السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

الله يعلم اني كنت ايغا عملي هذا بالخفا
بس انتم اخواني و مابغا اكون انانيه وابغاكم تستفيدون مثلي
انا قريت كذا موضوع لتاجر عبادي عن الصدقات
وقررت اني اتصدق

وقعدت افكر كيف اتصدق بدون محد يدري
وابغا افك كربة انسان محتاج
ويوم جا أمس وأخوي يشتكي من سيارته وانه خربان فيها أكثر من حاجه وحتى المكيف مايشتغل
وكل مارجع من مشوار قال مت من الحر

وكل شيء بسيارتي خربان قلت ليش ماتصلحها
وهو يحسب كل شيء خربان فيها قال بتكلف علي 600 ريال او 700 ريال
وانا ببداية الشهر
ومكآفأتي أصرف منها على البيت ومابقى غير 400 ريال ابغاها تكفيني لآخر الشهر

المهم وتسكر الموضوع على كذا
انا فكرت وقلت الأقربون أولى بالمعروف
ومسكته وقلت له بعطيك 500 ريال وتصلح كل شيء خربان فيها

انا ماقلت له ان نيتي انها صدقه
قلت اعتبرها سلف ومتى ماتوظفت وحبيت ترجعها رجعها واذا ماتبغا ترجعها لاترجعها
طار من الفرح
ويوم جا الصبح اليوم ومسكته قلت ال 500 ريال بس لتصليح سيارتك لو يزيد ريال واحد ترجعه لي

ليش قلت له كذا
لأن اخوي الله يهديه يشتري اشرطة افلام وأغاني
ومايغا اذا زاد منه شيء أكون ساعدته انا بشراء هالأشرطه

زعل وقال تتمنين علي أقولك مابراجع لك ولا ريال بتكلف 600 ريال او 700

المهم من الساعه 8 الصباح وهو مودي سيارته للورشه وصلح فيها نص

والنص الثاني صلحه العصر
ورجع بعد صلاة العشاء للورشه عشان يصلح آخر شيء المكيف

وبعدما رجع للبيت ناداني وقال تعالي ابغاك
قال أسألك بالله وش قصة الفلوس هذي
ضحكت وقلت ليش

قال وقسم بالله فيها بركه
كل ماشريت قطعة غيار يقولي سعرها وانا ماني بمصدق
والله صلحت كل شيء بـــ 200 ريال بس
واذا تسمحين لي ودي استغل هذي البركه وأغير المروحه
قلت غير اللي تغيره أهم شيء اللي يبقى ترجعه ههههههههه**************** تتمنن عليه

سبحان الله
هذي بركة الصدقه

ردودكم وآرائكم