[align=center]السلام عليكم ورحمة الله وبركاته[/align][align=justify]

انا يا إخوان معي مبلغ من المال, وأبي أشغله في الزراعة , وعندي بعض الأسئلة اللي إنشاء الله لها عندكم ألف جواب,وهي:
1ـ أنا من مكة والجو معروف فيها,, هل بإمكاني أزرع البامية والكوسا والشغلات هاذي؟
2ـ كيف أعرف إن الماء متوفر في ها لبئر ولا قليل ؟
3ـ كيف أعرف إن هالمزرعة مساحتها زينة ولا شينة؟
3ـ كيف أعرف إن هالتربة طيبة للزراعة؟
4ـ أخيرا كم المبلغ التقريبي اللي أحتاجه في هالمشروع مع العلم إني رايح أحسب حساب الغطاء للمشروع؟
وأتمنى من كل واحد له في الزراعة أنه يفيدني لإني متعطش لردودكم , وآرآءكم, وتنبيهاتكم..
والله يحفظ الجميع ,ويرزقهم من حيث لم يحتسبوا.
[/align]

يجي من يفيدكـ

الله يوفقك انا عندي خبرة بالزراعة بس مااقدر افيدك بصراحة عن اسئلتك لان منطقتي تختلف طبيعتها عن منطقتك انا من منطقة زراعية والماء الحمد لله متوفر
ففرق كبير بيننا وبينكم لذلك راح اعطيك مشورة عامة ان شاء الله تستفيد منها
اهم شي في الزراعة نوعية التربة ووفرة الماء وافضل التربة الطينيه الحمراء
وابعد عن المناطق الرملية والصخرية.
الكوسا ماتتحمل الحرارة والعطش الباميا ممكن تتحمل واللي اعنيه ان الخضار انواع تتحمل وانواع لا
حاول تتعرف وش الاشياء اللي تتحمل عندكم وممكن تعيش بجوكم
‏ خذ لك لفة على المزارع وتعرف على اهلها واسال العمال يعني خذ لك دورة زراعيه مجانية ماراح يقصرون معك بالمعلومات ان شاء الله.
اتمنى لك التوفيق.

جزاك الله خير على الدعوات الطيبة
الظاهر اني لما كتبت ردي مسحت معلومه مهمة قلت ارجع اكتبها لك
بالنسبة لمعرفة الماء في البير هل هو وفير اولا فيه اكثر من طريقه
اول شي انك تعرف الفاضي كم عمقه تجيب حبل وتحط في طرفه ثقل وتنزله للبير لين يوصل للماء وتقيس المسافة كل ماقلت كان احسن
ثانيا ممكن تعرف من تشغيل المضخة الى مايطلع الماء للسطح تحسب كم المده كل ماكانت طويلة يعني الماء بعيد
احيانا يكون الماء قريب لكن قليل ويتضح لك من تقطيع الماء اثناء الضخ يعني كل شوي يقطع ويرجع.
اتمنى لك التوفيق

لا تعب ولا شي واللي تبيه مستعدين ولاتتردد باي سؤال اللي نعرفه مانبخل به عليك.
الله يييسر امرك.

بالنسبه للاجواء هناك البيوت المحمية تفي بالغرض مع الاخذ بالاعتبار السوال عن اي شي بخصوص الزراعه والتربه والماء لأناس مختصين بهذ المجال

وفقك الله وسدد خطاك