15-06-2010, 08:18 AM
|
 |
|
|
تاريخ التسجيل: Oct 2009
الدولة: من ديره في ديره
المشاركات: 2,110
معدل تقييم المستوى: 4625
|
|
اترك التدخين خلال سبعه ايام مضمون ومجرب
[frame="1 98"] 
بلا مقدمات
**أترك الدخان في سبع أيام..مضمون ومجرب..100%**
واحد من خوياي
هداه الله والتزم ، ولكنه
يدخن من 7 سنوات تقريبًا
وحاول يترك الدخان ولكن مثل
مايعلم المدخنين أن ترك الدخان عسر
على من عسره الله عليه.
المهم السالفة ماضبطت مع الرجال (مطوع
ويدخن)وراح لواحد من أخويانا(أنسان حبيب وخدوم
لأبعد درجة)وعلمه بالموضوع.يوم سمع منه القصة أخذه
لجمعية مكافحة التدخين بالرياض.
والحمد لله أن الرجال ترك الدخان
وماطبت الزقارة فمه من قبل رمضان ليومكم هذا.
سألنا الرجال وش سوو له قال : أول يوم أكشفوا على صدره وحللوه وتبين
أن 60% من رأتيه متعطل ، وعطوه موعد لمدة 7 أيام (جلسات على جهاز أسمه الملامس الفضي على ماأعتقد)يقول ثبتوا الجهاز بأذن الرجال وأمتصوا النيكوتين من الدم
وأنا أول أسمع أسم جمعية مكافحة التدخين وكنت أحسب أنها تعطي نصائح وأرشادات فقط ما كنت
أدري أنها بطريقة طبية وهذا بسبب ضعف الإعلان عنها ولكن بعد ماراح لهم خوينا تبين لي انها بطريقة
طبية، والحمد لله الجمعية الي بالرياض ترك الدخان بسببها مايزيد على 14.000(أربع طعش الف)واللي
بالخرج أفتتحوها قبل رمضان وترك الدخان بسببها على ماأعتقد أكثر من 400 شخص(فيه ناس من 24 سنه يدخنون
والحمد لله تركوا الدخان بسبب هذا العمل المبارك بإذن الله ، خوينا الي قلت لكم عنه ما راح للجلسات السبع كلها
ماراح الا لاربع جلسات فقط!!والحمد لله ترك الدخان. من هنا حبيت أني أنقل لكم التجربة هذي على شان يستفيد
أكبر عدد من الأعضاء منها ،
أول كنا الامنا نصحنا واحد عن الدخان كان يقول ماأقدر أتركه ، ولكن الحين
ماعاد بقى عذر ، تكفون تكفون يالربع..على فكرة ترى لها رسوم وهو 150ريال على ماأعتقد ، والمية
وخمسين ريال تراها ماهي شيء ، تكفون تكفون أشروا صحتكم ، وأشروا دراهمكم ،وأشروا رضا
الله عليكم(لو أن المدخن يدخن بكت باليوم بخمس ريال اووسته وسبعه يصير دخانه
بالشهر 150ريال ، وبالسنة 1800ريال-غير الفلوس أنها معصية لله ، غير أنها معصية
صحتكم )الله الله ياشباب ، ،
شئ اخير بضيفه أكثر اللي اعرفهم تركوا التدخين عن طريق مكافحة التدخين بالرياض وغير كذا انتم مقبلين على دورات عسكريه وراح يتعبكم كثير فالدوره بغض النظر عن قيمة بيعه فالدوره اللي تتراوح مابين 200 الى 300 قيمة البكت الواحد
ولأن التدخين سبب من اسباب الهروب من الدورهـ
واللي يبي ينسخ الموضوع حلاله
ودي وورودي لكم
الواصـــــــــــــل
|
العرض الشجري
