مناقشة وظائف المدارس الآهلية بالشرقية فقط

مس قرين · #**1471** (**permalink**) 26-10-2010, 02:27 AM

بنات كيف الحال انا متبعه لكم بس بصمت

فجر النور · #**1472** (**permalink**) 26-10-2010, 02:28 AM

هلاااااااا

يا ربي ودي اسمع ولو ع الاقل وحده من بنات المنتدى متووظفه ماافي؟؟!!!!

يارب ارزقنا كلنا الوظايف اللي نتمناها

انا عاطله منذو زمن

عندي دورات حاسب وانقلش وغير الدبلوم البرمجه
والحين ادرس بكالريوس ادراة اعمال باقي لي سنتين واتخرج
والحمد لله والشكر والمنه له قاعده بالبيت
كل المدارس ازعجتهم والشركات والمعاهد ولا في فايده
اذا حصلت وظيفه مو تخصصي واذا نفس تخصصي مافي شواغر
شو الحل يعني؟..
الله يعين والله

نجاة الحلوة · #**1473** (**permalink**) 26-10-2010, 02:40 AM

هالسنه بالهبل على العربي والانجلش ورياض اطفال بزياده هالتخصصات عليهم طلب وكمان الحاسب عليه طلب
لو ادري كان دخلت رياض اطفال وافتكيت من وجع الراس انشالله بعد العيد نسووي هجووووووووووم على المدارس بس هجوووم قوووي هالمره ونشوف احنا ولا هم ههههههههههههه اول المدارس الاهليه تلقط البنات عشان توظفهم مايصدقون يشفون وحده داخله عليهم يبون يظفونها بأي وسيله واليووم تبدل الحال زين اذا ردووو على تليفونهم ربي يوفقنا جميعا ونسمع اخبار حلوة عن قريب انشالله والكل متوظف عاد اللي تتوظف مو تشوف نفسها وتهجر المنتدى ههههههه وتنسى انه الوحيد اللي كانت تفضفض عليه معناتها هي والعاطلات

فجر النور · #**1474** (**permalink**) 26-10-2010, 03:15 AM

اقتباس:

المشاركة الأصلية كتبت بواسطة نجاة الحلوة

هالسنه بالهبل على العربي والانجلش ورياض اطفال بزياده هالتخصصات عليهم طلب وكمان الحاسب عليه طلب
لو ادري كان دخلت رياض اطفال وافتكيت من وجع الراس انشالله بعد العيد نسووي هجووووووووووم على المدارس بس هجوووم قوووي هالمره ونشوف احنا ولا هم ههههههههههههه اول المدارس الاهليه تلقط البنات عشان توظفهم مايصدقون يشفون وحده داخله عليهم يبون يظفونها بأي وسيله واليووم تبدل الحال زين اذا ردووو على تليفونهم ربي يوفقنا جميعا ونسمع اخبار حلوة عن قريب انشالله والكل متوظف عاد اللي تتوظف مو تشوف نفسها وتهجر المنتدى ههههههه وتنسى انه الوحيد اللي كانت تفضفض عليه معناتها هي والعاطلات

تصدقين نجاه الحين المدارس اذا كلمتيهم حتى بالتلفون ما يعطون وجه<<<<قطت معاك الميانه
وربي ودها تقفل السماعه بسرعه وترد من طرف خشمها وتقول اانتي تعالي واذا في احتياج كلمناك

خلوني صديقه عاطله معاكم

جامعيةوتنتظر · #**1475** (**permalink**) 26-10-2010, 04:14 AM

اقتباس:

المشاركة الأصلية كتبت بواسطة خزووومة

لاحول ولاقوة الا بالله

احنا يالتخصصات العلمية مظلومين من ناحية التوظيف

تعبنا وكرفنا في دراستنا وكنا نروح للكلية من الساعة 7 ومانطلع الا 3 العصر ويوميا نداوم

ومافيه اوف ولا يوم وهذا غير الاختبارات العلمية والنظرية والمواد التربوية

وكل هذا صابرين ونقول ان شاء الله اذا تخرجنا بتلقى وظايف

ومرت الأيام وتخرجنا وياليتنا ماتخرجنا انصدمنا بواقع مرير

الوظايف يبلها واسطة واللي ماعندها واسطة تكبر مخدتها وتنام في بيتها

والله انا ماادري وش اسوي انا افكر ادرس ماستر بس خايفة اخلص الماستر ومالقى وظيفة

<< تفضفض

ياليتني دخلت رياض اطفال كان الحين ابلقى لي وظيفة واغلب الاحتياج عليها

الله يرزقنا بس

صادقة يا اختي في كل كلمة ...

لأني نفس الشي تخصصي فيزياء >>> وتعرفون مليان معامل وغير المواد العلمية النظرية والمواد العامة ...

واذكر دائما يكون جدولنا مضغوط ضغط ...وما نوصل البيت الا 3 ...

وحتى الاختبارات ... واحد يجر الثاني ...مافي متنفس ..لأن المواد كثيرة ...

وكنا ننتظر لحظة التخرج وحلاوتها وخصوصاً اذا جات بعد تعب وتفوق...

والحمد لله على كل حال ...يرزق من يشاء بغير حساب..

نورالصفا · #**1476** (**permalink**) 26-10-2010, 04:17 AM

هلا خزوومه اول مرحبه لي في النتدى
وانا تخصصي تاريخ متخرجه بمعدل 4,12من اصل 5
ومعي شهادة اعمال مكتبيه بتقدير ممتاز اخذته في5 شهور
ومعي شهادة لغه انجليزيه المستوى الاول والثاني اخذته 3 شهوربتقدير ممتاز
وبصراحه نفسي اكمل باقي المستويات في الغه الانجليزيه لاكن خايفه اكمل وانصدم مره ثانيه ومالقي وظيفه

جامعيةوتنتظر · #**1477** (**permalink**) 26-10-2010, 04:20 AM

عزيزتي ...خزووومة .

بالنسبة للماجستير مستحيل افكر اني ادرس فيزياء مره ثانية ...

يشيب راسي ...كافي اللي درسته..

اما الماستر دائما افكر اني ادرس شي تربوي...يفيدني في حياتي ..

خزووومة · #**1478** (**permalink**) 26-10-2010, 10:30 AM

اقتباس:

المشاركة الأصلية كتبت بواسطة جامعيةوتنتظر

عزيزتي ...خزووومة .

بالنسبة للماجستير مستحيل افكر اني ادرس فيزياء مره ثانية ...

يشيب راسي ...كافي اللي درسته..

اما الماستر دائما افكر اني ادرس شي تربوي...يفيدني في حياتي ..

الماجستير على حسب رغبتك وحبك للتخصصك

انا مثلا ودي بتخصص تربوي بـس المناهج وطرق التدريس ( لازم خبرة سنتين ) وانا مامعي الا سنة

انا تقنيات التعليم فالافضل للي معهم بكالوريوس حاسب ومو مضمون قبلولي فيه

اما ادارة تربوية فالافضل للي معهم خبرة في الادارة التربوية

لكن لو ابقدم على تخصصي بيكون فيه امل للقبول