ابي مشوراتكم في مشروعي

أمونه الاموره · #1 (**permalink**) 13-06-2010, 01:29 PM

السلام عليكم ورحمة الله وبركاته

اسعد الله مسائكم بالخيرات والبراكات

والله الحقيقه يا جماعه الخير لما كنت ادرس بالكليه كنت اقول اوف متي اتخرج بجلس خمسه سنوات من دون دراسه ولا شغل ابي ارتاح وافضي مخي من الدراسه .. والحين ياربي ندمت اشد الندم علي ماقلت ماكنت اتوقع ان البطاله والفراغ لهدرجه قاتله .. والتحيطم من جد لما تتصل علي المعاهد والشريكات والمدارس او اروح اودي ملفي مكان يقولوا ماعندنا استنو اتصالنا والمشكله مايتصلوا بس يبووون الفكه آآآآآآآآهـ ياقلبي من جد احس بحسره .. حسره اني ماني عايشه مثل كل بنت في عمري تلبس وتستمتع بحياتها وتشتري وماتخلي شئ بنفسها والسبب مافيه دخل
ودي احس بالحياه لاني احبها وماابي احد يكرهني فيها ..

>> تحس ان الموضوع صار موضوع فضفضه هههههه

من جد وربي صار موضوع فضفضه بس الحقيقه مو هذا موضوعي .. الكلام السابق كانت من الاسباب الي خلتني افكر في موضوع جدي .. بس ماعندي فكره شلون ابدا المشروع اخاف ابدا مشروع وافشل ..

مو عارفه ايش هي الاساسيات والتكاليف والاجراءات ..

اول شئ بقولكم عن مشروعي الصغير .. هو للحين مجرد فكره ابي ادرسه دراسة مظبوطه
ع الاساس ما اصيب بالتحطيم والفشل .. اذا قررت فتحه ..

المشروع هوا

محل نسائي يحتوي علي اجهزه كمبيوتر وطابعات ويكون فيه خبيرات في كتابات البحوث
وعمل مجلات ومطويات ومنشورات طبعا راح يخدم المعلمات والطالبات كثير ..

خصوصا ان منقطتي الي اعيش فيها لا يوجد فيها هذا المشروع اطلاقا فقط يوجد للرجال يعني النساء لاء ولكن يوجد طلب كبير من ناحية البحوث والاشياء هذي ..
وانا معي خبرات جدا رائعه في هذا المجال وبرضو اختي يعني ممكن تساعدني

المهم يا جماعه الخير طبعا انا حاليا لا املك ولا ربع ريال حتي افتح هذا المشروع في وقت اني احتاج الي العمل احتيــــــــاج شديد
فكرت وفكرت اني اكلم احدي الشريكات الداعمه مثل عبداللطيف جميل لكن اخاف اني اتوهق ويصكون علي عشان كدا ودي لو افتحه بفلوسي لكن مضطره اتعامل مع هيك شريكات ..

المهم يا جماعه ..

ابي مساعدتكم الحين وابي خبرتكم ابي ناس تعطيني رئيها بمشروعي
هل تعتقدون انه سينجح ؟
تعتقدون ماهي التكاليف كم تبلغ لفتح هذا المشروع ؟
طيب كيف ابدا كيف ارتب اموري عشان افتحه وايش هيا الخطوات الصحيحه لبدئه ؟

بليز يا جماعه لاتحرموني من ردودكم وارائكم انا اثق تماما بكم ولي ماكان نزلت الموضوع عندكم

انتظركم بفارغ الصبر