تكفوون مساعده

مصرفي · #1 (**permalink**) 10-06-2010, 06:10 PM

السلام عليكم ورحمة الله وبركاته

يااخوان انا متقاعد

وابي لي 60000ريال ... ابي اشتغل فيها بالسيارات ..........

ابيكم تنصحوني كيف احصل على هذا التمويل ؟؟؟

وتقاعدت لاسباب صحيه وكان علي قرض في البنك الاهلي بس بدل مايسقطونه عني .اضافوني في

البلاك لست................ مع ان من الشروط (عند العجز عن العمل يسقط القرض)

وراتبي الان ينزل في البنك العربي

وطلبت من البنك العربي تمويل ورفضوا ..لاني في قائمة( سمه)

ابيكم تدلوني تكفوووووووووووووووووووووووووووووون.........وجزاكم الله الف خير

مصرفي · #2 (**permalink**) 10-06-2010, 09:33 PM

تكفون تهز الرجال

سعودي كويس · #3 (**permalink**) 10-06-2010, 09:59 PM

والله ياخوك ماعندي خلفية بالمعاملات البنكية بس الي اعرفه ان بنك العربي بالعادة اذا كان راتبك عليه يعطيك قرض ولو تشوف لك أحد من معارفك عنده المبلغ زائد عن حاجته يعني ويسلفك يكون أفضل لك بدون فوائد أقل شي

هذا الي اعرفه ودمت بود,,,

أبونايف2010 · #4 (**permalink**) 10-06-2010, 10:07 PM

وعليكم السلام ورحمة الله وبركاته

احسن حل تروح لواحد من اصحاب المعارض وتشتري سيارات من حسابه واذا بعتها تعطيه فلوسه وتاخذ المكسب الي كسبته.. والسياره تبقى بالمعرض لين تبيعها ..
وبكذا انت مستفيد وهو مستفيد ..
هو يستفيد سعي للمعرض من قيمة المبايعه اذا اشتريت واذا بعت

انا اشوف هذا الحل المناسب

واتمنى لك التوفيق

مصرفي · #5 (**permalink**) 11-06-2010, 06:33 AM

اقتباس:

المشاركة الأصلية كتبت بواسطة أبونايف2010

وعليكم السلام ورحمة الله وبركاته

احسن حل تروح لواحد من اصحاب المعارض وتشتري سيارات من حسابه واذا بعتها تعطيه فلوسه وتاخذ المكسب الي كسبته.. والسياره تبقى بالمعرض لين تبيعها ..
وبكذا انت مستفيد وهو مستفيد ..
هو يستفيد سعي للمعرض من قيمة المبايعه اذا اشتريت واذا بعت

انا اشوف هذا الحل المناسب

واتمنى لك التوفيق

طيب كيف اشتري من صاحب المعرض وانا ماعندي فلوس

يمكن اكون مافهمت؟؟؟؟؟؟؟؟ ارجو منك التوضيح بمثال... بانتظارك

عاشق الصنعه · #6 (**permalink**) 11-06-2010, 11:42 AM

اذا طعت نصيحتي ابعد عن المعارض لانه حيستغلونك ويخلونك تشتغل لهم والسيارات اللي ما تمشي يلصقونها فيك
وانت محتاجلهم ماتبي تخسرهم وبعد فتره تكتشف انك تشتغل لهم اذا بتشتغل في المعارض اشتغل على التصريف
تبيع لهم السياره مثلا 20000 والزايد عنها لك قليل كثير

أبونايف2010 · #7 (**permalink**) 11-06-2010, 02:28 PM

اقتباس:

المشاركة الأصلية كتبت بواسطة مصرفي

طيب كيف اشتري من صاحب المعرض وانا ماعندي فلوس

يمكن اكون مافهمت؟؟؟؟؟؟؟؟ ارجو منك التوضيح بمثال... بانتظارك

انا ما اقول تشتري من صاحب المعرض ..
انت تروح لصاحب المعرض وتجيب سيارات هو يدفع قيمتها واذا بعتها تعطيه فلوسه وتاخذ المكسب حقك ..
هو يظمن حقه ان السياره تبقى بالمعرض وما تطلع الا اذا انباعت ..
واكيد اذا عندك خبره بالسيارت وتعرف كيف تشتري وكيف تبيع كلها مدة قصيره وانت مجمع لك مبلغ من الارباح وتشتغل على حسابك

اتمنى اني وصلت لك لفكره بالشكل المطلووووب...

مصرفي · #8 (**permalink**) 13-06-2010, 04:02 PM

السلام عليكم اشكر كل من رد علي وجزاه الله الف خير

بس المشكله في اصحاب المعارض ............مارضوا بهالطريقه

انا ابي تمويل بس ......وبهالتمويل اطقطق بهالسيارات والرزق على الله

ماتتخيلون يااخوان اخدم في الدوله 12 سنه ..وبراتب 11000ريال

ويصيبك مرض ويقاعدونك ويحسبون لك 40 في الميه ...؟؟

قرابة الخمسة الاف ريال ..بدل مايكونون عون لك اصبحوا عليك

صح الواحد يعيش على قد راتبه.... بس صعب يتغيرعلى زوجتك واطفالك (يكفيك بنتك الصغيره تجيك في الصباح وتقول لك يابابا ليه ماتروح الشغل ...او تدخل معاها السوق وتقلك ابي فستان زي بنت خالتي ..................

والله اطالع فيها والدمعه في العين و القلب كأن واحد يقطع فيه بسكين ..

انا تنازلت عن اشياء كثيره على اساس مااحسسهم بنقص الراتب
والله الذي لااله غيره ان الادويه التي استعملها تكلف شهريا قرابة الالف ريال

بس ........... الشكوى لله .. والحمد لله على كل حال

اعذروني دخلت من موضوع في موضوع بس ارتحت بعد هالكلام ...واحنا في زمن ماحد يسمع لحد ........

معلم تجاره · #9 (**permalink**) 13-06-2010, 04:39 PM

الله يفرج همك اخي الفاضل

ولكن اذا سألت فاسأل الله واذا شكوت فأشكوا الى الله ليفرج همك ولن يخيبك

قم صلي ركعتين في السحر واطلب منه العون والرزق والشفاء

ولاتشكي الي الناس