مناقشة وظائف المدارس الاهلية في الغربية للبنات فقط

انجليزيه عربيه · #**13121** (**permalink**) 25-08-2014, 04:58 PM

اقتباس:

المشاركة الأصلية كتبت بواسطة انجليزيه عربيه

مدارس النصيفية بجده كلمتهم محتاجين معلمات رياض اطفال وانجليزي وعربي

بس لازم بالبداية مقابله بعدين تحضير درس

انجليزيه عربيه · #**13122** (**permalink**) 25-08-2014, 05:00 PM

اقتباس:

المشاركة الأصلية كتبت بواسطة ورد آسود

السلام عليكم ورحمة اللهة
بنات متى يبدأ دوام المدارس الخاصة .. هل هو مثل الحكومية والا مع الطالبات؟؟
متى يبدأوا يتصلوا ع الاحتياج .. من اول دوام والا الاسبوع الثاني؟؟
بليز ردوو لي
انا انجليزي تربوي من المديمة المنورة .. اللي تعرف روضة او مدرسة اي مرحلة تعطيني خبر
في انتظاركم..

ايوه نفس الحكومي الاسبوع هاذا دوام المدرسات والاسبوع الجاي طالبات اتوقع في 2 الاسبوع هادا يكتفوا احتياج معلمات

الفارسة الحرة · #**13123** (**permalink**) 25-08-2014, 06:07 PM

اقتباس:

المشاركة الأصلية كتبت بواسطة روعه الحربي

وحبيت اوضح شي شفت بنات يسالو عنو عن عقد الموارد المدرسه الي كنت فيها تابعه للموارد

عقد الموارد فيه تجريب 90 يوم للموظفه ويحق لصاحب العمل الاستغناء عنها في مدة 90 يوم وبعدها تعتبر مثبته

بس يبنات الي تبغى تضمن حقها بالمدارس الاهليه تحاول تسرع في روحتها للتوجيه
لانو المعلمه الجديده اول ماتتعين بالمدرسه الاهليه يرسلوها التوجيه للمقابله
فاذا راحت التوجيه وتمت المقابله لايحق للمدرسه فصلها ابدا حتى لو لم تتجاوز 90 يوم
فعند فصلها وهيا مسويه المقابله تروح التوجيه والتوجيه يرجعها غصبا عنهم
لانو هناك شروط كثيره لكي يحق فصل المعلمه بعد عمل المقابله بالتوجيه
فبكذا هيا ضمنت انها بالمدرسه وسوف تنضم للموارد البشريه

يبناتلاتنسوني من دعائكم هذا الكلام من خبرتي سنتين بالاداره والله يوفقكم

مساءالخير يااعسل جزاك الله ألف خير
والله يعطيك حتى يرضيك

رزان الأحمد · #**13124** (**permalink**) 25-08-2014, 06:20 PM

اقتباس:

المشاركة الأصلية كتبت بواسطة ورد آسود

في كذا مدرسة وعدوني ب التوظيف وكان وعدهم مؤكد .. بس الى الان م اتصلوا فيا
ايش الافضل امرر الاسبوع هذا وبعده اكلمهم واستفسر والا استفسر هذا الاسبوع
ايش افصل طريقة للاستفسار ايش اقولهم بالضبط .. اخاف استفسر يفهمو اني ميتة ع الوظيفة و يطنشوني
ابلييييز ردوا علي
بانتظاركم احباب قلبي ...

ياااااااقلبي انت شكلك متخرجه جديد

والله ضحكت اول ماقريت ردك كنت زي تفكيرك بالزبط ميته على الوظيفه ..الخ

بس ايش عليك خليهم يقولوا زي مايبغوا .. وبعدين عادي اصلا انت مقدمة على وظيفه يعني تبغي تتوظفي من اصلو

اتصلي وتوكلي على الله .....و الله يوفقك ويرزقك الوظيفه اللي تعينك في الدنيا والآخره

الباحثه عن وظيفة · #**13125** (**permalink**) 25-08-2014, 07:50 PM

حسبي الله ونعم الوكيل

أنا والقمر واحد · #**13126** (**permalink**) 25-08-2014, 08:07 PM

بنات مدارس الفلك المنير في جدة عند دوار الفلك كلمتين الأسبوع اللي فات محتالين معلمات دين
لكن انا مارحت لان دوامهم يوميا والسبت عندهم دوام فقط الجمعة اجازة وأحس تعب والمدرسة شديدة جداً تمنع
اللبس الألوان فقط ابيض واسود وتمنع الجوال
هذا كان نظامهم وتوقعي عليه ما ادري اذا تغير
رواتبهم ٥٦٠٠

بقايا آنفاس · #**13127** (**permalink**) 25-08-2014, 08:10 PM

الله يرزقناا يارب

كفاح وردة · #**13128** (**permalink**) 25-08-2014, 08:49 PM

ابيض وأسود وجوال ممنوع اش هذا

ماتنوصف · #**13129** (**permalink**) 25-08-2014, 09:13 PM

اقتباس:

المشاركة الأصلية كتبت بواسطة أنا والقمر واحد

بنات مدارس الفلك المنير في جدة عند دوار الفلك كلمتين الأسبوع اللي فات محتالين معلمات دين
لكن انا مارحت لان دوامهم يوميا والسبت عندهم دوام فقط الجمعة اجازة وأحس تعب والمدرسة شديدة جداً تمنع
اللبس الألوان فقط ابيض واسود وتمنع الجوال
هذا كان نظامهم وتوقعي عليه ما ادري اذا تغير
رواتبهم 5600

لا و كمان العبايه لازم عالراس و ممنوع تلبسي ضيق
البسي فضفاض و مقفل السنه اللي راحت قدمت عندهم
لمن قريت شروطهم ضربت الباب شي يخنق والله ..

فيزيائية نووية · #**13130** (**permalink**) 25-08-2014, 09:37 PM

السلام عليكم

بنات حابه اسألكم عن مدارس الملك عبدالعزيز ايش تعرفو عنها
وكيف معاملتهم
؟؟

تعبت من المدرسة الي انا فيها كل الثانوي على راسي مافي غيري
ومن غير الظلم في الرواتب