تأسس الموقع عام
2006
Site was established in 2006
مشاكلك في العمل هل تواجهك مشاكل و ضغوط نفسيه في عملك اكتب مشكلتك وهناك من يساعدك |
أضف رد |
|
LinkBack
![]() |
أدوات الموضوع
![]() |
انواع عرض الموضوع
![]() |
|
|||
" مرمطه الراتب " وظيفتين " وياقلب لاتحزن . .!!
السلام عليكم ورحمه الله وبركاته
الموضوع مجرد فضفضه في اللي فيني ![]() الفصل الأول : قبل شهر , الحمد لله جاتني وظيفه بجامعه بـ راتب مقطوع على شركه ××× وظيفه إداريه ع مكتب و وقعنا العقد عند المدير الفلاني والراتب 2500 ر.س ![]() مع العلم أن معاي ثانويه + شهاده حاسب , لكن 2500 أحسن من العطاله داومنا من بدايه العقد 5/1 ميلادي لما 6/1 من السبت - الخميس وداوم من 8 - 2:30 " لكن نقعد لما 3 كـنوع من أحترام المدير ![]() داومت بدون أي تأخير بدون أي غياب ; الفصل الأقشر : بيوم من الأيام اتصل علي المدير المدير : الووه .. عبدالرحمن ! عبدلرحمن : هلا سم طال عمرك المدير : تعال الله يعافيك , السكرتير ماخذ اجازه تعال مكانه لين يجي .. عبدالرحمن : بس طال عمرك عندي فوق 50 معامله ماخلصتها ..! المدير : مو مشكله خلها بعدين تعال الله يعافيك . عبدالرحمن : أبششششر طال عمرك جآي ; شغله السكرتاريه قرررررررررررررررف للأخر ! [ اتصالات " استفسارات " طلبات توظيف " تحويل مكالمات ... إلخ ] " المدير الساعه 10 صباحاً " عبدالرحمن الله يعافيك تعال صور هالورقه انا : ابششر طال عمرك " المدير الساعه 10:15 صباحاً " عبدالرحمن تعال , ود هالأوراق لأبو فهد انا : ابششر طال عمرك .. " المدير الساعه 10:16 صباحاً " عبدالرحمن .. عبدالرحمن ... عبدالرحمن انا : كنت عند ابو فهد و جاي من بعيد واسمع صوته ينآدي ..جيت سم سم المدير : وينك ياخي من اليوم اناديك انا : كنـ .. المدير : قاطعني بكل بجاحه طيب طيب خذ هالأوراق صورها ودخلها عندك بالجهاز انا : طلعت بدون ما اقول ابشر صراحه طفشت .. ![]() يوم وصلت الساعه 2 ونص الظهر ومابقى شي ع نهايه الدوام المدير : عبدالرحمن !! انا : هلا .! المدير : خلاص روح مكتبك وخلص المعاملات واذا خلصت منها ودها لـ أبو فهد انا : واقف اناظر فيه زي كذا " ![]() ![]() قلت أمري لله و أروح للمكتب وأخلص كل شي وطلعت 3 ونص ** المدير مطوع لكن والله مايخاف الله والله ! اسمعه بالمكتب هلا حيآتي أم خالد هلا قلبي أم فيصل ![]() خذتي راتبك ! اااااااااااااالله ما عطوك خلاص بكلم الشركه يصرفون لك الراتب الحين الحين وفيه اشياء ثانيه قويه قويه والله ! ; تخيلو معي أشتغل شغلتين اللي هي سكرتاريه + الصادر والمعاملات اللي لازم أصورها * 90% من المعاملات اللي توصلني لازم اصورها وأحفظها عندي , والاصل أوديها لأبو فهد تصدقون عاد بهاليوم ماقدرت أفطر أبد ![]() صار بارد مره , واروح أطلب ثاني ونفس الحكايه يبرد بدون ما اشربه ![]() قعدت ع شغله السكرتايه و شغلتي لمده 3 ايام ; فصل المرمطه : جاا يوم الفله جاا يوم الوناسه اللي هو 6/1 اللي هو يوم الرواتب .. لكن يافرحه ماتمت , أخرو الرواتب لما 6/5 بسبب أخطاء قلنا نصبر 5 ايام مو مشكله ! نزلت الرواتب باليوم المذكور لكن المفاجأه !!!!!!!! ! ! مانزل راتبي ![]() سلامات وش السالفه وش هالتأخير المدير + المحاسب : اسفين أعذرنا عقدك لما الحين ما راح للشركه نسينا , و راح نرفعه الحين أنا : افا .. طيب طيب متى بينزل راتبي أن شاء الله ! المدير + المحاسب : بنرفع الأوراق أن شاء الله اليوم وبينزل الراتب بخلال هاليومين < ننتظر يومين نشوف ! جيتهم بعد 3 ايام مو يومين قالو للحين مارفعنا عندنا اشغال كثيره لكن بأقرب وقت انا : الله يصبرني وع هالحاله لمده اسبوعين " قلت بنفسي اذا مانزل الراتب الحين والله مآ اسوي لهم ولا معامله " ياحليلي مسوي انا ووجهي بعاندهم ![]() دخلت ع المدير هلاااه بالشيخ حيآك الله ترا نزل راتبك اليوم انا : والله ! احلف تكفى أحلف يرحم امك احلف عشاني ![]() المدير : بس فيه مشكله .. حصلت