بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

عسكري طازه توني مخلص الدورة
قسم بالله أحلى أيام العسكرية أشك انة الدورة
أول شي أنسى أسمك بالدورة
ثاني شي لاتقول محمد الحربي
أن أحد سئلك عن أسمك
قول الطالب العسكري محمدالحربي بصوت عالي
الطالب العسكري لازم
قسم بالله الدورة تنظم الوقت
الدورة تعلمك بعض الاشياء ماكنت تعرفة في حياتك
مثل البزوطة الاخلاق السيئة
الدخان الخ.. وأرجو من الجميع ينتبه من ذي الأشياء
والعكس تعلمك اشياء زينة وعدلة مثل
الحفاض على الصلاة بوقتها
الهدو
النوم المبكر
الخوة تراء أحلى خوة بالعسكرية خوة الدورة لانها تجيب من كل المناطق بالمملكة

كلام مهم
أنسى الكرامه داخل الدورة
لانه يعلمونك الصبر خصوصآ بالاربعين يوم والله ماتسمع غير يازفت يابسطار
يازق الخ... أكرمكم الله والمشاهدين
حاولو تاخذون كل أمر بفرح وبسطة الزعل داخل الدورة ممنوع
وتوقع بالدورة أنك تشتغل كل شي الى ما حرم الله
لان العسكرية يسمونه طاعه عمي الى في ثلاث
1-دينك
2=مالك
3=عرضك
الباقي أنساة
تنظف حمامات
تنظف بسطارك الخاص
تغسل
تكنس
أتوقع أي شي الى الثلاث ما أحد له عليك طاعه فيها
وأحذرو من كلمت عاصي لا أحد ينطقها ولو أحد قالها لك من المدربين قول له لا حتى لو أنك ماسويت شي الي هو يبغاها
بعدين وضع الدورى
تصلي الفجر
وتكمل الزي العسكري
يدق البروقي
تشكلون بالميدان
يزهمك المدرب مالك الى تقول أمرك حتى لو أنه باكستاني
لان بعض المراكز مدربينهم باكستانين
وأحلى شي
تبدا الحصة الصباحية بعد الصلاة حقت الفجر على طول تهرول وقت معين من 10 الى 25دقيقة أكثر شي هذا الي أعرفة عن الهرولة
بعدين المشاة لليمين ولليسار وللوراء دور وأحلى حركة المشاة راح تشوفون خصوصآ محلك راوح
بعدين الفطور وبعدين ترجعون المدين حصة مشاة ثانية هذا طبعآ بالاربعين يوم بعد الاربعين يوم الوضع فلة
بعد الفطور حصص تعليمية
لين تنتهي من الفرد الاساسي وهاذ يسمونه الدخول للحياة العسكرية
اما الدورة الفنية أم الراحه وتراء الجزاء تعب بس أحلى شي بالدورة
ولا أوصيكم عاد الي يبي يعيش بالدورة مرتاح يسوي أنه أفدغ ولا مايفهم شي
تراء والله الي يسوي علوم مرجلة وانه فاهم بكل شي بي كرون واللدية روح تعال سوي كذا
والي يبي نصيحتي لاتاخذ رتبة يسمونه صف ضابط مؤقت يعني داخل الدورة الى عريف الصحة ممكن حلوة
والله يا خوان هذاالي الي أعرفة وحبيت أفيدكم فية
مثال عن الدورة
الضابط:ياطالب يازفت أجمع (يعني تعال )
الطالب(أمـــــــــــــــــــــــــــــــــــــــــ ــــــــــــــــــــــــــــــــــــــــرك) بصوت عالي
الظابط وينك عن الجمع (ليش منت مع الطلبةفي الميدان )
الطالب(أممممممممممممم)طبعآ الطالب راح يدخن أو نايم وأحلى نومه في الظهر تحت سيارة ولا وراء شي من المخابي
الظابط ليش ماترد
أمتدد (يعني على جهك بالترب أزحف )
وأنتم لادخلتو الدورة بتعرفون كلامي ذا
والله الدورة فلة يا أخوان بس الصبر لازم
والدورة تراء فيها ضغظ نفسي من الدرجه الاول خصوصأ أنك كنت مدني ماتعرف شي بالحياة العسكرية
والمثل يقول أسئل مجرب ولا تسئل طبيب
محمد الحربي
لاتنسونا من الدعاء
أرجو تقيم الموضوع من قبل الادارة

الله يوفقك فى وضيفتك وشد حيلك انا انتظار حكم الله

جزاك الله خير

وما قصرت على الافاده

عسى الله يوفقك لما يحب ويرضى

مشكور أخوي بالتوفيق الله يقسم لك من عنده

موضوع يستحق الاشادة

لي عودة للموضوع لكن ! كيف تقول الدورة تعلمك البزوطة , الدخان , الاخلاق السئية ؟

ممكن توضح ؟

مشكور الملازم نايف
بعدالـــــــــــتحــــــــية بس والله ماتردها

بس حبيت أفيد أخواني الجدد على الدورة العسكرية

بآآرك الله فيك .


بالتوفيق لك وللجميع ،،

روح الله يوفقك من حيث ما تروح