رايكم يهمني البيع في النت

فلة واخوها علة · #1 (**permalink**) 11-06-2010, 07:32 PM

السلام عليكم ورحمة اللة وبركاتة....

مالي في المقدمات بدخل في فكرتي الا وهي اني فكرت اجيب لي خياطه في بيتي على حسابي و واجيب لها موديلات فساتين تفصلهم و اعرضهم في النت للبيع ..

ابي رايكم تتوقعون انها فكرها ناجحه اولا ..؟والي عنده خبره في هذا المجال يفيدوني و توقعاتكم كم بتكلف و كيف اجراءاات تقديم الخياطه
وأكون شاكره لكم

بومهدي · #2 (**permalink**) 11-06-2010, 09:28 PM

وعليكم السلام ورحمه الله وبركاته

سالفه النت يمكن تصيب ويمكن تخيب؟؟

إذا تعرفين مكان تعرضينهم فيه والمكان هذا ياخذ نسبه فيها ولك الباقي يكون راحه لكي

وش رايك لو إنك تسوينهم وتأجرينهم بين أهلك وقرايبك إلى أن ينتشر الخبر بين المعارف وتصيرين تاجرة

واللي يبي يشتريه بيعي له واللي يبي أجار أجري له مع أخذ التأمين خمسمائه ريال

والله يوفقك

محمد الطميحي · #3 (**permalink**) 11-06-2010, 10:06 PM

بالتوفيق لك

فلة واخوها علة · #4 (**permalink**) 12-06-2010, 05:21 PM

ابو مهدي مشكور اخوي وفكرة حلوة خصوصا ان مبدائيا بتكون صعبة لازم معارف
ابو يحيي ,,,,شرفني مرورك

عالية المقام · #5 (**permalink**) 12-06-2010, 06:59 PM

دعواتي لك بالتوفيق

اذا هي اتقنت الشغلة بتمشي بس الاهم الاعلان الصح

فلة واخوها علة · #6 (**permalink**) 12-06-2010, 09:10 PM

عالية المقام....شاكرة لك عزيزتي دعوتك ومروك
انشاللة ربك يعين ويسهل

المحاور · #7 (**permalink**) 12-06-2010, 09:21 PM

اول شي ترجع لاتفصيل واذوق الحلو ثاني شي حاولي عرض مافصلتيه على الجيران ولاقارب لين تشوفين الحركه
بعدين أنت ابسط من ماتخيلين كلها تصوير القطعه وعرضها في موقعكم مع ذكر السعر والتوصيل
تحياتي لكم

موهوبة · #8 (**permalink**) 15-06-2010, 03:50 PM

مرحبا أختي فلة
موضوع الخياطة جربه ولد خالتي , جاب خياطة فلبينية وفتح لها غرفة مستقلة في بيته , طبعاً الغرفة خارجية عشان حرية الزباين .. وانتشر الخبر بين الأهل والجيران إن خالد جايب خياطة
وطبعاً كثير يفضلون الخياطة عشان ضبط المقاسات والتعامل الأسهل مع النساء ..
بدأت في تفصيل الملابس الجاهزة الناعمة , وبعدها صارت تفصل فساتين السهرة تفصيل خيالي ماشاءالله ومضبوط وكل من راح لها مدحها والآن مشهورة ومعروفة ماشاءالله وأسعارها وصلت لل2000 ريال وتزيد حسب الموديل طبعاً .
وعلى فكرة , الحين صارت تفصل حتى عبايات

حبيبتي ..
أنتِ ابدأي مشروعك في مجتمعك الصغير حالياً , ولما ينجح وإن شاءالله نجاحه بيكون خلال سنة اعملي إعلانات للمشغل نفسه , مو للفساتين الجاهزة .. لأنك يمكن تختارين موديل ويكون في نظرك واااااااو لكنه بالنسبة لغيرك عادي , ويمكن خسرتي عليه مبلغ وقدره , وفي الأخير يطيح بكبدك وتتوهقين فيه فخلي تصاميمك حسب الطلب أفضل وأكثر ضمان

وفالك التوفيق

سماي عالي · #9 (**permalink**) 15-06-2010, 08:57 PM

والله إنها فكرة حلوة وأتوفع إنها تنجح إن شاء الله وهي نفس فكرتي إلا أني أختلف عنك إني أنا أصمم الفساتين وأتمنى يتحسن وضعي وأجيب الخياطة ..بالتوفيق للجميع

احمد الم · #10 (**permalink**) 16-06-2010, 11:24 AM

شوفي اختي انا عن واقع خبره في عالم الانترنت
سوي محل صغير لك
اذا سوقتي في الانترنت
يمكن يبنباع فستان واحد في السنه ويمكن ولا شي
بس النت كلام فاضي
وانا اتكلم عن واقع خبره

الله يوفقك