مناقشة وظائف المدارس الاهلية في الوسطى للبنات فقط

غرووور الورد · #**1111** (**permalink**) 26-09-2010, 08:13 PM

بنوتات

مدارس القمة بحي المصيف

محتاجة مدرسة رياضيات متوسط ورياضيات ثانوي

ومدرسة دين بس تكون عندها خبرة

ترى المدرسة مرة محتاجة يعني تعالو بكرة وقدمو

رواتبهم 1800

وتعامل الأدارة مرة حلو

قبال كلية الاتصالات في تموينات نسمة
ادخلو من عندها

يعني اذا دخلتي من مخرج 9 تصير الكلية على يسارك والتموينات على يمينك

السنعه · #**1112** (**permalink**) 26-09-2010, 08:40 PM

السلام عليكم ورحمة الله وبركاته
بناااااااااااات صديقتي تقول ان هنااااااك وظيفه لمعلمة دين بمدرسة التربية السعودية الاهلية بحي الملك فهد
اللي تبيه تروح بسرررررررررررررررررررعه قبل لااحد يجي
الراتب 1700 ريال ولو تطيرين ماراح يزيدونه لك
اذا كان معك خبرة 50 ريال
وراح تدرسين المتوسط كله 23 حصه مع المصلى
اللي تبيه الله يرزقها تروح من بكرة او تتصل عليهم

دعواتكم لي بالسداد والتوفيق

صعوبات تعلم · #**1113** (**permalink**) 26-09-2010, 08:45 PM

بنات الله يجزاكم خير ,,

ماسمعتوا عن مدارس النخيل اللي بالسليمانية للتربية الخاصة شي ؟؟

مرسى الحنين · #**1114** (**permalink**) 26-09-2010, 09:09 PM

[align=center]
بنات كم رواتب المدارس هذي؟
الأمه / السويدي
علوم الرياض / الصحافة
الأركان / السويدي
نبع العلوم / السويدي
الضياء / الشفا
[/align]

صمود الحق · #**1115** (**permalink**) 26-09-2010, 10:37 PM

بناااااات اللي تعرف مدرسه اهليه محتاجه معلمه فيزياء تقولي الله يفرج همها اللي ترد علي ويرزقها يارب

للبطاله عنوان · #**1116** (**permalink**) 26-09-2010, 10:39 PM

اقتباس:

المشاركة الأصلية كتبت بواسطة مرسى الحنين

[align=center]
بنات كم رواتب المدارس هذي؟
الأمه / السويدي
علوم الرياض / الصحافة
الأركان / السويدي
نبع العلوم / السويدي
الضياء / الشفا
[/align]

الامه/ 1500
نبع العلوم على كلام صديقتي/2000

غرور الرياض · #**1117** (**permalink**) 26-09-2010, 11:10 PM

اقتباس:

المشاركة الأصلية كتبت بواسطة الكنز الآخر

أقدر أخذ ماده وحده عادي ؟ = كف

اللي دقت عليهم أو راحت لهم اليوم تخبرنا وش قالوا لها ,

الله يرزقها بالوظيفه والعرس

انا دقيت على مدرسه الابتكار السبت
قالو حضري درس فقه وتعالي اشرحي
لرابع ابتدائي
بس ماعندي مواصلات

بصراحه من اسلوب الاستاذه شكل الاداره مررره حلوه
ربي يوفق الجميع

همس الخريف · #**1118** (**permalink**) 27-09-2010, 12:59 AM

اقتباس:

المشاركة الأصلية كتبت بواسطة غرور الرياض

انا دقيت على مدرسه الابتكار السبت
قالو حضري درس فقه وتعالي اشرحي
لرابع ابتدائي
بس ماعندي مواصلات

بصراحه من اسلوب الاستاذه شكل الاداره مررره حلوه
ربي يوفق الجميع

طيب دقي على سواق تبع المشاوير الخاصه لاتضيعين الفرصه

الله يوفقك ويكتب لك الخيره في امرك

شذاوي · #**1119** (**permalink**) 27-09-2010, 01:29 AM

ترا دار اليقين محتاجين معلمات دين

ماكينو · #**1120** (**permalink**) 27-09-2010, 06:17 AM

صبآآح الخير

كيفكم صبآيآ أبشركم انقبلت بمدرسة عندنآ ..

بس مشكلتي ابي سيارة خاصة بلييز بنات اللي تعرف ارقام سواقين البديعة وحواليهآ ترآسلني خاص لأنو ممنوع تحطونهآ هوني متوهقه بليييز