المشاركة الأصلية كتبت بواسطة مبرمج دوت نت

قبل كل شي لاتدققون على المعلومات والاسلوب لان توني راجع ومانمت زين من امس

انا مقدم على وظيفة مبرمج المرتبه الـ7
عدد المتقدمين للاختبار تقريبا 42 ماحضر الا 11
ووظيفة مشغلين الحاسب المتقدمين فوق الخمسين واللي حضر ثلاثين
اعداد المختبرين قليلين

وفي الموقع كانوا كاتبين المقابله الشخصيه تتحدد بعد ماتطلع نتيجة الاختبار بس بوسط الاختبار قالوا لنا ترى المقابله بعد الاختبار على طول عشان ماترجعون وتضربون مشوار مرتين

هي حلوه عشان المشوار ومو حلوه لان الواحد مو مستعد بشكل كبير

الاختبار كان 8 ومابدأ الا 8 وربع ومدة الاختبار ساعه

الاختبار عباره عن 25 اختياري و5 مقاليه بس كلها في التخصص وكانت بالانجليزي

خلصنا 9 وجمعونا مع المتقدمين لوظيفة محلل نظم مساعد ومشغلين الحاسب بقاعة وحده وكل واحد ينتظر دوره للمقابله
اول واحد بدأ من المبرمجين الساعه 2 الا كم دقيقه وانا ثالث واحد دخلت يعني اخر واحد اتوقع توه مخلص

بالنسبه للمقابله الشخصية اللي يقابل معك 3 اشخاص واحد يكون بنفس تخصصك يسألك كم سؤال وواحد سالني ثقافه عامه والثالث اللي هو اول واحد سألني تحدث عن نفسك وليش اخترت جامعة الخرج و ومن هالكلام

انصح الكل يتأكد من مكان الجامعه او يروح بدري انا اختبرت في كلية هندسة وعلوم الحاسب وتبهذلت حتى وصلت لها ونصيحة لاتسأل احد لانهم بيضيعون فيك كل واحد يوصف لك قسم وكل قسم بعيد عن الثاني

بالنسبه للمطلوب للدخول للاختبار تطبع الاستماره اللي اول ماتدخل لحسابك في موقع الجامعه تلقى على اليمين استماره او مدري وشو ناسي بالضبط وشي اطبعها وبس مايبون شي زود لاشهادتك ولاغيرها طبعا بطاقة الاحوال الاصل لازم تكون معك ولا ماراح تدخل

بالتوفيق للجميع ولحد يوجه سؤال لي لان ماراح ادخل الا بعد ثلاث ايام بنام الحين واول مااصحى بسافر
ان شاء الله غيري يفيدكم