السلام عليكم ورحمة الله وبركاته
كيف حالكم إن شاء الله دائما بخير ؟

اخواني اخواتي انا حابه استفسر عن معهد نيوهرايزن الخليج حق البنات اللي بالخبر بالضبط بالراكه انا درست فيه لمدة ثلاث شهور والحمدلله انه مش على حسابي على حساب مبرة الاحسان الخيريه بس صعوبة الظروف بس يوم جيت اختبر اول اختبار مانجحت فيه وقالو لي اذا بتعيدين الاختبار تدفعين 100ريال انا قلت كيف ادفع انا لو عندي فلوس ماخليت المبره تدفع لي حق الدراسه الحين على كل اختبار اعيده ادفع 100 انا اقول لو انتو ميه صرفتكم انا ادور الفلوس تبوني ادفع لكم المهم اختبرت مره ثانيه ونفس الحكايه مانجحت سألت المدرسه كم لازم اخذ عشان انجح قال لي 75% تنجحين يوم طلعت من الاختبار لقيت وحده اعرفها سألتها هااااااه وش سويتي قالت اخذت 78%ولا نجحت قلت وش السالفه المهم طنشت شهر وذاك الاسبوع رحت احجز حق اختبار واختباري الاثنين الاسبوع اللي بيجي واليوم الصبح جاتني رساله على جوالي لان لازم كل وحده تدرس يكون رقم جوالها عندهم للضروره الرساله معنى محتواها ان تم ايقاف جميع اختبارات ICDL وسيتم ابلاغكم وحاطين رقمهم انا مدري شنو السالفه بالضبط اللي عنده معلومات صحيحه يفيدني حتى عن المعهد هل اكمل معاهم اختبارات او لا

انا سبق واخذت شهادة الحاسب من نيوهورايزن على حسابي الخاص

اولا النسبة المطلوبة لأجتياز الاختبارات معروفة لدى كافة معاهد الحاسب وهي 75%

ثانيا اذا فشلتي في اي اختبار وبغيتي تعيدينه تدفعين 100 ريال

وبعدين يمكن المبره مادفعت كافة تكاليف دراستك للمعهد -->لأنهم يخافون من البعض ينسحب ومايكمل وتروح فلوسهم اللي دفعوها مجانا
علشان كذا المعهد يلزمك بدفع 100 ريال عن كل اختبار

ونصيحة اذا كنتي بتدفعين 100 ريال عن كل اختبار فأنصحك تروحين لمعهد غير نيوهورايزن لأن نيوهورايزن مايساعدونك في الاختبار وبكذا بتفشلين في الاختبارات وكل شوي بتدفعين لهم سعر الاختبار

خصوصا اذا كانت خلفيتك بسيطة في التطبيقات مثل الوورد والاكسل والاكسس والبوربوينت(هذا اذا كنتي تدرسين الرخصة الدولية لقيادة الحاسب )
روحي لمعهد غير مشهور بس يكون معتمد وقولي لهم ما ابغى ادرس
فقط ابغى اختبر
وراح ياخذون 100 ريال عن كل اختبار وراح يساعدونك في حل الاختبارات
ولعلمك ترى مايفرق اذا اخذتي الشهادة من معهد مشهور او غير مشهور
لأنه ماراح يسجل بالشهادة اسم المعهد اللي درستي او اختبرتي فيه
فقط مكتوب بالشهادة انك اجتزتي الاختبارات

وعلى فكرة اذا كنتي تدرسين الرخصة الدولية لقيادة الحاسب ترى فيه برنامج يعلمك طريقة حل الاختبارات بالشرح موجود اذا بحثتي عنه بالمواقع

انشالله افدتك باللي اعرفه

ينقل لقسم الاستفسارات ..

ـألي ـأععرفــه ـأخوي ـألصغيـــر مســـجـــل ـأنـا عــندهمـ
درسـ وـأختبروـأتوضف عندهمـ مباشره لا ان الي نسبته حلوهـ فوق الثمانين يوضوفونهـ
ـأ

هو معروف المعهد نظامة اذا رسبتي تدفعين 100 عن كل اختبار تعيدينه

ممكن وقفوها فتره بس

انا اختبرت في نفس المركز بالرياض

بس بما انك درستي عندهم حاولي تختبرين عندهم

( جاتني رساله على جوالي لان لازم كل وحده تدرس يكون رقم جوالها عندهم للضروره الرساله معنى محتواها ان تم ايقاف جميع اختبارات ICDL وسيتم ابلاغكم وحاطين رقمهم انا مدري شنو السالفه بالضبط اللي عنده معلومات صحيحه يفيدني حتى عن المعهد هل اكمل معاهم اختبارات او لا )

اللي فهمته انو كان عندك اختبار الاسبوع الجاي ومحدد لكن جتك رساله انو الاختبار تاجل ان شالله خير لك اختي منها تراجعين اللي درستيه


والافضل تتصلين تسجيل بيناتك

موفقه يارب

الله يوفق الجميع