بنات المدينة وغيرهم ..الله يجزيكم بالخير
كل وحدة اذا سمعت عن وظيفة تجي تقولها هنا لأخواتها ..
وانا لوسمعت او احد اتصل بي راح اقول لكم لأني ماراح ادرس خاص أبداً
قرار اتخذته خصوصا بعد مكالمة امس من صديقاتي وهي تدرس بروضة الجامعة
بس مو الشيماء ، وربي تشتكي من الاستاذات اللي كانوا يدرسونا ،
كل وعودهم كذب في كذب حتى لو الراتب 3000
انا سمعتهم بــ اذني وهما يقولوا ويقولوا ومميزات و وعود ، ظلم كبير وربي
يطبقوا كم منهج وطريقة والدكاترة عاملين الروضة مختبر
يعني المعلمة يادوب تمشي على منهج وتجي الدكتورة طبقي وطبقي
والمعلمة شغالة اسئلة وملاحظة و ..و..واغلبه لدراسات وانجازات الدكاترة !!
صديقتي هذه من أخير المعلمات حنونة ، مجتهدة ، نشيطة ، هادئة ولا تطالب بحقها
وكل ماتحاول تعتذر يمكسوا فيها ، وترجع تحن وتجلس ..
الفائدة ان المدارس الخاصة ماش الا القلة ..والحمدلله على كل حال
مافي مانع اتواجد هنا واساعد بقدر الامكان ..
يمكن خيرة اني درست تربوي ( طفولة ) يالله افيد اطفالي مستقبلاً ..
ويمكن افتح مشروع انا احب تصميم البرامج يمكن اصمم برامج او مواقع للأطفال ،
أو أكتب قصص ، عندي صديقة اسمها
رولا ميمني كتبت قصة اسمها ( أين تذهب الشمس )
وراسلت دار العلم للملايين ورسم القصة رسام بولندي بالصلصال
ونشرت قصتها وكانت طالبة وقتها ، واخذت حقها وزيادة ماشاء الله ،
وصارت هذه شغلتها كتابة قصص الأطفال ..
وانا كتبت كمان قصة من مجموعة قصص ورسمتها لوحدي خالص ....
والكتاب تمت طباعته وأخيراً ..
والشكر كل الشكر للدكتورة محبة الكتب : نجود السديري
درست معاها أدب أطفال وكتب أطفال بجد انسانة رائعة ومتواضعة فوق ماتتصوروا..
كتابي راح استلمه قريب واحط لكم كم برنت وعد ..
اللي ابغى اقوله لو كان تخصصك ماله مستقبل او طلب كبير
حاولي تسخريه لمنفعتك او تطوري نفسك بالدورات المهمة
أو تدرسي ماستر وتغيري التخصص ... لاتستلموا يا صبايا ..
وأسأل الله ان يفرجها على جميع العاطلات ويوفقهم لما يحبه ويرضاه ..

الله يسعدكي طموحة بس انا من المدينة ^^

السلام عليكم ورحمة الله وبركاته
مين تعرف أرقام مدارس البنات الحكومية بالمدينة المنورة خاصة التاسعة الى بالسيح
الله يجزيها كل الخير الي تعطيني رابطها أو رقمها