السلام عليكم ورحمة الله وبركاته


اول شي احب ابارك للي اتصلوا عليهم مستشفى الملك خالد الجامعي بجامعة الملك سعوود

وقالولهم تعالوا عندكم مقابله شخصيه ..



بس حبيت استفسر للي عمل مقابله شخصيه اتمنى يكتب لنا وش كانت نوعية المقابله ..


سواء اشعه ولا صيدله ولا تمريض ولا سجلات طبيه ولا مختبرات ..




يعني اي واحد عمل مقابله شخصيه بالمستشفى ينزلها لنا عشان الشباب يستفيديون منها ..




وشكرا لكم

اجل تخصص الصيدله اتصلو على احد ؟ ياليت توضحون لنا

والله يالغالين مدري بس انا تخصصي اشعه واتصلوا علي وحددوا معي مقابله شخصيه ..


وفي ناس سوت المقابله وابي اعرف شنو صار معهم ..؟

ما اتوقع دقو على احد بالنسبه للصيدله بكره او يوم السبت بيدقون وبالتوفيق للجميــع

السلام عليكم ورحمه الله وبركاته ....

حبيت افيدك اخوي بالنسبه لأستفسارك عن المقابله الشخصية, انا اعتبر اسئلتهم متوسطه الصعوبه , بس المشكله انهم مايدارون ان الشخص مثلا كم له سنه متخرج , فيه اشياء غريبه صراحه في مقابلاتهم الشخصيه ,
يعني فيه اشخاص يطولون في المقابله .. وفيه ناس تدخل وتطلع بسرعه .. مع انهم كلهم يجاوبون .. بس انا ابي احكي لك اللي صار معي .. طبعا انا كنت من الشباب اللي قابلوا يوم السبت . دخلت وسآلني عن السي في ( السيره الذاتيه ) وعن الاماكن اللي طبقت فيها او اشتغلت فيها ..وانا من رايي اي شخص انه يحفظ لنفسه على الاقل بحدود سطرين لان كل شي محسوب علية في الكشف , وسآلني عن رغبتي المكانيه في التوظيف وقلت له الرياض .واكثر الناس قالوأ على حسب المكان اللي هو جاي منه وهذا غلط لانه راح يستبعدونه بسبب المشاكل في العمل { النقل , ترك الوظيفه ... آلخ } وطبعا السؤال الثالث في التخصص وكان من بروفيسوره .. / اذكر بعض اسماء المطهرات المستخدمه في المختبر . طبعا مثل الكحول ومثل الميثانول .. وغيره ..
السؤال الرابع كان عن انواع التيوبات .. والانتي كوقلنت الموجود فيها ( مانع التجلط ) ...وبعدها قال لي اطلع راح نرد لك خبر برساله على جوالك .. وللحين ماصار شي .. والتوفيق بيد آلله .. اتمنى اني قدرت افيدك وآسف على الاطاله ..

الله يوفق يالغالي ومشكور اخوي فني مختبر في خطر


انا سويت المقابله وانشاءالله خير نقوول ..

ولحد الان ما اتصلوا على احد وربك ييسرها .