بسم الله الرحمن الرحيم
السلام عليكم ورحمة الله وبركاته
شباب ماابغى اطيل عليكم بالموضوع لأن المرحلة الأولى هي مرحلة تدقيق وتصديق الشهادات
بقولكم باللي صار معي في الطول والوزن والاختبار
أول شي الطول وقفت عنده قلي اوقف الوقفه اللي انت جيت تمشي فيها (مدري ايش قصده ) قلتله هذي هي قلي متأكد قلتله ايوة قال خلاص انزل
وجينا للعيون وانا مااشوف الا بالنظاره بس هذا اليوم شلتها
قالي غط على عينك اليسار وقلي بالسطر السادس من اليسار لليمين عاد انا خبصت لأني مااشوف شي اصلا
قلي طيب قول السطر الخامس وبرضو خبصت قالي عيده وعدته له بس تخبيص في تخبيص بعدين قالي غط على عينك اليمين وقول السطر الخامس وبرضو رجعت للتخبيص تعب مني الرجال
قالي افتح عيونك الثنتين وقول بالسطر الخامس وبرضو خبصت بعدين شديت عيوني شوي الا انا اشوف الحروف قلتله عليها وقلي خلاص قوم
جينا للمقابله الشخصيه طبعا انا قريت كلام الشباب انهم ثلاثه يسألوك
عاد دخلت عند واحد بس وجلست قدامه على مكتب جلس يسولف معي اخبارك وعلومك ومن هالكلام
بعدين قلي تكلم عن نفسك قلتله من طقطق للسلام عليكم وبعدين قالي من هو وزير الداخليه ومن هو وزير الصحه
بعدها قالي اعطني بيتين شعر قلتله مالي في الشعر المهم قلي الله يوفقك وشوف الموقع يوم 7/8
وهذا كل اللي صار معي ويارب يكون اني افدتكم ولو بالشي القليل
نصيحه ياشباب اكثروا من الاستغفار في كل وقت حتى وقت الانتظار عندهم اكثر من الاستغفار ويارب تتيسر أمورنا ونتوفق جميعا