وظائف جامعة الخرج - مواعيد الإختبار التحريري رد رقم (243)

محسن محمد · #**431** (**permalink**) 01-08-2010, 02:22 PM

موقع كليه المجتمع وين ؟؟؟؟

عاشق جوهاي · #**432** (**permalink**) 01-08-2010, 03:21 PM

السلام عليكم ورحمة الله وبركاته ،،،
سوالي موجه لاهل الخبرة هل يحق لموظفي الجامعة الترشح لدخول الاختبار لهذه الوظائف واذا كان يحق لهم ذلك هل هناك فترة معينة يقضونها في العمل وبعدها يحق لهم الدخول بالاختبار لانه وبصراحة فرحت بترشحي لدخول الاختبار لكن بصراحة صدمت حينما شاهدت ان من ضمن المرشحين اشخاص اعرفهم اسماوهم موجودة معنا بالترشيح ولهم اكثر من ستة شهور موظفين بالجامعة .

مع تمنياتي للجميع بالتوفيق

سيحاني · #**433** (**permalink**) 01-08-2010, 03:59 PM

اختباري يوم الثلاثاء ولا اعرف اي شئ عن الاختبار والمقابله الشخصية
ممكن احد من الي اختبروا يساعدني
وش تتوقعون الاسئله علمآ ان
الوضيفه الي مقدم عليها مشغل اجهزة حاسب المرتبه الخامسه
ولكم جزيل الشكر

زياد حمد الحربي · #**434** (**permalink**) 01-08-2010, 04:03 PM

اقتباس:

ياخوان انا اختباري بكره
مسجل معلومات وابي امشي شوي بعد العصر للخرج
بس كيف طريقه الاختبار وهل فيه مقابله شخصيه نفس اليوم
ابي اعرف وش اسئلتهم في المقابله الشخصيه ياليت الي يعرف يجاوبني لاني خايف اني اتلخبط في المقابله

الحال زي بعضها والله اني مرتبك ياخوك اول مرة بحياتي اقابل لوظيفة !

وكل من كلمته قال يرجال تساهيل واي نعم اللي اختبرو يوم السبت قابلو بنفس اليوم

اتوقع تحدث عن نفسك ومن هيك

----------------------

تكفون اللي عنده علم الوكاد

معاي زميل · #**435** (**permalink**) 01-08-2010, 04:08 PM

الله يوفق الجميع
ولا احد يقول ماني رايح كلها واسطات
خل واسطتك رب العالمين وان شاء لله ربي يسهلها للجميع
تحياتي لكم
اخوك
معاي زميل

يوفنتيني · #**436** (**permalink**) 01-08-2010, 06:06 PM

اقتباس:

المشاركة الأصلية كتبت بواسطة رعبوب الحمام

ياشباب وين كلية المجمتع عن بيتزا هت

ان كنت وصلت لبيتزا هت تراك وصلت لكلية المجتمع

خل بيتزا هت على يسارك وابتل لين تجيك اشاره ،، ادخل يمين مع الاشاره وابتل 1 كيلو تقريبا بتجيك كلية المجتمع على يمينك ومقابلها جامعة الخرج على يسارك

بالتوفيق للجميع

يوفنتيني · #**437** (**permalink**) 01-08-2010, 06:15 PM

اقتباس:

المشاركة الأصلية كتبت بواسطة محسن محمد

موقع كليه المجتمع وين ؟؟؟؟

هذا ردي على طلب احد الاخوان عن موقع جامعة الخرج ،، طبعا الوصف لجامعة الخرج وكلية المجتمع لانها مقابل بعضها على نفس الشارع

اقتباس:

المشاركة الأصلية كتبت بواسطة يوفنتيني

وعليكم السلام ورحمة الله وبركاته

إذا كنت داخل الخرج وصفها سهل مرره (مقابل كلية المجتمع)

أما إذا كنت جاي من برا الخرج ركز معي حبتين ( وانت جاي من الرياض تترك أول إشارتين بتجيك الإشارة الثالثة بيكون على يسارك بنك الراجحي تطلع يسار مع الإشارة ،، وتبتل سيدة بتاخذ دوارين معك حتى تجيك إشارة تطلع معها يمين ،، بعد ماتطلع يمين مع الإشارة أول فتحه يمين اتركها ،، الفتحة الثانية ادخل معها يمين وابتل تقريبا 1 كيلو بتجيك على يمينك مقابلها كلية المجتمع)

ان شاء الله يكون الوصف واضح وسهل ،، وبالتوفيق للجميع

العجمي، · #**438** (**permalink**) 01-08-2010, 07:30 PM

شباب اختبرت ناسخ آلتين
اول شيء اختبار عملي بالحاسب والاسئلة موجودة عندي ومدة الاختبار تقريبا نصف ساعة والاختبار عن الوورد والاكسل
بعدين سوينا اختبار نظري عبارة عن عشر اسئلة متعلقة بالحاسب
ومافية مقابلة ولاشي يقولون بعدين
التنظيم صراحة سيء الاختبار محدد 9.30 وماختبرنا الا الساعة 10
والله يعين ويوفق الجميع