قصتي مع المباحث 29/6 ... بعسير

المالكي احمد · #1 (**permalink**) 13-06-2010, 04:12 PM

السلام عليكم
مساء / صباح : الخير عليكم جميعاً
قصتي مع المباحث . بعسير .
حركت يوم الجمعة العصر من الطائف لعسير .. وصلت ابها تقريباً الساعة 10 مساءً .
المهم ماطول عليكم ..
روحت لهم الساعة 6إلا ربع .. وجيت عند البوابة قالو انتظرو حتى يجي الباص ويشيلكم يدخلكم جوه ..
انتظرنا مايقارب الساعة ..
وجا الباص وتجمعنا عند الباص وزهموا على الاسماء اللي يزهم على اسمه يركب الباص ..
حتى اكتمل العدد ..
دخلونا بالداخل حتى وصلنا عند بوابة مبنا نزلونا وصفونا سرا وفتشونا عن الجوالات واي شيء ( عندهم جهاز كشف المعادن .. وفيه واحد يصور بالكمرا قدام الباب )
المهم اللي يخلص يدخلونه دخل فصول حتى يكتمل العدد ويجي عسكري ويزهم بالاسماء ويرصونا بالترتيب داخل الفصول .. ( جابو لكل واحد مويه وعصير برتقال (حبيبات راني ) )
المهم نادونا خمسة خمسة وتروح يم لجنة تدقيق الاوراق .. وبعد مايدققو على الاوراق يأخذونك لقياس الطول والوزن ( الممرض اللي بالطول طيب مررررررررره يقولك شد نفسك على اخر شيء ))
انا والله يوم قال شد نفسك قمت على روس اصابعي قال لا موكذا مره وحده ..
قلت طيب وقفت وشديت نفسي .. وكتب الطول والوزن ،، حاولت اعرف كم طولي مارضي يعلمني ..
المهم دخلوني على لجنة المقابلة الشخصية .. مكونه من سته اشخاص اربعه مدنيين واثنين عسكر (ظباط ) كلهم طيبين ..
رحبي اللي لابس ثوب على راس الطاوله .. قلت الله يبقيك .. المهم نط لي اللي لابس عسكري والله مدري وش رتبته منتبهت قال لي تعرف احد في المباحث قلت نعم وذكرت له اثنين قال طيب وش عاصمة الكويت قلت الكويت
وسألني وش عاصمة الجزائر طبعاً جاوبت وبكل ثقه الجزائر ..
سألني عن عدد اركان الايمان جاوبته 6 ..
قال الله يعطيك العافية تابع الموقع يوم 7/8 ...
يوم خلص كلامه قلت طيب ممكن اسألك سؤال ..
قال تفضل قلت كم طلع طولي .. ابتسم قال مانقول لأحد انت تابع الموقع ..
قلت طيب طمني نجحت ولا رسبت قال تابع الموقع ..
قالت ياطويل العمر ريحني لاتخليني على اعصابي تراني جايكم من الطائف ..
قال بأبتساهم اعرض من الاوله تابع الموقع
المهم خرجت من عندهم ..
والحمدلله .
ملاحضة : لايوجد اي اختبار تحريري ..
والشهائد الاصل مايسألو عنها .. اهم شيء تكون الصور مصدقه ..
هذا وصلى الله وسلم على سيدنا محمد ..
اي سؤال انا حاضر ..