طيب بما انها راحت الفرص الحين علينا تتوقعون فيه فرص في الترم الثاني

لا في غيرها اعتقد 4

بنااات علم النفس لاتيأسو ترى هالمجال له ابواب كثير ولا تكتفوا بالمدارس فيه جمعيات خيرية كمان شوفوا لو تقدروا تقدموا على وزارة الشؤون الإجتماعية أتوقع يحتاجوا كمان فيه مراكز ذوي الإحتياجات الخاصة تدربوا 6أشهر على ما أظن أو3 ماني فاكرة بالضبط وبعدها يوظفوا .. وإذا حابين فيه معاهد تقدم دورات مجانية (كامبردج) لذوي الدخل المحدود والضمان وهالدورة جدا جدا مفيدة .. أنا توي تخرجت وقدمت على هالدورة ويمكن أقدم على دورة تجميل وكمان خياطة من نفس المعهد لو أضطريت وما حصلت وظيفة أقل شيء أفتح مشروع خاااص .. أنا ما أبغى أحطمكم بس بجد حرااام يضيع وقتنا بدون فايدة أقل شيء نطور مهاراتنا ونضيف خبرات من الحياة أنا جربت مشروع صغير شاركت فيه بالجامعة والحمدلله نجحت فيه وأفكر أعمله على شكل أكبر بس ماني لاقيه تشجيع من إلي حولي

يابنات بقولكم حاجه
1- لما تروحوا مدرسه جديده دوبها أنشأت طبيعي يخلوكم تشتغلوا حاجات خارج شغلكم لأن الوضع مكركب بزيااااده بس في المقابل انتوا تستفيدوا في علاقاتكم مع الإداره وتشغلوا وقتكم وتطلعوا طاقتكم لكن لو كنتي مثلا عندك أولاد ومشغوله مستحيل تقعدي مثلا لين الساعه 3 او 2 ونص كتير على المدرسه تسيبي أولادك زي حاله بعض الناس
لكن البنات الي لسى ماعندهم عيله مافيه مانع يشدوا حيلهم لو كانوا راغبين بالعمل الإضافي عشان لما تنشغلوا بعدين يكون عندكم فرصة

2- من ناحيه المدرسة الي تحدد الوان اللبس والله اريح عشان ماتفكري في اللبس والتحضير
بس برضو في ناس تحب تلبس وتتجهز من الصباح يعني المفروض يكون يفضل اللبس النظامي ولكن لامانع ان المعلمه تلبس الي تحب مادام منظر جيد وملائم للبيئة التعليمية وحاولوا تطرحوا الشيء ذا على مدارسكم وإن شاءالله حيوافقوا.

3- حكايه الجوالات وما أدراك ما الجوالات ايش الي يسحبوا جوال؟ ناقص بس يوقفوا المعلمات عقاب حصتين ويحرموهم من المصروف.

4- اخر حاجه اللي في مدرسه دار الحنان تنطلي خاص لو ممكن بليز

5-مبروك لكل الي تعينوا والله يسخرلكم الخير في كل طريق
مارح اقول اليوزرات او ابارك لأي يوزر شخصيا في الموضوع عارفه الوسوسه من العين بس ارسلولي على الخاص الوظائف الشاغره في مدارسكم وانا انزلها هنا
خايفين عشان يقولوا الي راحت المدرسه وكانت بتنقبل على اخر شي قالولها ماعندك خبرة وصرفوها كان بسبب العين وهو بسبب الرزق مكتوب ومحفوظ عند الله (ٌقل لن يصيبنا ..... )

6- وين روعه الحربي والفارسه الحره ونان الحربي والبنات ارجعوا للموضوع لاتغيبوا

7- انشروا الأمل والتفاؤل بين بعض عشان الله يسهل لنا واهم شيء النية ( تفائلوا بالخير تجدوه).

8-الدعوات في ظهر الغيب لأخواتكم وصحباتكم فيها سر عظيم وعجيب نسأل الله ان يصلحنا ويجعلنا مداومين عليها دائما إدعوا للغير ربي يفتح لكم ويعطيكم بالمثل.

9- لاتتأثروا بالواسطات حتى لو صارت قدامكم إحتسبوا الأجر خصوصا بنات المدينه وبنات الطائف
صراحه في الرسائل قصص يندى لها الجبين كل المدن فيها بس لقله المدارس في مناطق معينه تكون الواسطه واضحه.

10- اذا توظفتي في مكان وسمعتي عن فرص وظيفيه على طول أعلني عنها والحمدلله بدأو بعمل العمل الصالح هذا ماتنوصف والاخت ام عبدالله نسأل الله ان يكتب أجرهم وأجر من يتبعهم في نفس العمل الصالح .



سبحان الله وبحمده سبحان الله العظيم

اي والله بللليز اي موظفه في مدرسه تجي تقولنا وش الوظايف الي موجوده

مدرسة الاتحاد العالمية بجدة
السعوده قليله وبحاجه لموظفات سعوديات بخبره أو بشهاده تخصص يعني انجليزي كمبيوتر أو تخصص إدارة
مساعدات معلمات -إداريات
بجوار هيفاء مول, حي الرويس, جدة

6614694
6614619
6670068

ملاك 1

عضوة فعالة



تاريخ التسجيل: 12-01-1425 هـ
المشاركات: 752


مطلوب منسقة زهور وتغليف هدايا محترفه لمؤسسة تعمل في مجال الحفلات وتغليف الهدايا ويكون لديها قدرة على الابداع والتميز ( بمحل نسائي مغلق ( للسعوديات فقط ) عاجل جدا بمدينة جده / حي البساتين / شمال جده
يتم ارسال السيرة الذاتية على الايميل
S.2ly@hotmail.com

مطلوب مدرسات للعمل في مدرسة أهلية شمال جدة

للسعوديات فقط

مطلوب للعمل لدى مدرسة أهلية بجدة مدرسات بالمرحلة المتوسطة للمواد التالية :-

1- لغة عربية

2- لغة إنجليزية



يرجى إرسال السيرة الذاتية على العنوان التالي.

samah.sulaiman@hotmail.com