-06-2010, 08:59 PM

اقتباس:

المشاركة الأصلية كتبت بواسطة أرجوانة

السلام عليكم ..

بغيت أسأل عن المقصف كيف استأجره؟

أبغى أعرف الطريقة بالظبط ووين اروح؟

الله يعطيكم العافية

وعليكم السلام اهلين فيك اختي ,,

المقصف بصراحه مااعرف ان له أستئجار لكن ,,

اللي اعرفه ان فيه وحده من صديقاتي مالقت وظيفة وسجلت اسمها في شركة الخليج للتموين
الغذائي تبع المقاصف كنا نسميها ايام المدرسة كاكو خخخ

المهم تدقين عليهم وتقولين لهم انك تبين تشتغلين بمقصف وعلى حسب تخصصك شوفي التعقيد

اذا انتي جامعية مسوين هاي هاي ياويل حالي بس يقولون تصيرين محاسبه فالمقصف مسوين متكرمين علينا

واذا انتي ثانوي تبييعين فالمقصف

طبعا الراتب 900 ريال ماله شغل بالمؤهل يعني ثابت
اذا دقيتي عليهم يقولون وين ساكنه مسوين بيرفهونا تسجل معلوماتك وتقول

انتظري اذا احتجنا ندق عليك

طبعا دوام كامل مافيه دلع ,,تجين بدري وتروحين متأخر ,,,وحده من صديقاتي بواسطه زوجة عمها مدرسة في نفس المدرسة ووظفتها فالمدرسه فالمقصف وهي جامعيه متخرجة السنه الماضيه يعني مافيه خبرة للمدارس العله بالله مو شي يقهر

حسبي الله ونعم الوكيل على كل من كان السبب وتركنا مشردين كذا لا حكوميه تقبلنا ولا اهليه ولا
بنوك ولا جمعيات ولا شركات ولا وظيفة مستعده تقبلنا موظفات ليش

لان قدر الله علينا وصرنا
جامعيات

وغير كذا دورات حاسب طلعت عيوني منه

وانقلش بغيت القى حتفي

ودورات تطويرية

واخرتها بلوشي حسبي الله ونعم الوكيل فيهم والله ينتقم لنا منهم ويرزقنا الرزق الحلال عاجل غير
اجل ,,,

آسفه على الأطاله بس القهر وعمايله اتمنى اختي افدتك والله يرزقني ويرزقك اللي نتمنى والجميع قولي آآآآمين,,,

تخرجنا وماتوظفنا · #**188** (**permalink**) 26-06-2010, 09:36 PM

طيب بنات بما انكم ماجاوبتنوني .. بسألكم بشكل عام

هل اذا طلبو مقابله .. اجهز درس او لا ..؟؟؟؟

اخاف اتوهق واروح ويقولون اشرحي

وهم بس كتبولي مقابلة

جنّة · #**189** (**permalink**) 26-06-2010, 10:26 PM

اقتباس:

المشاركة الأصلية كتبت بواسطة كابتشينو جامعي

السلام عليكم ,,

بنات لو سمحتو من تعرف عن مدارس الفهد بحي السليمانيه عند شارع العروبه ولا عليكم أمر بغيت عنها
معلومات المقابله كيف والشرح ونفس المدرسة !!!!؟؟؟؟؟

تخيلو اقول للموظفة احضر عرض بروجكتر ولا شرح عادي قالت ايه وش ايه اعيد السؤال تقول تعالي وهي مستعجله واضح من كلامها وارجع اسألها بشوف وش اسوي ورطه تقول اهلا وسهلا تعالي ...

بصراحه محتارررررره ,,,

و اخاف اتوهق اطق مشوار ع الفاضي تكفون ياخواتي فزعتكم طالبتكم لاتخيبون ظني فيكم ’’’

ويبون تخصصات غير سألتها وش مطلوب علشان اعطيكم خبر بس تقول بالاول تعالي وبعدين نقولك ,,,
مشكلتي ماعندي احد فاضي يفرفر بي يعني بس يوم واحد بيفضي اخوي لي ,,,

هاه اشد الظهر فيكم,,,

تذكرو من فرج عن مسلم كربه ,,,وماراح انساها من دعائي بظهر الغيب ,,,

وعليكم السلام
أنا رحت لهم قبل سنة الظاهر
تشرحين عادي ، حتى الي شرحوا معي ما أحد سوا شرحه بالبروجكتر
وهي الي كلمتها شكلها الي كلمت مستعجلة ، تقول تعالي
اشرحي اي شي
ويوم جينا يقولون سجلوا بياناتكم وخلاص
وقلنا لهم وحدة قالت لنا حضري درس قالت خلاص اشرحوا

والمدرسة أغلبهم من الأردن

جنّة · #**190** (**permalink**) 26-06-2010, 10:28 PM

اقتباس:

المشاركة الأصلية كتبت بواسطة تخرجنا وماتوظفنا

طيب بنات بما انكم ماجاوبتنوني .. بسألكم بشكل عام

هل اذا طلبو مقابله .. اجهز درس او لا ..؟؟؟؟

اخاف اتوهق واروح ويقولون اشرحي

وهم بس كتبولي مقابلة

مقابلة غير الشرح
مو مسؤولة انتي تشرحين وهم ما قالوا لك

مع انها صارت لي :D
في مدارس بن خلدون
تقول تعالي مقابلة ويوم قابلت المشرفة قالت اشرحي
وقريت الكتاب شوي وشرحت ( الشكوى لله )
لان المواصلات مو كل مرة تتوفر لي