أخطاء بسيطه ببدل السكن لكن الراتب الاساسي نزل انا : طيب خير أن شاء الله مو مشكله متى بتحلون المشكله طال عمرك ؟!! المدير : بكلم الشركه وأن شاء الله بخلال كم يوم رحت للمحاسب باخذ الراتب للمعلومه الراتب الاساسي 1700 وبدل السكن 500 وبدل مدري وش 300 ![]() قال راتبك يازول 1371 انا : نزلت شماغي ورفعت الكم نآوي اقتله ههههه قال واللهي حصل خطا وما ادري كيف الباقي الشهر الجاي والله ينزل مامصدقني حيل الله اقوى نصبر مالنا الا الصبرر the end الحين انا وش ذنبي أتحمل أخطا هالجامعه وهالشركه يعني هم يخطون وانا أتحمل سسلامات واذا اخطيت انا خطا بسيط بس تعال هيه أنت ماتعرف للشغل انت وش هالخطا ! تصدقون عاد بما أني خبره أخترق مواقع + أجهزه خبره عاليه ![]() < يخترق اجانب فقط ![]() بديت أفكر أخترق أجهزه الجامعه بما أن الكل ع شبكه وحده , وأطب ع جهاز المدير وأطلع الشششششششيب براسه ! ![]() موضوعي مهب شكوى والله هو الوحيد اللي راح ياخذ حقي سواء بالدنيا أو بالاخره مجرد فضفضه , وأعذروني ع طول الموضوع هه " ![]() |
|
|||
ويقولـون السعودي مايشتغـل |
|
|||
** المدير مطوع لكن والله مايخاف الله والله ! |
|
||||
الله يعينك التعديل الأخير تم بواسطة 3laawei ; 15-06-2010 الساعة 10:49 PM |
|
||||
اقتباس:
بمسك علي شي , و راح أفتح له رساله ع جهازه و بكتب فيها " رسَم كل الموظفين الموجودين بالإداره ولا ترا بقول لهم عن حركاتك .!! ![]() منور يا ماجد لآعدمنا هالطله يالغالي .. اقتباس:
وأنت صادق هذي هي مشكلتي الطيبه الزايده و مو بس بالدوام .. بكل مكان وصدقني الطيبه تنفع مع بعض الناس , راح تنقلب هالطيبه بعد الترسيم , أعلمممممه الطيبه زين ![]() بعدين أنت تستاهل 7 الاف من راتبي شهرياً ![]() بالنسبه لـ موضوع السكرتاريه ما اتوقع راح يعطوني شهاده ع 3 ايام , أو حتى خبره ! بعض الأشخاص يا سيف شفتهم والله يشهد ع كلامي يستخدمون الدين لـ أمور دنويه و طول اللحاء عند بعض الاشخاص عشان يكسب محبه فلان وعلان أو مصالح غيرها 4 أشخاص شفتهم بحياتي يستخدمون الدين لأمور الله يكفينا شرها شخصين من قوم لوط ![]() لكن ما أقول الا الله لايرحم من يستخدم الدين لأمور الدنيا عليه الصلاه والسلام , وأن شاء الله أذكره الله يوفقك ويسعدك على هالكلام الحلو , لاعدمتك اقتباس:
![]() اللهم آميين , الله يسعدك ويوفقك يارب اقتباس:
أحسسسن شي سويته والله , مثل ما قالو الأخوان فوق الطيبه ما صارت تنفع : ( الله يوفقك , منور |
|
||||
من ناحية شغل السكرتاريه عز الله انك صدقت شغلتها شغله رح كلم العميل هذاك رح صور رح اطبع خطاب رح ارسل فاكس استقبل الى اخره لاكن والله انبسط لا اشتغلت بس مشكلتي اتعب الدخان لعب فيني مير الزبده ياااذيبااان قدم على مكتب العمل دام معك ثانويه وحاسب وادخل في غرفة مشاكلك في العمل انا منزل موضوع عن صندوق الموارد البشريه كيف تقنع الشركه ترفع راتبك ومر مكتب العمل بالريااض وظايف كثر التراب والرواتب من 2000 الى 4500 للثانويه ولا جيت الشركه عن طريق مكتب العمل يوظفونك غصب من ورى خشومهم عيال النعمه ماسكين المناصب وعيال القبايل متسدحين خخخخخخخخخخخخخخخخخخخخخ أبك رح لـ مكتب العمل حرام للتتوظف انا معقــب وراتبي 4000 واحلى بردقـه ولا معي حاسب بس معي خبره مالها علاقه بالتعقيب وهي سكرتير المدير ومرتن من المرات طبعا انا الي اعزز للمدير المهم كنت ارتب الاوراق بالمكتب وحسيت بشي نغزني قلبي واطلع الا هاك المطـوع معي بالدوام يراقبني يحسبني بسسسرق والله بغيت اكلـه الا حاجه بسيطه انلخـمم ومشى بس لا هايطت عليه والله لا اتكـي بالبيـت اشرب زقاره مع الشاهي والجيب فاضي ما فيه فلوس خخخخخخخخخ المهم مر مكتب العمل وادخل عليهم عليهـم ششششآطح <<<< الله يستر عليك اخوي ويوفقكـ ولا تنسآني لا مسكت منصب منتآز خخخخخخ التعديل الأخير تم بواسطة الثبيتي بن روق ; 21-06-2010 الساعة 01:11 AM |
أضف رد |
(( لا تنسى ذكر الله )) |
|
|
|