وعدنا من جديد ومازال مسلسلي مع القطاع العسكري مستمر ....

كان قبلها في الامن العام على الرابط ذا

والان مع المباحث

في البدايه احب اعرفكم بنفسي ....الزهراني

الطول 165

الوزن 70

وسيم <<<سلاامات اركد اشوي

قدمت في المباحث والحمدالله طلع اسمي من قائمة المقبولين

ورجعنا للهاجس الي هو الطول

من سوء حظي اني اخترت الطائف ...سوف اقول لكم السبب في الاخير

مقابلتي يوم الاثنين الي فات

تحركت من جده الساعه الحادي عشر ووصلت الساعه الحادي عشر وربع<<كذااااب

الحمدالله وصلت الطائف الساعه الواحده صباحا ونمت حتى احد اقربائي

ووش النوم الي جاني ووالله اني مانمت من الارق والقلق الي صاحبني حتى الفجر

صليت الفجر ولبست ملابسي وتشيكت وتعطرت <<حشى رايح عرس

مشيت على وصف الاخ مجنون شهار جزاه الله خير

افطرت من بوفيه في الحويه واول مره اشوف بوفيه بالمنظر ذاك

دخلت على العامل نايم

صحيت الاخ

ممكن واحد بيض سفري وكوب شاي بالحليب

قام الاخ وهو يتثاؤب وعملي واحد بيض واول مره اشوف واحد يحط البيض بعلبة مدوراه
بلستيك ويحركها قدامي عااااااااااااادي الموضوع عنده

قلت صدق من قال الحويه قويه

المهم افطرت وتحركت بوصف الاخ مجنون شهار ...اه يامجنون جبت فيني العيد

اخذت اللفه الي قدام الصراف

وشفت عالم كثيره

قلت يا صباح يا عليم يارزق وش ذاا وانا الي قلت اني جيت بدري

وقفت سيارتي ونزلت مشيك الاخ على الاخير والعطور فاحت مني

وفي سرا قدامي

المهم وانا صفيت معاهم والا اشوف اطفال في السرا

حتى الاطفال قدموا معنا ؟؟

واطالع في اليسار والسرا يمشي وانا امشي معاهم واشوف كبار في السن

حتى العجايز قدمواا ما يصير الكلام ذاا

وامشي والى اشوف هنوود لالالالالالالالالالا عاد زفتوها المباحث وش يبوا في الهنود

الشكوك بدات ترودني عاد وش ذااا

الناس كلهم بدوا يطالعوا فيني عاد

الاخ متشيك ومتعطر وذيك الثياب الي يحبها قلبك

ومع افكاري الي ترودني

لفت بصري الى الاعلى وطالعت في اللوحه الي فوق

واشوف مكتوب

اشياب الحويه

جاني احساس غريب مدري وش هو بس اقرب شي اني اسوي

وانا صاف في السرا ووو وانا اقول وش فيهم العالم يطالعوا فيني

سحبت نفسي بهدوا شديد جداا

ومن سياره الى سياره انطنط بدون ما يلتفتوا لي<<داخل حرب الاخ

وصلت سيارتي وله الحمد وسالت اخوه افاضل اين المباحث

دلوني بارك الله فيهم وتحركت حتى وصلتهم

جيت عند باب صغير ودخلوني على طول على بالهم شخصيه مهمه

دخلت على عسكري وسلمته الاورق وصفونا مع بعض

ودخلونا مجموعه على صاله كبيره

دخلنا عسكري من الشرطه العسكريه

وجلسنا على الارض وقال ارتحوا

جلسنا ولا اشوي قال طلعوا الاحذيه

الله يكرمكم <<طيب من اول يا اخي لازم تسوي وناسه مع الصباح ذا

طلعنا ودخلنا ثاني مره وجلسوا يدققوا الاوراق حتى انتهى 30 شخص

طلعونا الى غرفه ثانيه وبرا الغرفه تدقيق في في البطاقة الاحوال

وصل حتى عندي واعطيته البطاقه وشافه ولا قاعد يطالع في وجهي وفي البطاقه

مرره ماهي راكبه

قال للصاحبه شوف ذاا

قلت له يا الحبيب لو ماهو انا صاحب البطاقه كان جاب واحد طويل ماهو انا

ابتسم ضاحك وقال ادخل

دخلنا يا اخوان

وجاء الي يقيس الطول

واحد شايف نفسه مره

والله يا اخوان ما احد يقدر يرفع نفسه ابد وان رفع ينزله وينافخ

والله ان في من الشرطه العسكريه ناس جاوا وكلموه عن اشخاص يمشيهم

الكلام ذا صار قدامنا

وصلت الى عنده ورفعت نفسي قال لا ترفع

ورفعت ثاني

قال انت مريض في احد يرفع كذا

قلت يا اخي لا تضيق علينا

قال روتين وانا والله صدقته

ومشيت قلت نجحت

المهم وصلت المقابله الشخصيه وركزا يا اخوان معي في النقطه ذي

جيت عند ملازم اول

سلمت عليه ورد علي السلام وانسان خلوق وطيب الملازم

قال وش تخصصك

قلت ....

قال وين طبقت

قلت ...

المهم قال لي الله يوفقك وانتظر النتائج!!!

عاد انا الموضوع ما طمني ابد

قلت يا اخي المقابله انتهت بسرعه!!

ضحك وقال انتظر النتائج

قلت بيني وبينك كيف الوزن والنظر

قال نجحت فيها

قلت الطول

قال انت ادرى بنفسك

قلت يا اخي من عام 1425 وانا ادور لا تعقدها قال والله ماهي من عندي

قلت يا اخي الدنيا كلها واسطه

قال والله الي انقبلوا قله بالواسطه وذوالي من فوق من الرياض

قلت حسبي الله ونعم الوكيل

وخرجت من عنده

نجي للاخوه الي اجروا مقابله شخصيه

فاعرف نوع الاسئله الي طرحت عليك فتعرف انك نجحت ولا لا...

لو الاسئله كانت سياسيه وعامه فابشر انك تعديت الطول والنظر والوزن

وان كانت تحدث عن نفسك او سؤال او سؤالين مالها داعي فاعرف انك رسبت

يا في الطول او الوزن او النظر

والله يعين الاخوه الي في الطائف

لانها تعقيد شديد

لنا لقاء اخر ان شاء الله

بس بالقبول يارب

تعبنا نكتب مواضيع الرسوب

سبحان الله وبحمدك سبحان الله ربي العظيم...