السلام عليكم ورحمة الله وبركاته

الحين سؤال يطرح نفسه غصب عن اللي خلفوه كل ما دخلت الوظايف الاقي فاتحين التسجيل في تعليم الكبار ( لا تدققون كبار كبيرات كلهم شعب ) في المناطق النائيه وغير النائيه لدرجه ان في مناطق توني اكتشفها في السعوديه
طيب الحين الشرقيه وينها من هالوظايف ماكو اعلان عنها يعني الاداره نايمه والا بخلانه بالاعلان
بالجرايد ؟؟؟؟ ( الشكوى لله اذا دفعنا للقياس ندفع لهم اجر الاعلان دفعة بلا عنا وعن اهلنا )
المهم ...
من غير حبيت أسأل البنات اذا قطيت وجهي نفس اي مواطن ومواطنه وبغيت اقدم على هالوظيفه
عشان نتغلب على الاميه اللي بالشرقيه اللي محد ذكرها شلون اقدم آخذ اوراقي واروح للادراه العامه للتربيه والتعليم بنات ( للتوضيح ) والا شنو ..؟؟؟
وسالفت بند الاجور هل بعد من عندهم التسجيل واشيل قشاني زي دايم واروح لهم ؟؟؟؟
يا حسره حتى منتداهم يوم سألتهم محد رد علي يمروني مرور الكرام
شكلنا بالاخير راح تغمرنا الاميه ونغرق فيها