السلآم عليكم/مساءكم الله بالخير
طبعا بتقولون مليون كيف وشلون تكفى طير اقولك كيف مليون بس لاتستعجل
انتم مثل ماتشوفون المشاريع الحكوميه الي توقع بمئات الملاين وتوصل للمليارات لشركات المقاولات
طبعا الي يفوز في هذي المشاريع الحكوميه غالبا شركات مصنفه تصنيف (أ)
وبالسعوديه تقريبا 50 شركه هنا مصنفه تصنيف (أ) من اصل 90 ألف مؤسسه وشركة مقاولات
طيب هنا فيه 89995 شركه ومؤسسه مقاولات تجلس تهش الذبان لآ؟تجلس تدخل بالمشاريع الحكوميه الصغيره والمشاريع الخاصه
و تدخل بمشاريع الباطن ممكن لحد كلمة بالباطن اتضحت الفكره بالضبط مشاريع بالباطن
بعضكم يقول انا وش استفيد من هالمشاريع بالباطن
لا انا اقولك انتم تستفيد من هالشغله وفايدتك تكون كبيره
طبعا انت تكون الوسيط حق الشركتين
يكون لك معارف كويسه مع شركات كبيره عندها عقود حكوميه وتبي تبيعها تعطيك العرض حق المشروع وتوديه لشركه اخرى وتشوفه الشركه
وتشوف المشروع وقيمته والمدينه والموقع وكم عدد العمال الي راح يشتغلون فيه وبعدها تقرر الشركه الثانيه انها تشتغل فيه
تاخذ بروفايل عن الشركه الثانيه الي تبي العقد وتبي تشتغل فيه وتوديه للشركه الي اخذت منها العقد وتوريهم البروفايل واذا عجبهم قالو نتوكل على الله
واذا ماعجبهم تروح لشركه ثانيه وثالثه ورابعه لين تحصل شركه تبي العقد وتكون مؤهله عند الشركه الي وقعت العقد اساسا
طبعا الشركه الي وقعت العقد اساسا ممكن تجلس فتره طويله ماتبيع العقد لشركه ثانيه والسبب يكون ممكن الشركه تخاف من مسأله قانونينه من الحكوميه
بسبب ضعف المشروع لان الي بتتساءل هي الشركه الاساسيه عشان كذا لازم تختار شركه قويه وتكون مؤهله .وممكن تخاف انها تضعف اداءها وسمعتها
بعض الشركات جلست ثلاثين سنه تبني سمعه طيبه ويوم وصلت للشي الي تتمناه تروح سمعتها انها ماتسوي مشاريع كويسه او تبيع عقود بالباطن لشركات سيئه
اتمنى وضحت الفكره .





طبعا الي يبي يتعامل معي ماعندي مشكله
انا شخص اشتغل في هالشغله ولي علاقات مع اكثر من 80 شركه مصنفه وقويه وتشتغل بالمباني والطرق
اي شخص يكون عنده مشروع ويبي اشوف له شركه مؤهله يراسلني بنوع المشروع وقيمته والمدينه مع رقم جواله وراح اكلمه
طبعا الي يبي يستفسر عن نسبة الي يجيب المشروع تكون 0.5% وكل الشركات حاليا حتى الغير مصنفه ماتشتغل بمشاريع اقل من مليون يعني نسبتك بتكون قويه
ونسبتي انا 0.5%
،،

عندك معارف ويكونون قادرين على ارساء عقود مع شركات قادره ومؤهله ولها خبرتها فيراسلني ونتفاهم على كل شي بإذن الله

أي سؤال انا حاضر

مشكور على ردك حبيبي عاطلا طموحا



شوف بالنسبه لكلامك صحيح ان اغلب الشركات عندهم وسطائهم يعني مستحيل يتعامل معاك طيب
طيب اذا الشخص بهمته يشوف مشروع ويستلمه مباشره من شركه ويدور على شركه ويخلص الموضوع بسرعه للشركه ممكن الشركه تخليه وسيط لهم لسبب بسيط هو ايجاد شركه مؤهله على القيام بتنفيذ المشروع بمده زمنيه قصيره فاكيد الشركات يرغبون بالشخص هذا لان فيه شركات يهمهم المده

مسأله النسبه مو كل شركه راح تعطيك النسبه الي انت تبيها وممكن شركه تقولك مو مشكله نعطيك الي تبي وهي فعلا راح تعطيك وبالاخير تطلع الشركه الاساسيه ماتبي توقع العقد مع الشركه الي تبي تعطيك النسبه الي تبيها

الوفا من طبعي اشكرك على تجاوبك وردك وحسن حوارك

ولكن صدقني بدون معارف ما يشربونك ولا بيالة شاهي ويعتبر تقدم اذا سلمت ورد احد عليك السلام حتى ما يناظرون لا لهمته ولا اصراره ولا المشاريع التي يملك ينظرون فقط من اي طرف انت .

موفق بإذن الله ... لك مني أجمل تحية .

العفو حبيبي
شوف يارجال هذي الشركات الكبيره جدا هي الي صعبه تدخل عليهم عشان يشوفونك بس بالنسبه للشركات المتوسطه والصغيره اذا شافو عروضك اكيد بيستقبلونك وبيرحبون فيك
طبعا بالنسبه للحصولك على العروض مستحيل شركه تعطيك عروضه
فانا اقولك تعرف على وسطاء عن طريق الانترنت وعن طريق اشخاص تتعرف عليهم عن طريق المنتديات العقاريه ومنتديات مقاولات


الفقيرر مشكور حبيبي والله يوفق الجميع

اتمني لكم التوفيق والنجاح

اتمنى من الاخ كاتب الموضوع مراسلتي على الخاص

ارسلي رقمك ياغالي على الخاص

شكراا

جزاك الله خير